سووره‌تێ به‌قه‌ره‌، مه‌د‌ه‌نی یه ‌و 286 ئایه‌ته‌

40)ئه‌ی به‌نی ئسرائیل! بیرا خوه بینن وا نعمه‌تێن من ل هه‌وه کرین و وه‌عدا خوه ل گه‌ل من ببن سه‌ری، ئه‌زێ ژی وه‌عدا خوه‌ پێك بینم، و ڤێجا ھوین ژ من تنێ بطرسن.

41)و باوه‌ریێ بینن ب وێ کتێبێ یا من نازل کری، کو وێ یا ل بال هه‌وه (ته‌وراتێ) راست ده‌رتێخت (دحه‌قینت) و نه‌بن ئه‌ولین کافر ب وێ، ئایه‌تێن من ب بهایێ کێم نه‌فروشن و خوه ژ من تنێ بپارێزن.

42)و حه‌ق و باطل ته‌ڤهه‌ڤ نه‌کن، كو به‌ره‌ژی ب زانین هوون حه‌قیێ ڤه‌شێرین.

43)و نمێژێ پێک بینن و زه‌کاتێ بدن و ھه‌رن روكووعێ گه‌ل «روکووع به‌‌ران».

44)هوین چه‌وا ئه‌مرێ خه‌لکێ دکن ب قه‌نجیێ و هوین خوه‌ ژ بیر دکن، د حاله‌کی دا کو هوین کتێبێ دخوینن، ما گه‌لوو هوین (ھزر ناكن و) نادن ئاقلێ خوه.

45)و ئاریکاریێ ژ صه‌بر و نمێژێ وه‌رگرن. و براستی ئه‌و كار، خێنجی ژ یێن ته‌سلیمێ خودێ را، پر زه‌حمه‌ته.

46)ئه‌وێن زانن وێ بگهێن بال خوه‌یکه‌رێ خوه و وێ بال ویڤه بزڤرن.

47)ئه‌ی به‌نی ئسرائیل! بیرا خوه بینن وا نعمه‌تێن من کو من ل هه‌وه کرین، و ئه‌ڤێ ژی كو، من هوین سه‌ر جھانیان ئێخستین.

48)و خوه بپارێزن ژ وێ روژا کو کریارا که‌سی ژ به‌ر که‌سه‌ک دیڤه نابت و تو مه‌هده‌ر، ژێرا نایێن قه‌بول کرن و تو به‌ده‌ل ژێ نایێن وه‌رگرتن، و ئاریکاری ژی ژ وان را نایێ كرن.

49)و (بینن بیرا خوه) وی ده‌مێ مه هوین ژ قه‌ومێ فرعه‌ون خلاس کرین؛ (ئه‌وا ) عه‌زابێ پیس ددان هه‌وه؛ کورێن هه‌وه‌ سه‌ر ژێ دکران و ژنێن هه‌وه دهێلان ساخ و ل ڤێ تشتێ دا (به‌لا و) جه‌رباندنه‌کی مه‌زن ژ ئالی یێ خودێ ڤه هه‌بی.