ئیمان د نێرینا قورئان و روایه‌تا دا

ئه‏و (ص): موئمن ئه‌وه‌ یێ نه‌فسا وی ژبه‌ر وی د‌ زه‌حمه‌تێ دا و خه‌لك ژی ژبه‌ر وی ل رحه‌تی‏یێ دا بن - المؤمنُ الّذي نفسُهُ مِنهُ في عَناءٍ، والنّاسُ في راحةٍ.

ئه‏و (ص): باوه‌ردار، ده‌س ب سه‌لامێ دكێ و منافق دبێژێ بلا سه‌لامێ بدن من.

ئه‏و (ص): موئمن، دجڤێ و لێ تێ جڤان، خێر تنه‌ ل وی یێ د‌گه‌ل خه‌لكێ نه‌جڤێ و لێ نه‌یێ جڤان، باشترین كه‌س‌ ئه‌وه‌ یێ فه‌یدا وی پتر بگهێ خه‏لکێ - المؤمنُ يألَفُ ويُؤلَفُ، ولا خيرَ فيمَن لا يألَفُ ولا يُؤلَفُ، وخيرُ النّاسِ أنفَعهُمْ للنّاسِ.

پێغه‌مبه‌ر (ص): ئه‌وێ گونه‌ھێن وی ئه‌وی نه‌رحه‌ت و قه‌نجی‏یێن وی ئه‌وی كه‌یفخوه‌ش بكێ، ئه‌وه‌ موئمن.

ئه‏و (ص): باوه‌ردار قه‌لقا وی نازك و دیتنا وی شیرینه‌... به‌رێ وی ل كار و ئه‌خلاقێن بلنده‌، ده‌ما كه‌ربێ وی ژ كه‌سه‌كی بێ سته‌مێ لێ ناكێ، ژ به‌ر كه‌سه‌كی كو حه‌ژێ دكێ ناكه‌ڤێ گونه‌ھان... كێم خه‌رجه‌ و ئاریكارییا وی پره... كارێ خوه‌ باش پێك تێنێ، حه‌چوه‌كو چاڤدێری یێ لێ دكێ، چاڤێ وی به‌رژێره‌، ده‌ست ڤه‌كریه‌، داخازكه‌ران نازڤرێنێ... گوتنا خوه‌ دپیڤێ و دبێژێ زێده‌ نائاخڤێ... یا پووچ ژ هه‌ڤالێ خوه‌ ژی قه‌بول ناكێ، ئه‌گه‌ر دوژمن ژی حه‌قیێ بێژێ قه‌بول دكێ، دخونێ دا زانا ببێ، زانینێ ب ده‌ستخوه‌ تێخی دا پێ عه‌مه‌ل بكێ... ئه‌گه‌ر گه‌ل ئه‌ھلێ دنیایێ بكه‌ڤێ رێ، زێره‌كترینێ وا یه‌ و ئه‌گه‌ر گه‌ل ئه‌ھلێ ئاخره‌تێ بێ پتر خوه‌ ژ گونه‌ھان دپارێزێ.

ئمام عه‌لی (س): شاهییا باوه‌ردار ل رویێ وی دا یه‌ و خه‌ما وی ل دل دا، سنگێ وی پر به‌رفره‌ھه‌، و نه‌فسا وی پر شكه‌ستی، ژ مه‌زن كرنێ دكرهێنێ و دوژمنێ شوهره‌تێ یه‌، خه‌ما وی به‌رده‌وام و همه‌ت بلنده‌ و پر بێ ده‌نگه‌ و وه‌ختێ وی ته‌ژی یه‌، پر شوكردار و پر ب صه‌بره‌، نووقی یه‌ ل فكر كرنێ دا، ل سه‌ر دوستی‏یێ پر ب ڤیانه‌، ئه‌خلاق نه‌رم و دلوڤانه‌، ئرادا وی ژ ته‌حتان قه‌ویتره‌ و ئه‌و بخوه‌ به‌نده‌یه‌كی شكه‌ستی یه‌.

ئمام عه‌لی (س): باوه‌ردار ل طه‌نگاڤی یێ دا شوكردار و ل زه‌مانێ به‌لایێ دا صه‌بردار و ل زه‌مانێ به‌رفره‌ھێ و نعمه‌تان دا ب ترسانه‌.

ئمام عه‌لی (س): موئمن ساده‌ دل و ب قه‌دره‌، ژ نه‌فسا خوه‌ ئێمنه‌ و ئله‌ھ های ژ خوه‌ هه‌یی و ب خه‌مه‌.

ئمام عه‌لی (س): موئمن ئه‌وه‌ یێ دلێ خوه‌ ژ تشتێن بێ قیمه‌ت پاك كربێ.

ئه‏و (س): موئمن ئه‌وه‌ یێ دنیا خوه‌ بكێ وه‌سیله‌ ژبوونا پارازتنا دینێ خوه.