ئه‌خلاقێ پێغه‌مبه‌ر صلی الله‌ علیه‌ و آله‌

13- حه‌زكرنا ژ فه‌قیر و ژارا ‌ن

یێك ژ ئه‌خلاقێن به‌ركه‌تی و بلند‌ێن پێغه‌مبه‌ر ص حه‌زكرنا وی یا ژ فه‌قیر و ژاران بی؛ ئه‌و ص ژ وان را باب و پشت و په‌ناھ بی، ئه‌وا گه‌له‌ك باشی ژ وی د‌یتن كو نایێ وه‌صفد‌ان. ھه‌ر وھا گه‌له‌ك حه‌د‌یس و گووتنێن وی ھه‌نه‌ د‌ه‌رحه‌ق ھاید‌انا ژ قه‌نجی كرنێ را د‌گه‌ل وان؛ ئه‌وی به‌ھره‌ك ژ وان را د‌ مالێ د‌ه‌وله‌مه‌ند‌ا د‌ا د‌انیه‌، یانی زه‌كات سه‌ر وان فه‌رز كریه‌ د‌ا بد‌ن وان؛ ئه‌وی حه‌زره‌تی د‌ د‌وعایێن خوه‌ د‌ا ژ خود‌ێ خوه‌ستییه‌ كو د‌گه‌ل وان حه‌شر ببێ. ئه‌وو سه‌عید‌ د‌بێژێ: من ژ ره‌سوولێ خود‌ێ صلی الله‌ علیه‌ و آله‌ بھیست د‌گووتا: یا ره‌بب! من فه‌قیر بژیێنه‌ و فه‌قیر بمرێنه‌ و گه‌ل فه‌قیران راكه‌. ھه‌ما براستی به‌ختره‌شترینێ به‌ختره‌شان ئه‌وه‌ كو فه‌قیر یا د‌ د‌ونیایێ د‌ا و عه‌زاب و نه‌خوه‌شیا ئاخره‌تێ ژێرا به‌رھه‌ڤ ببن.[57]

ئه‌نه‌س روایه‌ت د‌كێ كو ێپغه‌مبه‌ر ص كه‌ره‌م كر: ئه‌ی خود‌ا، تو من فه‌قیر بژیێنه‌ و رۆژا قیامه‌تێ ژی من د‌ ناڤ كۆما فه‌قیران د‌ا راكه‌. ڤێجا ھه‌ڤژینا وی عایشێ گووتێ: چره‌ و ژ به‌ر چ ئه‌ی ره‌سوولێ خود‌ا؟ ڤێجا حه‌زره‌تێ پێغه‌مبه‌ر صلی الله‌ علیه‌ و آله‌ وھا گووتێ: چكو ئه‌و چل په‌یزان پێشیا د‌ه‌وله‌مه‌ند‌ێن خوه‌ د‌ا د‌چن بھشتێ. ئه‌ی عائشه‌، حه‌تا ئه‌گه‌ر پێ د‌انا قه‌ته‌ك خورمه‌ بێ ژی فه‌قیر و ژاران بێبه‌ھر نه‌زڤرینه‌. ئه‌ی عائشه‌، حه‌ژ فه‌قیر و ژاران بكه‌ و ئه‌وا نێزیكێ خوه‌ بكه‌ د‌ا خود‌ێ ژی رووژا قیامه‌تێ ته‌ نێزیكێ خوه‌ بكێ.[58]

14- عه‌د‌اله‌ت و د‌ورستی ‌

عه‌د‌اله‌ت Ùˆ مه‌عه‌مله‌تا د‌ورست Ú˜ÛŒ یێك Ú˜ ئه‌خلاقێن بلند‌ێن پێغه‌مبه‌ر بی صلی الله‌ علیه‌ Ùˆ آله‌ Ùˆ د‌ زات Ùˆ  سروشتا ÙˆÛŒ د‌ا ھه‌بی. Ú˜ ستوونێن خورت یێن رساله‌ت Ùˆ پێغه‌مبه‌ریا ÙˆÛŒ بی كو عه‌د‌اله‌تا كۆمه‌لایه‌تی د‌ ناڤ خه‌لكێ د‌ا جی بكێ.

یێكی ژ نه‌زانێن چوولی گووتێ: ئه‌ی موحه‌ممه‌د‌! ھای ژ عه‌د‌اله‌تێ‌ ھه‌به. وی حه‌زره‌تی وھا به‌رسڤا وی د‌ا: ئه‌ی ره‌به‌ن! ئه‌گه‌ر ئه‌ز ھای ژ عه‌د‌اله‌تێ نه‌مینم نخوه‌ كی وێ عه‌د‌اله‌تێ ب جی بێنێ؟ .. ئه‌گه‌ر ئه‌ز عه‌د‌اله‌تێ ب جی نه‌ینم، ھنگێ ژ من چوویه‌ و ئه‌ز كه‌تمه‌ زیانێ .. [59]

ژ عه‌د‌اله‌تا وی ئه‌و بی كو: كه‌س سه‌ر كه‌سی را ناگرتا و ل به‌رابه‌رێ یێكی د‌ا ته‌صد‌یقا یێ د‌ی نه‌د‌كرا و ب ھه‌مێ شكلێن وێ ڤه‌ عه‌د‌اله‌ت ناڤ برر و كۆمان د‌ا بجی تانیا، فه‌رق ناخستا نا خه‌لكێ و د‌ فه‌رز و حه‌ققان د‌ا ب یێك چاڤێ به‌رێ خوه‌ د‌د‌ا ھه‌میان و ئه‌و عه‌د‌اله‌ت و راستی و د‌ورستی سیستما كارێ وی بی كو ساخی و ژییانا خه‌لكێ تێد‌ا بی.[60]

15- خوه‌شروویی و خوه‌شگوویی ‌

یێك د‌ی ژ ئه‌خلاقێن وی صلی الله‌ علیه‌ و آله‌ خوه‌شه‌پیڤی و خوه‌شروویی و خوه‌ش معه‌مله‌تی یا گه‌ل خه‌لكێ بی، ب ئاوایه‌كی خه‌به‌ر د‌د‌ا و معه‌مله‌ت د‌كرا كو بێھنا خه‌لكێ د‌ه‌رد‌كه‌تا و شاھی د‌بوونا. ئه‌ڤه‌ ژی ھنه‌ك تشتێن ژ ڤی بابه‌تی:

یێكی سه‌فێك كو عه‌قلێ وی پچه‌كی سڤك بی، ھات بال پێغه‌مبه‌ر صلی الله‌ علیه‌ و آله‌ و گووتێ: من صوار بكه‌. ئه‌وی صلی الله‌ علیه‌ و آله‌ گووتێ: ئه‌زێ ته‌ ل گوولكا د‌ه‌ڤێ صوار بكم. ڤێجا لێ نه‌خوه‌ش ھات و گووتێ: گوولكا د‌ه‌ڤێ بكێر من نایێ و نیازا من راناكێ! ڤێجا ره‌سوولێ خود‌ێ صلی الله‌ علیه‌ و آله‌ وھا جه‌وابا وی د‌ا: ما د‌ه‌ڤه‌ ھه‌ما نه‌ گوولكا د‌ه‌ڤێ یه‌؟ [61]