فه‌ده‌ك



پێغه‌مبه‌رێ خودا (ص) د‌ه‌ستێ حه‌سه‌ن و حوسه‌ین گرتبوو، ڤێجا وھا که‌ره‌م کر: که‌سێ حه‌ژ من و ئه‌ڤان ھه‌ردوکا و باب و دایکا وان بکێ، رۆژا قیامه‌تێ د ده‌ره‌جه‌یا من دا یه‌.[26]

ھه‌ر وھا ره‌سوولێ خودا (ص) که‌ره‌م کریه‌: حه‌زکرنا ژ عه‌لی، دوورکه‌تنا ژ ئاگره‌، حه‌زکرنا ژ عه‌لی دوورکه‌تنا ژ نفاقێ یه‌؛ یێن سه‌رکه‌تی شیعه‌ و په‌یره‌وێن عه‌لی نه‌.[27]

ھه‌ر وھا که‌ره‌م کریه‌: که‌سێ بخازێ وه‌ك من بژی و ب شکلێ مرنا من بمرێ و بھشتا به‌رین ببێ جھێ وی، ئه‌و بھشتا کو خودایێ من وه‌عدا وێ دایه‌ من، بلا سه‌رووکاتیا عه‌لی یێ کورێ ئه‌بووطالب ژ خوه‌ را قه‌بوول بکێ؛ چکو براستی ئه‌و، ھه‌وه‌ ژ رێکا د‌ورست ده‌رناینێ و ھه‌وه‌ نائێخێ د رێکا نه‌د‌ورست دا.[28]

ھه‌ر وھا ره‌سوولێ خودا (ص) که‌ره‌م کریه‌: سه‌رکه‌تیێن رۆژا قیامه‌تێ عه‌لی و په‌یره‌وێن وی نه‌.[29]

ده‌ما ئایه‌تا «بێژه‌ ئه‌ز ژ حه‌زکرنا ئه‌قره‌بایێن خوه‌ پێڤه‌ کرھ و ئوجره‌ته‌كی ژ ھه‌وه‌ ناخازم»[30] ھات، گووتن: ئه‌ی ره‌سوولێ خودا، ئه‌قره‌بایێن ته‌ کو حه‌زکرنا ژ وان سه‌ر مه‌ فه‌رز و واجب بویه‌‌، کی نه‌؟ ئه‌وی (ص) جه‌واب دا: عه‌لی و فاطمه‌ و دو کورێن وا نه‌.[31]

ھه‌ر وھا گووتیه‌: ئه‌ی عه‌لی، تو و په‌یره‌وێن ته‌ د بھشتێ دا نه‌.[32]

ھه‌ر وھا گووتیه‌: ئه‌ی ئه‌بو‌ل حه‌سه‌ن، تو و په‌یره‌ێن ته‌ د بھشتێ دا نه‌.[33]

ھه‌ر وھا که‌ره‌م کریه‌: ئه‌ی عه‌لی، تو و په‌یره‌وێن ته‌، ھوونێ ل سه‌ر حه‌وزێ بگه‌ھن من و تێرئاڤ ببن.[34]

ده‌ما ئایه‌تا «که‌سێن باوه‌ری ئانیین و کارێن قه‌نج کرین، باشترینێ خه‌لکێ نه‌»[35] ھات، كه‌ره‌م كر: ئه‌ی عه‌لی! ئه‌و، تو یی؛ ئه‌و، تو و په‌یره‌وێن ته‌ نه‌؛ رۆژا قیامه‌تێ ھوونێ بێن کو ھه‌م ھوون رازی نه‌ و ھه‌م خودا ژ ھه‌وه‌ رازییه‌.[36]

ئه‌ڤێنھه‌نێ چه‌ند حه‌دیسه‌ک بوون ژ حه‌دیسێن د‌ورست کو ژ ره‌سوولێ خودا (ص) ده‌رحه‌ق سه‌راتیا عه‌لی و ئه‌ھلێ به‌یتێ (س) دا ھاتنه‌ گووتن، ئه‌ڤا حه‌د‌یسان خه‌لک ھای دانه‌ ژ په‌یکه‌تنا وان را. گه‌له‌ک حه‌دیسێن دی ژی ھه‌نه‌ ڤێ ده‌رحه‌قێ دا، وه‌ک: حه‌دیسا سه‌قه‌له‌ین کو د ڤه‌برێن بووریی دا مه‌ ژێ به‌حس کر[37] و حه‌دیسا مه‌سه‌لا ئه‌ھلێ به‌یتێ[38] و حه‌دیسا بابێ حططه‌[39]. خێنجی ژ وان ژ حه‌دیسێن دی ژی ھه‌نه‌.



back 1 2 3 4 5 6 7 8 9 10 11 next