سووره‌تێ به‌قه‌ره‌، مه‌د‌ه‌نی یه ‌و 286 ئایه‌ته‌

70)گوتن: ژ بوونا مه‌، ژ خودایێ خوه‌ بخازه، بلا ژ مه را کفش بکێ ئه‌و چیه؟ براستی ئه‌و چێل، ل به‌ر مه وندا بیه، و براستی ئه‌گه‌ر خودێ حه‌ز بکێ، موحه‌قه‌ق ئه‌مێ رێ راست ببن.

71)گوت: براستی ئه‌و دبێژێ: ئه‌و چێله‌که، نه‌ فێره‌کریه کو عه‌ردێ بکێلێ و نه‌ ژی چاندناهیێ ئاڤ ددێ، سه‌غله‌مه و چ خال و له‌که‌ تێدا نینه، گوتن: ئهانها، ته‌ یا حه‌ق نیشان دا؛ ڤێجا سه‌ر ژێ کرن و کێم ما بی کو پێک نه‌ئینن.

72)و (بینن بیر) ده‌ما هه‌وه‌ مروڤه‌ک کوشتی، ڤێجا هه‌وه (قه‌تل) ئێخستی ستوکرا هه‌ڤدا و خودێ ئه‌شکه‌ره‌که‌رێ وێ یه‌، یا هه‌وه خه‌ف دکرا.

73)ڤێجا مه‌ گوت: قه‌ته‌ک یێ وێ (چێله‌کێ) ل وی (یێ هاتی کوشتن) بدن. خودێ ب ڤی ئاوایی مریا ساخ دکێ و نیشانێن خوه‌ نیشا هه‌وه دكێ دا به‌لکو هوین بدن ئاقلێ خوه.

74)پاشێ، پشتی ھنگێ، دلێ هه‌وه‌ ره‌ق بی، ڤێجا ئه‌و وه‌ک به‌را یه، ئان هێژ هشکتره‌، و براستی هنه‌ک ژ به‌را هه‌نه‌کو رووبار ژ وان هلتاڤێژن (ده‌ردكه‌ڤن) و هنه‌ک ژ وان شه‌ق دبن و ئاڤ ژ وا ده‌رتێ، و ھنه‌ك ژ وا دکه‌ڤن خارێ ژ طرسا خودێ، و خودێ نه‌ غافله‌ ژ وێ یا هوین دکین.

75)ما گه‌لوو هوین به‌رهێڤی دبین کو باوه‌ریێ ب هه‌وه‌ بێنن؟ حالحاله، راستی ئه‌ڤه‌ كو قسمه‌ک ژ وا، گوتنێن خودێ گوھلێ دبن پاشێ ب زانین و پشتی تێ گه‌هشتنێ خوه‌هری یێ تێخنێ.

76)و ده‌ما (جهوی) راست وا که‌سێن باوه‌ری ئانیین دکه‌ڤن، دبێژن: مه باوه‌ری ئانیه، و ده‌ما د گه‌ل هه‌ڤ ڤاری دبن (تنێ دبن) دبێژن: چه‌وا هوونێ ژ وێ سه‌رکه‌تنا خودێ کری به‌هرا هه‌وه، ژ وان را بێژن، دا کو ئه‌و ل بال خودایێ هه‌وه پێ وێ، ل دژێ هه‌وه دا ژ خوه‌ره‌ ده‌لیلا بێنن! ما ڤێجا هوین هزر ناکن؟!.

77)ما گه‌لوو ئه‌و نزانن کو براستی خودێ وێ تشتا دڤه‌شێرن و یا ئه‌شکه‌ره‌ دکن دزانێ.

78)و هنه‌ک ژ وان بێ سه‌وادن (نه‌خوه‌ندانه) چ تشتی ژ کتێبێ نزانن خێنجی هنه‌ک خیالان، و تنێ گومان دكن.

79)ڤێجا «وه‌ی» ژ وا که‌سا ره‌، ئه‌وێن کتێبێ بده‌ستێ خوه دنڤیسن و پاشێ دبێژن: ئه‌ڤ ژ ئالیێ خودا ڤه یه، دا لبه‌رابه‌رێ وێ دا بهایه‌ک کێم، بده‌ستخوه‌ڤه بینن. ڤێجا «وه‌ی» ژ وان ره‌ ژ به‌ر وێ یا ده‌ستێ وان نڤیسی یی و (دیسا) «وه‌ی» ژ وان ره‌ ژ به‌ر وێ یا بده‌ستڤه تێنن.