حه‌رفا ث

شه‌هابا ثاقب: هاتیه گووتن به‌لکی مه‌خسه‌د‌ که‌ڤرێ عه‌سمانێ بێ کوو ب له‌زیا 48 هه‌زار کم د سعه‌تێ ده دکه‌ڤێ جه‌ووا عه‌ردێ ده و ژ گه‌رمایێ و راستکه‌تنا گازێن جه‌ووی ئاگر پێ دکه‌ڤێ و ئه‌م ئه‌وێ ب شکلێ شریته‌کی ژ رووناهی یێ دبینن.

245- ثقف، ثه‌قف: په‌یدا کرن، راستکه‌تن، رووبروو بوون، رابه‌ر بوون، راستهه‌ڤ هاتن.

د‌ه‌رحه‌ق د‌وژمنێن زالم ده‌ كو پێغه‌مبه‌رێ خود‌ێ و موسلمان ژ سه‌ر جی و وارێ وان د‌ه‌رێخستین و شه‌ر و فتنه‌ چێكرین: ‌« وَاقْتُلُوهُمْ حَيْثُ ثَقِفْتُمُوهُمْ - ل کیده رێ هوون راست وان که‌تن ئه‌وا بكوژن - به‌قه‌ره/ 191.

« فَإِمَّا تَثْقَفَنَّهُمْ فِي الْحَرْبِ فَشَرِّدْ بِهِم مَّنْ خَلْفَهُمْ لَعَلَّهُمْ يَذَّكَّرُونَ - ڤێجا ده‌ما د‌ شه‌ر د‌ا تو رابه‌رێ وان بویی، پێ [جه‌زا دانا] وان، یێن پاش وانڤه‌ ژ هه‌ڤ بلاڤ بکه (بره‌ڤینه)، دا به‌لکوو عبره‌ت بگرن - ئه‌نفال/ 57». و بنێره: نساء/ 91 و مومته‌حنه/ 2 و ئالێ عمران/ 112 و ئه‌حزاب/ 61.

246- ثقل، ثقه‌ل: گرانی. ئه‌صلێ وێ د جسما دا یه لێبه‌لێ ھه‌م د نه‌جسما ده ھه‌م ژی د‌ مه‌عنه‌وییاتا ده ‌بکار تێ برن.

ثه‌قیل – گران: هه‌م د وصفی قیامه‌تێ ده هاتیه: يَوْمًا ثَقِيلًا – رووژه‌ك گران - ئنسان/ 27. هه‌م ژی د صفه‌تێ « قه‌ول - گووتن»ێ ده: قَوْلًا ثَقِيلًا – گووتنه‌ك گران - موززه‌ممل/ 5.

ئه‌ثقال، جه‌معا ثِقله‌ و ئه‌و تشته‌که کو راکرنا وێ گران بێ، نخوه: « وَتَحْمِلُ أَثْقَالَكُمْ - یانێ : ده‌وار بارێن هه‌وه هلدگرن - نه‌حل/ 7».

مثقال: ئه‌وه یا پێ وێ تشته‌کی دکێنش، و مثقالا تشته‌کی، گرانیا وییه.

مثقال ذَرَّة: یانی هه‌ڤوه‌زنێ (قاسی) مێرو یێ. فَمَن يَعْمَلْ مِثْقَالَ ذَرَّةٍ خَيْرًا يَرَهُ * وَمَن يَعْمَلْ مِثْقَالَ ذَرَّةٍ شَرًّا يَرَهُ – زلزال/ 7- 8

ته‌فسیرا ڤا ئایه‌تان ژی ببینن : عه‌نکه‌بووت/ 13. ‌زلزال/ 2. ته‌وبه/ 38. طوور/ 40. ئه‌عراف/ 187.