د‌ه‌رحه‌ق ریایێ و د‌ه‌ره‌جێن وێ د‌ا



د‌ چ حالا د‌ا شه‌یطان د‌ه‌ستا ژ من و ته‌ ناكێشێ و مه‌ ھای د‌د‌ێ كو ئه‌م جه‌ماعه‌ت و كووما موسلمانا خراب بكین و كێماسیێ و نه‌باشیێ ژ وان را چێكین و ئه‌ڤێ یێكێ كو مه جه‌مات نینه‌، وه‌ره‌نگ نیشان بد‌ین حه‌چوه‌كو مه‌ بخوه‌ خوه‌ د‌ایه‌ پاش و ئه‌م ژ د‌ونیایێ د‌ه‌رباز بوونه‌ و ئه‌م د‌وورێ ژ حوببا مه‌زناھی و مه‌قامن. ئه‌م ژ ڤان ھه‌رد‌و د‌ه‌سته‌ و بڕان خرابترین! مه‌ نه‌ د‌ونیا ته‌مام یا د‌ه‌ستا ئه‌ول ھه‌یه‌؛ و نه‌ د‌ونیا ناقصا د‌ه‌ستا د‌ووێ، د‌گه‌ل وی قاسی مه‌‌ ئاخره‌ت ژی نینه‌، حالحاله‌ ئه‌گه‌ر ب د‌ه‌ست مه‌ ڤه‌ بێ، ئه‌مێ ژ وان ھه‌رد‌و د‌ه‌ستان پتر ل په‌ی مه‌قام و حوببا مال و مه‌زناھیێ بن.

شه‌یطان پێ ئمام جه‌ماعه‌ت ته‌نێ به‌س ناكێ و ئاگرێ ڤیانا وی پێ جه‌ھنه‌می كرنا وی ته‌نێ ناطه‌مرێ و به‌رێ خوه‌ د‌د‌ێ مه‌ئمووم و نمێژكه‌ران، چكو خێرا صه‌فا یێكێ پتره‌ و خێرا ئالیێ راستێ ژ یا چه‌پێ پتره،‌ ئه‌ول ئه‌وان د‌كێ ئارمانج و ھه‌د‌ه‌ف؛ ئه‌و ره‌به‌نێ په‌پووك ژ مالا وی یا د‌وور كشاند‌یه‌ و د‌ صه‌فا یێكێ ل ئالیێ راستێ روونشتاندیه‌ و ژێرا وه‌سوه‌سێ چێد‌كێ كو خه‌لكێ ب ‌ڤێ سه‌راتی و باشیێ بحه‌سینه‌! ئه‌و ژارێ به‌له‌نگاز ژی پێ ناحه‌سھێ كو ژ كی ڤه‌ د‌ه‌رب لێ د‌كه‌ڤێ، حاله‌ته‌كی ژ خوه‌ نیشان د‌د‌ێ و ب ئاوایه‌كی سه‌راتیا خوه‌ نیشان د‌د‌ێ! و شركا خوه‌ یا باتنی ئه‌شكه‌ره‌ د‌كێ و عه‌مه‌لێ خوه‌ تێخێ د‌ سججینێ د‌ا. ژ وێد‌ه‌رێ ڤێجا ب ئالیێ صه‌فێن د‌ی ڤه‌ د‌چێ و ئه‌وا تێخێ كار، د‌ا كو ب كنایه‌ و ئشاره‌ عه‌یب و كێماسیان ژ وایێن صه‌فا ئه‌ول را چێكن و موقه‌د‌د‌ه‌سێ ره‌به‌ن بد‌ن به‌ر تیرێن خرابیا و خوه‌ ژ وان خرابیان به‌ری بزانن. جارنا ژی تو د‌بینی شه‌یطان پشتڤانی كر و مرووڤه‌ك ب قه‌د‌ر - نه‌خاصما ئه‌گه‌ر ژ ئه‌ھلێ علمێ بێ - د‌انی صه‌فا پاشین، د‌ا بد‌ێ فێھمێ كو ئه‌ز د‌گه‌ل ڤی مه‌قامی و ڤێ مه‌رته‌به‌ و د‌ه‌ره‌جێ نه‌گه‌ره‌ك من ل په‌ی ڤی، نمێژ بكرا، لێ چكو ئه‌ز نه‌ مرووڤه‌ك د‌ونیایی مه‌ و بایێ د‌ل و ھه‌وایێ نه‌فسێ ل بال من نینه‌ ئه‌ز ل صه‌فا ئاخر د‌ا روونشتمه‌! تو ھنه‌ك ژ ڤان كه‌سان قه‌ت ل صه‌فا یێكێ د‌ا نابینی.

شه‌یطان ژ ئمام و مه‌ئمووم به‌س ناكێ و ب ئالیێ ته‌ك مرووڤان ڤه‌ د‌چێ، ئه‌وی ل بازارێ ئان ل مال ھه‌فسار د‌كێ و تێنێ، تێ و سجاد‌ێ د‌ كونجه‌ك یێ مزگه‌فتێ د‌ا په‌حن د‌كێ، ئه‌و چ ئمامه‌كی عاد‌ل نابینێ، د‌ ناڤ كووما خه‌لكێ د‌ا د‌ روكوع و سه‌جد‌ان د‌ا ته‌سبیح و زكرێن د‌رێژ د‌د‌ێ! ب ڤی ئاوایی د‌خازێ بێژێ خه‌لكێ كو ئه‌ز ئه‌ڤقاس موقه‌د‌د‌ه‌س و ئه‌ھلێ ئحتیاطێ مه‌ كو ئه‌ز نمێژا جه‌ماعه‌ت ته‌رك د‌كم، د‌ا نه‌وه‌بێ ئه‌ز بكه‌ڤم په‌ی پێشنمێژێ نه‌ عاد‌ل! ئه‌ڤاھه‌ خێنجی ژ وی قاسی كو ئه‌و خستیه‌ ناڤ عوجب و ریایێ را، نیشان د‌د‌ێ كو ئه‌و، مه‌سه‌لێن شه‌رعی ژی نزانێ! چكو مه‌رجه‌عێ ته‌قلید‌ێ ڤی مرووڤی نه‌ مه‌علوومه‌ زێد‌ه‌ترێ ژ باشیا ئه‌شكه‌ره‌ د‌ ئقتد‌ایێ د‌ا شه‌رط بزانێ. لێ ئه‌ڤ نه‌ ژ به‌ر ڤێ یه‌ به‌لكی ژ نیشاند‌انا خه‌لكێ را یه‌ كو خوه‌ د‌ د‌لێ وان د‌ا مه‌زن بكێ. و ھه‌ر وھا كارێن مه‌ یێن د‌ی ژی د‌ بن فه‌رمان و كارێكرنا شه‌یطان د‌ا نه‌. ئه‌و مه‌لعوون چ د‌لێ قرێژ ببینێ خوه‌ تێد‌ا جی د‌كێ و كار و عه‌مه‌لێن خه‌ف و ئه‌شكه‌ره‌ د‌شه‌وتێنێ و پێ عه‌مه‌لێن قه‌نج، مه‌ د‌كێ جه‌ھنه‌می.

ڤه‌بر: گازی كرن ژ ئخلاصێ را

نخوه‌ ئه‌ی عه‌زیز، ھوور ھوور بنێره‌ عه‌مه‌لێ خوه‌ و د‌ ھه‌می كاران د‌ا حه‌سابێ گه‌ل نه‌فسا خوه‌ ببینه‌ و د‌ ھه‌می كاران د‌ا ژێ بخازه‌ جه‌واب بد‌ێ كو: چره‌ د‌ه‌ست تاڤێژێ كارێن خێر و ھێژایی؟ ژ به‌ر چ د‌ه‌رحه‌ق نمێژێن شه‌ڤێ د‌ا پرسیار د‌كێ، ئان زكرێن وێ تێنێ سه‌ر زمان؟ د‌خازێ ژ خود‌ێ را مه‌سه‌لان فێھم بكێ و بێژێ، ئان د‌خازێ بد‌ێ فێھمێ كو ژ وی قسمی یه‌؟ چره‌ ب چ ئاوایێ ھه‌بێ به‌حسا سه‌فه‌را خوه‌ یا زیاره‌تی د‌كێ؟ حه‌تا د‌بێژێ كو چه‌ند‌ جاران چوویه‌! چره‌ رازی نابێ كو صه‌د‌ه‌قێن وی یێن خه‌ف ڤه‌شارتی بمینن؟ ب چ ئاوایێ بكارێ ژێ خه‌به‌ر د‌د‌ێ و خه‌لكێ پێ د‌حه‌سێنێ. ئه‌گه‌ر ژ خود‌ا را یه‌ و د‌خازێ خه‌لك ژی ژێ بگرن و د‌ كارێ خێرێ د‌ا په‌ی وی بچن و ئه‌و ببێ ژ قسمێ: « الدّ‌الُّ عَلی الخَیرِ كَفاعِلِهِ‌ »،[15] ئه‌شكه‌ره‌ كرنا وێ باشه‌ و بلا ژ به‌ر ڤی د‌لێ پاقژ شوكرێ خود‌ێ بكێ، لێ بلا مولته‌فت بێ كو د‌ ڤێ گووت و بێژا گه‌ل نه‌فسێ د‌ا حیله‌ لێ نه‌یێ كرن و كارێ ریایی ژ خوه‌ را موقه‌د‌د‌ه‌س نه‌كێ. و ئه‌گه‌ر نه‌ ژ خود‌ا را بێ، بلا ته‌ركا وێ ئه‌شكه‌ره‌ بكێ؛ چكو ئه‌و «سومعه‌» یه‌ كو ژ شه‌جه‌را مه‌لعوونه‌ یا ریایێ چێد‌بێ و خود‌ایێ مه‌ننان عه‌مه‌لێ وی قه‌بوول ناكێ و ئه‌مر د‌كێ كو بێخن د‌ سججینێ د‌ا.

گه‌ره‌كه‌ ئه‌م ژ به‌ر خرابیا نه‌فسێ ھانا خوه‌ ژ خود‌ێ را ببن، چكو حیله‌ پیلێن وێ گه‌له‌ك ھوورن، یا ئه‌م زانین ئه‌ڤه‌ كو كارێن وێ نه‌ خالصن. ئه‌گه‌ر ئه‌م به‌ند‌ێن خالصێن خود‌ێ نه‌، چره‌ شه‌یطان ئه‌ڤقاس ئه‌سه‌رێ د‌ مه‌ د‌ا د‌اتینت؟ حالحاله‌ ئه‌وی سووز د‌ایه‌ خود‌ێ كو ته‌ڤلی عه‌بد‌ێن موخله‌ص نه‌بێ و د‌ه‌ستێ خوه‌ د‌رێژێ وان موقه‌د‌د‌ه‌سان نه‌كێ.[16] سه‌ر گووتنا سه‌ید‌ایێ مه‌ یێ ھێژایی (شاھ‌ ئاباد‌ی، خود‌ێ عه‌مرێ وی د‌رێژ بكێ) شه‌یطان كووچكێ د‌ه‌رگاھێ خود‌ا یه‌، ئه‌گه‌ر كه‌سه‌ك گه‌ل خود‌ێ ناس بێ، ناره‌یێ وی و ئه‌زیه‌تا وی ناكێ؛ صه‌یێ به‌ر د‌ه‌ریان ناكه‌ڤێ په‌ی ناسێن خوه‌یێ مالێ. شه‌یطان ناھێلێ یێ نه‌ناسێ خوه‌یێ مالێ، بچێ مال ڤه‌.

نخوه‌ ئه‌گه‌ر ته‌ د‌یت شه‌یطان ل د‌وورا ته‌ د‌زڤرێ بزانه‌ كارێن ته‌ نه‌ خالصن و نه‌ ژ خود‌ێ را نه‌. ئه‌گه‌ر ھوون موخلصن، چره‌ سه‌ركانیێن حكمه‌تێ ژ د‌لێ ھه‌وه‌ سه‌ر زمانێ ھه‌وه‌ د‌ا نه‌ھه‌ركینه‌، حالحاله‌ ئه‌ڤه‌ چل ساله‌ ھوون ب خیالا خوه‌ ژ خود‌ێ را كار د‌كین؛ و د‌ حه‌د‌یسێ د‌ا ھاتیه‌ كو: «كه‌سێ چل صبه‌ھان خوه‌ ژ خود‌ێ را خالص بكێ سه‌رچاڤكێن حكمه‌تێ ژ د‌لێ وی سه‌ر زمانێ وی د‌ا د‌ھه‌ركن».[17] نخوه‌ بزانه‌ كار و عه‌مه‌لێ مه‌ نه‌ ژ خود‌ا را نه، ‌لێ ئه‌م ب خوه‌ ژی نه‌ مولته‌فتین و مه‌ ھای ژێ نینه‌ و د‌ه‌رد‌ێ بێ د‌ه‌رمان ژی ھه‌ما ئه‌ڤه‌.

وه‌ی ژ وان كه‌سێن ئه‌ھلێ تاعه‌ت و عباد‌ه‌ت و جومعه‌ و جه‌ماعه‌ت و علم و د‌یانه‌تێ را كو د‌ه‌ما چاڤێ خوه‌ ڤه‌كن و ببینن ئاخره‌ت ھات و ئه‌و ژ ئه‌ھلێ گونه‌ھێن مه‌زن - كه‌بیره‌ نه‌ و به‌لكی ژ ئه‌ھلێ شرك و كوفرێ ژی خرابترن و ناما عه‌مه‌لێ وان ره‌شتره‌.

وه‌ی ل حالێ وی یێ ب نمێژ و عباد‌ه‌تێ خوه‌ ڤه‌ بچێ جه‌ھنه‌مێ! ئه‌مان ژ به‌ر وایێن صووره‌ت و شكلێ صه‌د‌ه‌قه‌ و زه‌كات و نمێژا وان ئه‌و شكل و صووره‌ت بن كو ژ وان بێمه‌رێستر نه‌یێن مه‌لحه‌زه‌ كرن!

ئه‌ی ره‌به‌ن تو موشركی! خود‌ێ ب قه‌نجیا خوه‌، خود‌ێ په‌رێسێ ئه‌ھلێ گونه‌ھان عه‌فوو د‌كێ - ئنشائه‌ الله‌ - لێ كه‌ره‌م كریه‌: «خود‌ێ ئه‌و موشركێ كو بێ ته‌وبه‌ ژ ڤێ د‌ونیایێ د‌ه‌ركه‌ڤێ، عه‌فوو ناكێ».[18]



back 1 2 3 4 5 6 7 8 9 10 next