سووره‌تێ به‌قه‌ره‌، مه‌د‌ه‌نی یه ‌و 286 ئایه‌ته‌

90)چ پیسه‌ ئه‌و تشتا کو ئه‌وا خوه‌ ب وێ فرووتین کو کافر دبن ب وێ یا خودێ نازل کری، چاڤنه‌بارن ژ به‌ر وێ یێکێ کو خودێ ب قه‌نجی و كه‌ره‌ما خوه (ھنه‌ك ئایه‌تان) نازل بکێ سه‌ر هه‌ر که‌سی ژ به‌نده‌یێن خوه یێ ئه‌وی بڤێ، ڤێجا ئه‌وا غه‌زه‌ب لسه‌ر عه‌زه‌بێ بو خوه‌ ئانین، و ژ کافرا را یه عه‌زابه‌کی زه‌لیلکه‌ر.

91) و ده‌ما ژ وا را بێ گوتن: ئیمانێ بینن ب وێ یا خودێ رێكری خارێ، دبێژن: ئه‌م باوه‌ریێ تینن ب وێ یا بو (پێغه‌مبه‌رێ) مه‌ ھاتی خارێ. و خێنجی وێ _ ھه‌ر چه‌ند حه‌قه‌ و رێك كه‌تیه‌ د گه‌ل وێ یا لبال وان_ ئنكار دكن. بێژه: ئه‌گه‌ر ھوین باوه‌ردارن، نخوه‌ چره‌ پێشیانھا دا ھه‌وه‌ پێغه‌مبه‌رێن خودێ دکوشتان؟!

92)و ب حه‌قیقه‌ت مووسا، تشتێن ئه‌شکه‌ره‌ و ڕوناهی ژ هه‌وه‌را ئانین، پاشێ پشتی وێ هه‌وه گوولک ژ خوه‌ را گرت (و کر خودایێ خوه) د حاله‌کی دا کو هوین زالم بوون.

93)و زه‌مانێ، مه سووزا بنه‌جی ژ هه‌وه‌ گرتی و طور لسه‌ر اسه‌رێ هه‌وه‌راگرتی (و مه گوتی: ) وێ یا مه‌ ژ هه‌وه‌را رێکری (ته‌ورات) ب قودره‌ت بگرن و گوھ بدنێ، (ڤێجا ) گوتن: مه‌، سه‌ح کر و گوھ نه‌دایێ و (حه‌ز کرنا) گولک (ێ ب دلێ خوه‌ ڤه‌خارن) ل دلێ خوه‌ دا جھ کرن، ژ به‌ر کوفرا خوه‌. بێژه: ئه‌گه‌ر هوین باوه‌ردارن، باوه‌ری یا هه‌وه، هه‌وه ژ پیس تشتێ را های ددێ.

94)بێژه: ئه‌گه‌ر راسته‌ كو مالا ئاخره‌تێ (بھشت) ل بال خودێ، خوه‌ری ژ هه‌وه‌ ته‌نێ را یه و خه‌لكێ به‌ھر تێدا نینه‌، نخوه‌ ڤێجا د‌اخازا مرنێ بكن (دا هون زوکا بگهێنێ) ئه‌گه‌ر هون راستبێژن.

95)و ئه‌و ژ به‌ر كریارێن كو پێشیا خوه‌ دا رێكرین قه‌ت مرنێ ناخازن. و خودێ زالما باش ناس دکێ.

96)و براستی تو د‌بینی كو ئه‌و ژ هه‌می که‌سی، حه‌تا ژ موشركا ژی كولبووترن ژبونا ژیانێ، هه‌ر یێک ژ وا خوه‌زیا هه‌زار سال عه‌مر كرنێ د‌خازێ حالحاله‌ عه‌مر کرنا وی ئه‌وی ژ عه‌زاب د‌وور ناكێ، و خودێبینایه‌ ب وێ یاد‌كن.

97)بێژه: که‌سێ دوژمنێ جبرائیل بێ (د‌ ھه‌قیقه‌ت د‌ا دوژمنێ خودێ یه چكو) براستی ئه‌وی ئه‌و (قورئان) لسه‌ر دلێ ته‌ دا ئانیه خارێ ب ئزنا خودێ، ئه‌ڤ ل حاله‌كیدا یه كو راستده‌رێنه‌ ژ یا پێش خوه‌را، و رێراستكه‌ر و مزگینی یه ژ باوه‌ردارا را.

98)که‌سی دوژمنێ خودێ و مه‌لائیکه‌تێن وی و پێغه‌مبه‌رێن وی و جبرائیل و میکائیل بێ، ڤێجا (بلا بزانێ) براستی خودێ دوژمنه ژبو کافران.

99)و بێ شك وشوبھه‌ مه‌ ئایه‌تێن ڕوناهی بال ته‌ڤه‌ ریکرنه و ژ غه‌یری فاسقا (که‌س) ئه‌وا ئنکار ناکێ.