حه‌رفا ث



قورئان وها ژ سه‌موود به‌حس دکێ:

1- بووت په‌ریس بوون و گووتنا پێغه‌مبه‌رێ خوه حه‌زره‌تێ صالح قه‌بوول نه‌دکران - هوود/ 63.

2- پشتی قه‌ومێ عاد ژیانه، و وه‌زع و حالێ وان یێ دونیایی؛ خوه‌ش بویه و د ده‌شت و چیان دا قه‌سر و ئاڤاهی هه‌بینه - ئه‌عراف/ 74.

3- کارێ وان چاندناهی و جووتیاری بوویه - شوعه‌راء/ 148.

4- حه‌زره‌تی صالح ژ هدایه‌تا وانرا پر خه‌بتی و موعجزه‌ ئانینا ده‌ڤا صالح ل سه‌ر ڤێ هه‌ده‌فێ پێک هات، لێ کێمه‌ک ژێ ده‌ر یێن د‌ی ئیمان نه‌ئانین و ده‌ڤه کوشتن و عه‌زابێ خودێ سه‌ر واندا هات - فوصصله‌ت/ 13. ذاریات/ 44. ئه‌عراف/ 78. هوود/ 68. ‌گووره‌کی ڤان ئایه‌تا عه‌زابێ ‌وا ب ‌سێ ئاوایا بویه كو ھه‌رسێ دگه‌ل هه‌ڤ بوونه‌: «صاعقه و صه‌یحه و له‌رزه».

5- ژیانا وان ب ئاوایێ قه‌بیله‌یی بوویه‌ و ژ ناڤ وان نه‌ھ قه‌بیله و بنه‌مال خرابکار و فاسد بوونه - نه‌مل/ 48.

255- ثَمَن، ثه‌مه‌ن: قیمه‌ت، بها، نرخ. یووسف/ 20. به‌قه‌ره/ 41.

256- ثنی، ثه‌نا، د ئه‌صل‌ ده ب مه‌عنا عه‌طفه، یانی: پالدان و بالڤه‌دانا تشته‌کی‌ یه سه‌ر تشته‌کی (مه‌حجه‌ع: هوود/ 5). ژ ئێژمارا دووێ را «ئثنان» تێ گووتن چکو یێک سه‌ر یێکی عه‌طف دبێ یانی یێك و یێک ل سه‌ر ‌هه‌ڤ حه‌ساب دبن؛ و ژ په‌صین دانێ را «ثه‌نا» تێ گووتن چکو مه‌دح و قه‌نجی د په‌ی هه‌ڤرا رێز دبن؛ ئستثناء، ژی ھه‌ما ژ وێیه، چکو «موسته‌ثنا» تێ پالدان بال « موسته‌ثنا منه» ڤه و ل سه‌ر هه‌ڤ حه‌ساب‌ دبن.

مه‌عنا ‌چه‌ند ئایه‌تان:

1- « أَلا إِنَّهُمْ يَثْنُونَ صُدُورَهُمْ لِيَسْتَخْفُوا مِنْهُ - هه‌یهێ! براستی ئه‌و (منافق) دلێ خوه ‌بال هه‌ڤده‌ ددن (ل هه‌ڤ دجڤن) دا خوه‌ ژ وی (پێغه‌مبه‌ر) خه‌ف بکن (وگووتنا وه‌حیێ گوهلێ نه‌بن) - هوود/ 5»



back 1 2 3 4 5 6 next