حه‌رفا بێ

142- برق، به‌رق: رووناهی، نوور. د عه‌ره‌بیدا ئه‌و رووناهییه کوو ژ ناڤ عه‌ورا ده‌ردکه‌ڤێ: برویسک. «هُوَ الَّذِي يُرِيكُمُ الْبَرْقَ - ئه‌و ئه‌وه‌ یێ برووسکێ نیشا هه‌وه دکێ... ره‌عد/ 12». ده‌ما چاڤ دکه‌ڤن طرسێ و دله‌رزن و له‌یلان ژێ دچن، دبێژن: «بَرِقَ البَصَر. قیامه‌ت/ 7». و: به‌قه‌ره‌/ 19، 20،رووم/ 24، نوور/ 43

ئه‌باریق: جه‌معا «‌ئبریق» ب مه‌عنا ئامانا کویر یا ئاڤێ یه. د ئه‌باریقێ ده گه‌ره‌که مه‌عنا «به‌رق- له‌یلان» هاتبێ مه‌لحه‌زه کرن. ئه‌کواب جه‌معا «که‌وب»ه ‌ب مه‌عنا کاسکا بێ چه‌نبل. «بِأَكْوَابٍ وَأَبَارِيقَ وَكَأْسٍ مِّن مَّعِينٍ - واقعه/ 18».

ئسته‌بره‌ق: هه‌ڤریشمێ ستویر و دبرقی. ئنسان/ 21».

143- بَرکت، به‌ره‌که‌ت: باشی و فه‌یدا سابت و جی‌گرتی. ل خوه‌زێده‌کرن، پرخێر و باشی.

بارک علی محمد و‌آل محمد، یانی: قه‌در و قیمه‌تێ وان سابت و دائمی بکه.

ژ برکا ئاڤێ را «برکه» تێ گووتن، چکو هه‌ر ئاڤ تێدا هه‌یه و سابته.

 Ù…وفره‌داتێ گووتیه: به‌ره‌که‌ت، یانێ جێگرتنا خێرا خودایی د تشته‌کیده. Ùˆ هاتیه گووتن: موباره‌ک، تشته‌که‌ Ú©Ùˆ فه‌یدا ÙˆÛŽ به‌رده وام Ùˆ جیگرتی بێ.

ته‌باره‌که‌للاه، ژ به‌ر وێ یێکێ تێ گووتن کوو فه‌یده و باشیێن جی گرتی و سابت د خودا ده‌ نه و ژ ئالیێ خوداڤه ‌نه.

«تَبَارَكَ اللّهُ رَبُّ الْعَالَمِينَ- هه‌رو هه‌ر خوه‌یێ باشیێ یه خودایێ خویکه‌رێ جهانیان. ئه‌عراف/ 54». «ته‌باره‌که‌للاه» نه‌ھ جاران د قورئانێده هاتیه و هه‌ر جار پێشیا وێ و پاش وێ به‌حسا نعمه‌ت و قودره‌تا خودێ هاتیه کرن، و ئه‌ڤاهه نیشان ددێ موناسبتر ئه‌وه‌ كو «ته‌باره‌ك» ب: پرفه‌یده‌ و فه‌یدا وی هه‌روهه‌ر بێ مه‌عنه‌ كرن نه‌كو ب مه‌عنا: « ئه‌و هه‌ر هه‌یه» هه‌ر چه‌ند ئه‌ڤ مه‌عنه ژی دورسته، چکو هنه‌کا مه‌عنا « هه‌رهه‌بوونێ» ژی ژ ڤێ که‌لیمێ ‌را گووتنه.

قورئانا پیرووز و که‌عبه و باران و عیسا (س) د ئایه‌تاده ب ناڤێ «موباره‌ک» ژێ هاتیه خه‌به‌ردان، ئه‌ڤاهه ژ به‌ر وێ یه کو فه‌یده و خێر و باشیه‌ک دائمی و سابت و هه‌رو هه‌ر د واندا هه‌یه و ئه‌و به‌ره‌که‌تن.