سووره‌تێ به‌قه‌ره‌، مه‌د‌ه‌نی یه ‌و 286 ئایه‌ته‌

30)و وی ده‌مێ ره‌ببێ ته گوتی مه‌لائیکه‌تا: براستی ئه‌زێ جیگره‌کی ل عه‌ردێ دا ده‌ینم. ئه‌وا گوتن: گه‌لوو! تو دێ که‌سێن کو خرابیێ تێدا بکن و خوینێ برێژن، ده‌ینی تێدا؟! د حاله‌کی دا ئه‌م ته‌سبیحا ددین و به‌ره‌ژی حه‌مدێ ته دکین و پاکی یا ته دبێژین، خودێ گوت: براستی ئه‌ز دزانم یا کو هوین نزانن.

31)و ئاده‌م فێره هه‌می ناڤا کر، پاشێ ئه‌و رابه‌رێ مه‌لائیكه‌تا كرن ڤێجا گوت: ناڤێ ڤا تشتا ژ من را بێژن، ئه‌گه‌ر هوین راستگونه‌ (کو هه‌وه گوتی ئه‌م چێتر کێر خه‌لیفه‌تیێ تێن).

32)گوتن: تو پاک و بێ کێماسیی، مه چ زانین تنه‌هن خێنجی ئه‌وا ته ئه‌م عه‌لماندین، براستی تویی یێ گه‌له‌ک زانا و پر بحکمه‌ت.

33)گووت: ئه‌ی ئاده‌م! ناڤێ ئه‌وا تشتا ژ وا را بێژه، ڤێجا ده‌ما ناڤێ وا تشتا ژ وا را گوت، كه‌ره‌مكر: ما من ژ هه‌وه‌را نه‌گوت ب دورستی ئه‌ز خه‌فا عه‌سمانا و عه‌ردێ زانم و ئه‌ز دزانم تشتا هوین ئه‌شکه‌ره دکن و یا هه‌وه دڤه‌شارتا.

34)و ده‌مێ مه گوتی مه‌لائیکه‌تا، سه‌جدێ ژ ئاده‌م را ببن، ڤێجا سه‌جده‌ برن خێنجی ئبلیس، ئه‌وی خوه‌ڤه گرت و خوه‌ مه‌زن کر و ژ کافرا بی.

35)مه گوت: ئه‌ی ئاده‌م! تو و هه‌ڤسه‌را (که‌ڤانیا) خوه ل ناڤ ڤی باغی دا بن و هه‌ر چ تشتا هه‌وه بڤێت ب رحه‌تی و به‌رفره‌ھ ژێ بخون و نێزیکێ ڤێ دارێ نه‌بن کو هوین ببن ژ سته‌مکارا.

36)ڤێجا شه‌یطان، ھه‌ردوك ژ وێ ده‌رێ شمتاندن و ژ وی جھێ كو تێدا بون ده‌رانین. و مه گوت: هه‌رن خارێ، هوین دوژمنێ هه‌ڤن؛ و ژ هه‌وه‌ره ل عه‌ردێ دا جهێ مایینێ و به‌هره هه‌یه حه‌تا وه‌خته‌کی.

37)ڤێجا ئاده‌م ژ بال ره‌بێ خوه‌ڤه هنه‌ک که‌لیمه وه‌رگرتن، پێره‌ خودێ ته‌وبا وی قه‌بول کر، براستی ئه‌و پر ته‌وبه‌ قه‌بولکه‌ر و پر بره‌حمه.

38)مه گوت: هه‌می پێکڤه ژ وێ ده‌رێ هه‌رن خارێ، ڤێجا ده‌ما ژ بال من هدایه‌ته‌ک ژ هه‌وه‌را هات، هه‌ر که‌سێ پێ هدایه‌تا من بچێ، ڤێجا نه‌ طرس ژ وا را هه‌یه و نه ژی خه‌ما دكن.

39)و ئه‌وێن کوفر کرین (بکن) و ئایه‌تێن من ب ده‌ره‌و بێخن، ئه‌ون ئه‌هلێ ئاگر و تێدا دمینن.