ئه‌خلاقێ پێغه‌مبه‌ر صلی الله‌ علیه‌ و آله‌

ئه‌وی ص گووت: ئه‌ی عایشه‌، ئه‌ز و د‌ونیا؟ برایێن من ژ پێغه‌مبه‌رێن ئولول عه‌زم سه‌ر د‌ژوارترێ ژ ڤێ صه‌بر كرن، لێ ب ئالیێ خود‌ایێ خوه‌ ڤه‌ چوون و خود‌ا ژی جھێ وان خوه‌ش كر و خێره‌ك باش د‌ا وان، ڤێجا ئه‌ز شه‌رم د‌كم ژ وێ به‌رفره‌ھی یا كو صبه‌ھی كێماسی پێڤه‌ بێ، قه‌ت تشته‌ك ژ من را خوه‌شتر ژ وێ نینه‌ كو ئه‌ز بگھێم برا و د‌ووستێن خوه‌.[29]

2- ئبن عه‌بباس روایه‌ت د‌كێ كو چێد‌بیا چه‌ن شه‌ڤان په‌ی ھه‌ڤ ره‌سوولێ خود‌ا صلی الله‌ علیه‌ و آله‌ و ئه‌ھلێ مالا وی برسی د‌مان و شیڤا وان تنه‌بی.[30]

3- كه‌سه‌ك ھات بال پێغه‌مبه‌ر صلی الله‌ علیه‌ و آله‌ وه‌كی د‌یت سه‌ر حه‌سیرێ روونشتییه‌ و جھێ حه‌سیرێ مایه‌ سه‌ر به‌د‌ه‌نا وی و رویێ وی ژ به‌ر رایێخێ كوور بویه‌. ڤێجا وی زلامی گووت: نه‌حه‌قی یه‌ كه‌سرا و قه‌یصه‌ر سه‌ر ھه‌ڤریشم و د‌یباجێ رازێن و تو لسه‌ر ڤێ حێسیرێ. ڤێجا حه‌زره‌تێ ره‌سوول صلی الله‌ علیه‌ و آله‌ كه‌ره‌م كر: ما من و د‌ونیایێ چ ناڤ ھه‌ڤ د‌ا ھه‌یه‌؟ مه‌سه‌لا د‌ونیایێ وه‌ك مه‌سه‌لا وی صواری یه‌ كو به‌ر د‌ارستانه‌كی را ببوورێ كو سیبه‌را وان ھه‌بێ و بێھنه‌كی خوه‌ بد‌ێ به‌ر سیبه‌را وان ڤێجا د‌ه‌ما سیبه‌را وێ خلاس بی ئه‌و وێ ته‌رك بد‌ێ وبچێ.[31]

4- ھه‌ڤژینا ره‌سوولێ خود‌ێ عایشه‌ د‌بێژێ: حه‌تا ره‌سوولێ خود‌ێ ص فه‌فات ژی كر، قه‌ت سێ رووژان په‌ی ھه‌ڤ پێ نانێ گه‌نم خوه‌ تێر نه‌كر.[32]

5- د‌یسا ئه‌و د‌بێژێ: جھكێ خه‌وا ره‌سوولێ خود‌ێ صلی الله‌ علیه‌ و آله‌ ژ به‌لگێن خورمێ بی و د‌ه‌ما وه‌فات ژی كری ھنگێ زرھێ وی ژبه‌ر خارنا عیالێ وی ڤه‌ ل بال جھویه‌كی بی.[33]

6- یێكی ژ ئه‌نصارییا ھنه‌ك خورمه‌ د‌ان خد‌اما خوه‌ كو ژ پێغه‌مبه‌ر را صلی الله‌ علیه‌ و آله‌ ببێ، د‌ه‌ما ھات، ره‌سوولێ خود‌ێ صلی الله‌ علیه‌ و آله‌ گووتێ: بنێره‌ كا تشته‌ك ھه‌یه‌ بینه‌ د‌ا تو ڤان خورمان بكی تێد‌ا، ئه‌و چو گه‌رھا تشته‌ك نه‌د‌یت، ھات وه‌زع و حال ژێرا گووت، ڤێجا ره‌سوولێ خود‌ێ صلی الله‌ علیه‌ و آله‌ پێ جلكێ خوه‌ جھه‌ك پاقژ كر و گووتێ: د‌انێ ڤێد‌ه‌رێ. په‌ی را وھا گووت: صووند‌ ب وی جانێ من د‌ د‌ه‌ستێ وی د‌ا، ئه‌گه‌ر قاس چه‌نگێ پێشویه‌كی قیمه‌تێ د‌ونیایێ لبال خود‌ا ھه‌بیا، قه‌ت تشته‌ك ژ وێ نه‌د‌د‌ا كافر و منافقان.[34]

ئه‌ڤه‌ رێچكا زاھد‌انه‌ یا ره‌سوولێ خود‌ێ صلی الله‌ علیه‌ و آله‌ د‌ د‌ونیایێ د‌ا، تشته‌ك د‌ مال د‌ا نه‌بی كو ئه‌وا خورمان د‌انن سه‌. جیگرێ وی و د‌ه‌ریێ باژارێ زانینا وی حه‌زره‌تێ میرێ باوه‌رد‌اران ژی كه‌ت سه‌ر ڤێ رێچكێ و پێڤه‌ چو حه‌تا رۆژا كو ئه‌جه‌لێ وی گھا. ئه‌وی ژ مالێ د‌ونیایێ قه‌ت تشته‌ك پاش خوه‌ ڤه‌ نه‌ھشت و د‌ رۆژێن حوكمد‌اریا خوه‌ د‌ا ژی ژ جی ئانینا عه‌د‌اله‌تێ و خوه‌شی چێكرنا ژ موسلمانا را زێد‌ه‌تر تشته‌ك نه‌د‌خوه‌ستا.

9- شه‌رم و حه‌یا

شه‌رم و حه‌یا صفه‌ته‌ك د‌ی یێ ره‌سوولێ خود‌ا بی صلی الله‌ علیه‌ و آله‌ . ئه‌بو سه‌عید‌ێ خود‌ری د‌بێژێ: شه‌رم و حه‌یایێ پێغه‌مبه‌ر صلی الله‌ علیه‌ و آله‌ پتر بی ژ كه‌چا د‌ ناڤ جھكێ خوه‌ د‌ا.[35]

ھه‌ما ژ به‌ر ڤی حه‌یایێ پر زێد‌ه‌ بی كو د‌ه‌ما مه‌كھ ڤه‌گرتی، كو مه‌ركه‌زێ د‌وژمنێن وی بی، چه‌كد‌اران د‌وورا وی گرتبی و ئه‌وی سه‌رێ خوه‌ د‌ابی به‌ر خوه‌ و گووت وان قوره‌یشی یێن د‌وژمن: د‌ێ ھه‌رن، ھوون ئازاد‌ن.