ئایین و مه‌زهه‌ب له‌ نیمچه‌ دورگه‌ی عه‌ره‌ب و ده‌ور و به‌ری

[ئایا له‌ ناو ئه‌و هه‌موو مه‌خلوقاته‌ی خۆی كچانی بۆ خۆی هه‌ڵبژاردوه‌ وكورانی بۆ ئێوه‌] [84]؟!

[له‌نێوان ئه‌و (خوا) و جنۆكه‌ خزمایه‌تی قایلن، له‌ كاتێكدا كه‌ جنۆكه‌ بۆ خۆیان ئه‌زانن ئه‌بێ له‌ دادگای خوا ئاماده‌ بن، خوا پاك و با غه‌وشه‌ له‌ وه‌ی كه‌ ئێوه‌ باسی ئه‌كه‌ن] [85].

موفه‌سرێك ئێژا: مه‌به‌ست له‌ سه‌باره‌تدانی خزمایه‌تى خوا له‌گه‌ڵا جنۆكه‌ به‌و مانایه‌یه‌ كه‌ خوا له‌گه‌ڵا جنۆكه‌ هاوسه‌رایه‌تی كردووه‌، فرشته‌كان له‌ ئه‌نجامی ئه‌م هاوسه‌رىیه‌ دورست بوونه‌[86].

2 ـ بته‌كانیان به‌ خوایه‌كی بچوك وسۆنگه‌ له‌ نێوان خۆیان و خوای میرو مه‌زنیان ئه‌ناساند، وه‌ په‌ره‌ستنیان بووه‌ هۆی نزیككردنه‌وه‌یان به‌ده‌رگای خوا، وایان بییر ئه‌كرده‌وه‌ به‌ هۆی ئه‌وانه‌ وه‌ خوایان لێى رازی ئه‌بێ، له‌ كاتێكدا په‌ره‌ستن ته‌نیا تایبه‌تی خوایه‌. له‌ ڵایه‌كی تره‌وه‌ هه‌ر چه‌نده‌ بته‌كان به‌ خوڵقینه‌ری جیهانیان نه‌ ئه‌زانی ,به‌ڵام بۆ هه‌ر جۆرو بتێك پله‌وپایه‌ێك له‌ "په‌روه‌ردایه‌تی "و"خوڵقێنه‌ر" قابل بوون، وه‌ بیر و هزریان وابوو كه‌ ئه‌وانه‌ له‌ به‌ریوه‌ بردنی كار و باری جیهان و چاره‌نوسی ئاده‌میزاد شیوێن دائه‌نین (مۆثر) و گرفتاری یه‌كانیان به‌هۆی ئه‌وانه‌ له‌ ناو ئه‌چێ. هه‌موو ئه‌زانین كه‌ له‌ روانگه‌ى ئیسلام به‌دی هێنه‌ری جیهانی بوونی خوایه‌ و به‌س ـ به‌رێوه‌ بردنی كاروباری جیهانیش ته‌نیا به‌ده‌ستی ئه‌وه‌[87] كه‌ یه‌كسانه‌ له‌گه‌ڵا «ته‌وحید له‌كردار». وه‌ بته‌كان شتێكی با گیان وه‌ هیچ ده‌رك و هۆش وتوانایىێكیان نییه‌، قورئانی پیرۆز بیرو هزریان به‌م جۆره‌ لۆمه‌ ئه‌كات و ئه‌فه‌رمێ:

[ئه‌وانه‌ شتگه‌ لێك بێجگه‌ له‌خوا ئه‌په‌ره‌ستن كه‌ نه‌ زیان و نه‌ سوودیان پێ ئه‌گه‌ێینا، وه‌ ئه‌ڵین ئه‌وانه‌ ڵای خوا شه‌فاعه‌تمان بۆ ئه‌كه‌ن! بڵا: ئایا به‌شتێك خه‌به‌ر به‌خوا ئه‌ده‌ن كه‌ له‌ ئاسمانه‌كان و زه‌ویدا سه‌رو شوێنیان بۆ نییه‌؟ پاك و بێغه‌وشه‌ ئه‌و، وه‌ به‌رزتره‌ له‌وه‌ی كه‌ هاوبه‌شی بۆ دابنێن][88].

[ئاگا بن! مه‌گه‌ر ئایینی پاك و باغه‌وش بۆ خوا یه‌، كه‌سانێك كه‌ بێجگه‌ له‌ خوا بۆ خۆیان كردۆته‌ سه‌ر په‌ره‌ست و ئێژن نایان په‌ره‌ستین مه‌گه‌ر له‌ به‌ر ئه‌وه‌ی كه‌ له‌ خوامان نزیك بكه‌نه‌وه‌، خوا (رۆژی هه‌ستانه‌وه‌) له‌ نێوان ئه‌وانه‌ (موشركین و یه‌كانه‌ په‌ره‌ستان) له‌وه‌ی كه‌ له‌ سه‌ری ناكۆكن داوه‌ری ئه‌كات، خوا پیاوی درۆزن و نكۆڵكه‌ر رێنمویی ناكات][89].

[وه‌ له‌ جیاتی خوای میرو مه‌زن شتگه‌لی كردونه‌ته‌ خوا و ئه‌یان په‌ره‌ستن تا ببێته‌ مایه‌ی سه‌ر به‌رزی یان][90].

[وه‌ له‌ جیاتی خوای میرو مه‌زن شتكه‌ڵى كردونه‌ته‌ خوا ئه‌یان په‌ره‌ستن به‌ڵكو سه‌ر كه‌وتوویان بكات][91].

جا له‌ به‌ر ئه‌وه‌ی كه‌ بت په‌ره‌سته‌كان بته‌كان له‌ په‌ره‌ستن و به‌ریۆه‌ بردنی جیهان هاوبه‌ش بۆ خوایان دا ئه‌نا خوایش ئه‌وانی به‌موشریك ئه‌ناساند.