سووره‌تێ به‌قه‌ره‌، مه‌د‌ه‌نی یه ‌و 286 ئایه‌ته‌

10)ل دلێ وا دا نه‌خوه‌شی هه‌یه ڤێجا خودێ نه‌خوه‌شی ل وا زێده کریه‌؛ و ژ وا را عه‌زابه‌ک دژوار هه‌یه ژ به‌ر کو ئه‌و ده‌ره‌وا دکن.

11)و ده‌ما ژ وا را تێت گوتن: فه‌سادێ (خرابیێ) ل عه‌ردێ دا نه‌کن، دبێژن: هه‌ما هه‌ر ئه‌مین یێن ئاڤاکه‌ر.

12)براستی هه‌ر ئه‌ون یێن فه‌ساد چێکه‌ر، لێبه‌لێ تێ ناگهێن

13)و ده‌ما ژ وا را تێ گوتن: باوه‌ریێ بینن وه‌ک چه‌وا خه‌لکێ باوه‌ری ئانیی، دبێژن: ئه‌م باوه‌ریێ بینن وه‌ک چه‌وا كێم عه‌قلان (سه‌فێکا) باوه‌ری ئانیی! هه‌یهێ! براستی هه‌ر ئه‌ون یێن كێم عه‌قل، لێبه‌لێ نزانن.

14)و ده‌ما ڕابه‌ر دبن د گه‌ل باوه‌رداران، دبێژن: براستی مه باوه‌ری ئانیه، و ده‌ما د گه‌ل شه‌یطانێن خوه تنێ دبن، دبێژن: براستی ئه‌م د گه‌ل هه‌وه‌نه، ھه‌ما تنێ ئه‌م طه‌ڤز پێكه‌رین (یاریێ خوه ب وا دکین).

15)خودێ طه‌ڤزێ خوه ل وا دکێ و موهله‌تێ ددێ وا کو ل ناڤ سه‌رخوه چونا خوه دا حه‌یری بمینن.

16)ئه‌و، ئه‌ون یێن هدایه‌ت فروتین و شونا وێ دا خه‌له‌تی گرتین، ڤێجا تجاره‌تا وا فه‌یده نه‌کر و نه‌بین ژ رێ دورستا.

17)مه‌سه‌لا وا، وه‌ک مه‌سه‌لا وی که‌سی یه، یێ ئا گره‌ک هلکری، ڤێجا ده‌ما ئاگر دور و به‌رێ وی ڕوناهی کر، خودێ روناهیا وا بر و ئه‌و هێلان د طاریتیێ دا کو (یێکجار) نابینن.

18)که‌ر و لال و کوورن، ڤێجا ئه‌و (ل خوه) نازڤرن.

19)ئان ژی (وه‌ك مه‌سه‌لا وا که‌سایه کو) بارانه‌ک دژوار و ته‌ڤلێ طاریتی و ره‌عد و به‌رقێ ژ عه‌سمانا سه‌ر وا دا برژهێ؛ ژ به‌ر ده‌نگێ برویسکا، ژ طرسا مرنێ تلیێ خوه تێخن گوهێ خوه ره‌، و خودێ ژ هه‌می ئالی یا ڤه دوورا کافران گرتیه.