سووره‌تێ به‌قه‌ره‌، مه‌د‌ه‌نی یه ‌و 286 ئایه‌ته‌

60)ده‌ما مووسا ژ بونا قه‌ومێ خوه داخازا ئاڤێ کری، ڤێجا مه‌ گوتێ: پێ چووڤێ خوه‌ ل به‌ری بده‌، ڤێجا دازده‌ کانی ژ وی (به‌ری) په‌قین، هه‌ر یێکی ژ وان مرووڤان ده‌راڤێ خوه‌یێ ئاڤێ زانین. (مه‌ گوت: بخون و ڤه‌خون ژ رزقێ خودێ و ب خرابی ل عه‌ردێ دا نه‌گه‌رهن.

61)(و بیرا خوه‌ بینن) وی ده‌مێ هه‌وه‌ گوتی: ئه‌ی مووسا! ئه‌م قه‌ت نکارین ل سه‌ر یێک خارنێ تنێ صه‌بر بکین. نخوه ژ خودایێ خوه بخازه‌ بلا ژ مه را خارنا ژ عه‌ردێ ده‌رتێ، ده‌رێخێ؛ ژ باقل و خیار و سیر و نیسک و پیڤازێن وێ، (مووسا) گوت: هون چاوا یا کێمتر (خارنا عه‌ردێ) شونا یا باشتر دا (مه‌نّ و سه‌لوا) دخازین؟ هه‌رن باژار، ڤێجا یا هون دخوازن (ل وێده‌رێ) ژ هه‌وه‌را هه‌یه. و ژاری و ره‌به‌نی ل سه‌ر وا هات دانین، و زڤرین بال غه‌زه‌به‌کی ژ ئالی یێ خودێ ڤه، ئه‌ڤ چه‌ند ژ به‌ر وێ یێکێ بی کو ئه‌وا کوفر ب ئایه‌تێن خودێ دکران و پێغه‌مبه‌ر ب نه‌حه‌قی دکوشتان. و ئه‌ڤ هه‌می ژ به‌ر وێ بی کو نه‌گوھداری کرن و زێده‌گاڤی دکران.

62)براستی ئه‌وێن ئیمان ئانیین (موسلمان) و یێن بویین یه‌هودی (جھوی) و نه‌صرانی (فله‌‌ھ) و صابئی (ل سه‌ر دینێ یه‌حیا) هه‌ر که‌سێ ژ وا باوه‌ری ب خودێ و ڕوژا قیامه‌تێ ئانیی و کارێ قه‌نج کری، ڤێجا کرها وا ژ وا را ل بال خودایێ وا یه‌، و نه چ طرس ژ وا ره هه‌یه و نه‌ ژی ئه‌و خه‌مگیر دبن.

63)و ده‌ما مه، سووز ژ هه‌وه‌ گرتی و مه (چیایێ) طور ل سه‌ر سه‌رێ هه‌وه بلند کری، (مه‌ گوت: ) وێ (ته‌وراتێ) یا مه‌ دایی هه‌وه ب قووه‌ت بگرن و تشتا تێدا هه‌یی بینن بیرا خوه، دا به‌لکو هوین ته‌قواتیێ بکن (های ژ ناڤبه‌ینا خوه‌ و خودێ بمینن).

64)پاشێ، پشتی ھنگێ هه‌وه پشت دایێ، ڤێجا ئه‌گه‌ر نه‌ دلوڤانی یا خودێ بیا ل سه‌ر هه‌وه، هوینێ ببیان ژ زیانکارا.

65)و موحه‌قه‌ق هه‌وه‌ ب دروستی ده‌رحه‌ق وا یێن ل روژا شه‌میێ دا زێده‌گاڤی کرین زانیه‌ کو مه‌ گوت وا: ببن مه‌یمونێن دووری كری.

66)ڤێجا مه‌، ئه‌و کرن عبره‌ت بوو وا یێن وی وه‌ختی و یێن پاش وان، و (مه، کرن وه‌عز و) شیره‌ت بو خوه‌پارێزا.

67)و (بیرا خوه بینن) وی ده‌مێ مووسا گوتی قه‌ومێ خوه: براستی خودێ فه‌رمانێ ددێ هه‌وه کو هوین چێله‌که‌كی سه‌ر ژێ کن، ئه‌وا گوتن: گه‌لوو تو طه‌ڤزێ خوه (یاریێن خوه) ل مه‌ دکی؟! گوت: ئه‌ز هاوارا خوه‌ ژ خودێ را دبم ژ وێ چه‌ندێ کو ئه‌ز ژ نه‌زانا بم.

68)گوتن: ژ بوونا مه‌، ژ خودایێ خوه‌ بخازه، بلا ژ مه را کفش بکێ کانێ ئه‌و (چێله‌كه‌كی) چه‌وانه‌؟ گوت: براستی ئه‌و دبێژێ کو: ئه‌و چێله‌که، نه‌ پیره‌ و نه‌ ژی (ئه‌وقاس) جوانه (كو نه‌ھاتبێ كه‌ل. به‌لكی) ناڤنجی یه‌، ل ناڤبه‌ینا وا دا یه، دێ ڤێجا پێک بینن وێ یا کو ئه‌مرێ هه‌وه پێ ھاتی کرن.

69)گوتن: ژ بوونا مه‌، ژ خودایێ خوه‌ بخازه، بلا ژ مه را کفش بکێ کانێ ره‌نگێ وێ چیه؟ گوت: براستی ئه‌و دبێژێ: ئه‌و چێله‌كه‌، كو ره‌نگێ وێ گه‌له‌ک زه‌ره‌ و که‌سێ ببینێ پێ که‌یف خوه‌ش دبێ.