ئه‌خلاقێ پێغه‌مبه‌ر صلی الله‌ علیه‌ و آله‌

1- خوه‌ مه‌زن نه‌كرن ‌

خوه‌ مه‌زن نه‌كرن یێك ژ ئه‌خلاقێن پێغه‌مبه‌ر بی صلی الله‌ علیه‌ و آله‌ ئه‌وی نه‌حه‌زیا خوه‌ ژ ھه‌می شكلێن خوه‌ مه‌زن كرنێ نیشان د‌د‌ا و قه‌ت به‌رێ وی نه‌ لخوه‌ مه‌زنكرنێ بی و ئه‌ڤ یێك حه‌قیقه‌ته‌ك عه‌مه‌لی بی ر ژیانا وی د‌ا. د‌یرووك نڤیسان گه‌له‌ك خه‌به‌رد‌ان ڤێ د‌ه‌رحه‌قێ د‌ا نڤیسینه‌ كو ھنه‌ك ژ وان ئه‌ڤن:

1- كه‌سه‌ك ھات جه‌م پێغه‌مبه‌ر صلی الله‌ علیه‌ و آله‌ و ھه‌یبه‌تا وی صلی الله‌ علیه‌ و آله‌ لێ ئه‌سه‌ر كر و ترس و بزد‌ھان د‌ رویێ وی را خوه‌یھا، ڤێجا پێغه‌مبه‌ر صلی الله‌ علیه‌ و آله‌ خوه‌ ژێ نه‌رحه‌ت كر و گووتێ: ئه‌ی ره‌به‌ن! ئه‌ز ژی ھه‌ما كورێ ژنه‌ك قوره‌یشی مه‌ كو ترشك د‌خارا.[13]

ڤێجا بنێرن ئه‌ڤێ مه‌سه‌لێ كو چه‌وا خوه‌ ژ مه‌زنكرنێ د‌وور تێخێ و پاكی یێ ب نه‌فسێ ناكێ و ھه‌می شكلێن خوه‌ مه‌زنكرنا ل سه‌ر خه‌لكێ ژ خوه‌ د‌وور تێخێ. ھه‌می ئاوایێن مه‌زناھی یێ و به‌ند‌ه‌تی یا ھه‌می ئالی ھه‌ما ژ خود‌ایێ خالقێ عاله‌مێ ته‌نێ را یه‌، ئه‌و خود‌ایێ ژیان چێكری، روو و روومه‌ت ل به‌رابه‌رێ وی ته‌نێ د‌ا شكه‌ستی نه‌، نه‌ ژ كه‌سه‌ك د‌ی را.

2- ره‌سوولێ خود‌ێ صلی الله‌ علیه‌ و آله‌ صه‌حابه‌ نه‌ھی ئكران ژ وێ یێكێ كو ئه‌وی د‌ مه‌زنكرنێ د‌ا ژ حه‌د‌ د‌ه‌رینن و د‌گووتا وان: ھوون ژی وه‌ك فله‌ھان كو كورێ مه‌ریه‌مێ د‌ مه‌زنكرنێ د‌ا ژ قه‌ید‌ێ د‌ه‌رانین، د‌ه‌رحه‌ق من د‌ا وه‌ نه‌كن، ئه‌ز ھه‌ما عه‌بد‌ و به‌ند‌ه‌یه‌كم ژ عه‌بد‌ێن خود‌ێ، ھون وھا بێژن: عه‌بد‌ و به‌ند‌ه‌یێ خود‌ێ و پێغه‌مبه‌رێ وی.[14]

خوه‌شد‌ڤێ ترین وه‌صفێ كو حه‌ز د‌كرا ژێرا بێ گووتن ئه‌و بی كو: ئه‌و عه‌بد‌ و ھنارتی یێ خود‌ا یه‌. ئه‌وی حه‌زره‌تی صلی الله‌ علیه‌ و آله‌ ژ ھه‌می ئاوایێن ئه‌زئه‌زی و مه‌زناھی یێ د‌كرھاند‌ا.

ئبن عه‌بباس د‌بێژێ: ئه‌ز په‌ی ره‌سوولێ خود‌ا را رێڤه‌ چووم د‌ا ئه‌ز ببینم Ú˜ Ú¤ÛŽ یێكێ حه‌ز د‌كێ ئان حه‌ز ناكێ، ڤێجا ئه‌وی حه‌زره‌تی د‌ه‌ستێ من گرت Ùˆ ئه‌ز ئانیم ره‌خ خوه‌ڤه‌ Ùˆ د‌ رێزا خوه‌ د‌ا د‌انی. پاشێ جاره‌ك د‌ی من خوه‌ Ú˜ ÙˆÛŒ پاشڤه‌ ھێلا، د‌یسا د‌ه‌ستێ من گرت Ùˆ ئه‌ز ئانیم كێله‌كا خوه‌، ڤێجا من زانی ئه‌و حه‌ز ناكێ ئه‌ز په‌ی  ÙˆÛŒ را رێڤه‌ بچم.[15]

3- نیشانه‌ك د‌ی یا خوه‌ مه‌زن نه‌كرنێ ئه‌و بی د‌ه‌ما به‌نی و كووله‌یه‌كی گازی كربیا ئه‌وی جه‌وابا وی د‌د‌ا و خوه‌ سه‌ر وی مه‌زن نه‌د‌كرا. ژ گووتنا وی حه‌زره‌تی یه‌ كو د‌بێژێ: ئه‌گه‌ر به‌نییه‌ك ژ راكرنا پینه‌یه‌كی را گازی من بكێ، ئه‌زێ جه‌وابا وی بد‌م.[16]

4- نیشانه‌ك د‌ی ئه‌وه‌ كو د‌ه‌ما پینه‌یه‌ك ژی ھه‌د‌یه‌ بد‌انێ قه‌بوول د‌كرا و ئه‌گه‌ر بال جھه‌كی ڤه‌ بھاتا گازی كرن ژی جه‌وابا قه‌بوولێ د‌د‌ا.[17] قه‌ت خوه‌ سه‌ر كه‌سی ناخستا و باشیا كه‌سی ھه‌رچه‌ند‌ كێم بیا ژی قه‌بوول د‌كرا.

5- ژ ئه‌خلاقێن وی یێن بژاره‌ و بلند‌ ئه‌و بی كو حه‌ژ جڤاتا فه‌قیر و ژاران د‌كرا و ئه‌و د‌ كێله‌كا خوه‌ د‌ا و ره‌خ خوه‌ ڤه‌ روود‌نشتاند‌ان، ئه‌ڤ یێك ژ ئه‌خلاقێن وی یێن بلند‌ و نیشانێ خوه‌ مه‌زن نه‌كرنا وی یه‌.