سووره‌تێ به‌قه‌ره‌، مه‌د‌ه‌نی یه ‌و 286 ئایه‌ته‌

80)و گوتن: ژ چه‌ند روژه‌كا پێڤه‌ ئاگر ل مه ناكه‌ڤێ! (ئه‌ی پێغه‌مبه‌ر) بێژه: گه‌لوو، هه‌وه ژ بال خودێ سووزه‌ک گرتیه؟ ڤێجا خودێ چ جارا ژ سووزا خوه‌ لێ ڤه‌نابێ، ئان تشتا هوین نزانن هوین ل سه‌ر خودێ دبێژن.

81)به‌لێ، ئه‌و که‌سێ پیساتیه‌ك کر و گونه‌هێ وی ئه‌و ل ناڤ خوه‌ دا گرت، ڤێجا ئه‌ون ئه‌هلێ ئاگر و ئه‌و تێدا دائیمی نه.

82)و ئه‌و که‌سێن باوه‌ری ئانیین و عه‌مه‌لێن قه‌نج کرین، ئه‌ون ئه‌هلێ بھشتێ، ئه‌و تێدا دائیمی نه.

83)و ده‌ما مه‌ (خودێ) وه‌عده‌ ژ به‌نی ئسرائیل گرتی کو: هوین به‌نده‌تیا که‌سی ژ غه‌یری خودێ نه‌کن و هون ب دایبابێ خوه‌ را قه‌نجیێ بکن و(هه‌ر وها) د گه‌ل مروڤێن خوه‌، و یه‌تیما و ره‌به‌نا؛ و ئاخفتنه‌ك خوه‌ش ژ خه‌لکێرا بێژن، و نمێژێ بجی بینن و زه‌کاتێ بدن، پاشێ خێنجی کێمه‌کی ژ هه‌وه، یێن دی پشت دان (سووزا خوه‌) و به‌رێ خوه ژێ زڤراندن.

84)و ده‌مێ مه، سووز ژ هه‌وه‌ گرتی كو هوین خوینا هه‌ڤ نه‌رێژن و هوین هه‌ڤوودو ژ جی و وارێ وا نه‌ده‌رێخن، پاشێ هه‌وه‌ قرار پێ دا، د حاله‌کی دا کو هوین شاهد بین.

85)پاشێ هوین ئه‌ڤێنهه‌نێ، هه‌ڤ دکوژن و هنه‌کا ژ خوه‌، ژ جی و وارێ وا ده‌رتێخن؛ و هوین ب گونه‌ھ و ده‌ستدرێژیێ ل دژێ وا دا ئاریکاریا هه‌ڤ دکن. و ئه‌گه‌ر ب ئه‌سیری ب ئالیێ هه‌وه‌ دا بێن، هوین «فدیێ» ژ به‌ر وا ڤه‌ ددن، ئه‌ڤاھه‌ د حاله‌کی دا یه‌ کو ده‌رئێخستنا وان لسه‌ر هه‌وه‌ ھاتبی حه‌رام كرن، گه‌لوو هوین ب هنه‌ک ژ کتابێ باوه‌ریێ دئینن و هنه‌کی ئنکار دکن؟ ڤێجا ، جه‌زایێ که‌سێ ڤێ یێکێ بکێ ژ خێنجی روره‌شی یێ ل ژیانا دونیایێ دا نه‌ تشته‌ك دی یه‌، و روژا قیامه‌تێ ژی وێ بێن ئاژوتن بال دژوارترین عه‌زاب ڤه. و خودێ غافل نینه ژ وێ یا ھوین دکن.

86)ئه‌ون یێن ژیانا دونیایێ ب بهایێ (فروتنا) ئاخره‌تێ کریین، ڤێجا عه‌زاب ل وا سڤک نابێ و نه‌ ژی ئاریكاری ژ وان را تێ کرن.

87)و براستی مه‌ کتێب (ته‌ورات) دا مووسا و پاش ویڤه‌، مه‌ پێغه‌مبه‌ر په‌ی ھه‌ڤ رێکرن. و مه‌، ده‌لیلێن ڕوناهی (ئنجیل) دان عیسایێ کورێ مه‌ریه‌مێ، و مه‌، پێ رحێ پاک (روح القدس) پشتا وی گرت، ڤێجا چره، که‌نگێ پێغه‌مبه‌ره‌ک ژ هه‌وه‌را تشته‌کی نه‌ لسه‌ر دلێ هه‌وه بێنێ هوین کوباریا خوه‌ لێ دکن، ڤێجا هه‌وه هنه‌ک ژ وا ده‌ره‌وین حه‌ساب کرن و هنه‌کا ژی هوین دکوژن.

88)و گووتن: دلێ مه ل كالان دا یه‌ (گوتنا هه‌وه‌ ناگهێتێ) نه، به‌لکی خودێ له‌عنه‌ت ل وا کریه ژ به‌ر کوفرا وا. ڤێجا کێم ژ وا هه‌نه‌ ئیمانێ بینن.

89)و ده‌ما ژ ئالیێ خودا ڤه‌ کتابه‌ک ژ وا را هات کو ئه‌وا ل بال وا، راست ده‌رئێخست، و ئه‌وا ژی پێشیێ دا خوه‌ (پێ وێ) سه‌ر ئه‌وێن كافر بویین رادگرتان، ڤێجا ده‌ما ئه‌وا بو وان ناسیار، ژ وان را ھات، ئنكارا وێ کرن، ڤێجا له‌عنه‌تا خودێ لسه‌ر کافرا بێ.