ئه‌خلاقێ ئمام عه‌لی سه‌لام لێ بن

1 - وه‌صیه‌تا وی ل ئامام حه‌سه‌ن

کورێ من! نه‌فسا خوه‌ بکه‌ میزان و کێشه‌ک د ناڤبه‌ینا خوه‌ و خێنجی خوه‌ دا. ڤێجا ئه‌وێ یا تو ژ خوه‌ را حه‌ژێ دکی ژ خێنجی خوه‌ را ژی حه‌ژێ بکه‌ و ژ وی را نه‌خازه‌ ئه‌وێ تشتا تو ژ بوونا خوه‌ حه‌ز ژێ ناکی. و زولمێ نه‌که‌ وه‌ک چه‌وا تو حه‌ز ناکی زولم لته‌ بێ کرن و قه‌نجی یێ بکه‌ وه‌ک چه‌وا تو حه‌ز دکی قه‌نجی دگه‌ل ته‌ بێ کرن؛ ئه‌وێ یا تو ژ خه‌لکێ را پیس دزانی، ژ خوه‌ را ژی پیس و کرێت بزانه‌؛ ئه‌وێ یا خه‌لک ده‌رحه‌ق ته‌ دا دکن و تو پێ رازی دبی، حه‌ق ئه‌وه‌ تو ژی ئه‌وێ دگه‌ل خه‌لکێ بکی؛ ئه‌وێ یا تو نه‌زانی ئه‌وێ نه‌بێژه‌، هه‌ر چه‌ند تشتا تو بزانی کێم بێ؛ تشتا تو حه‌ز نه‌کی ژ ته‌را بێ گووتن تو ژی ئه‌وێ نه‌بێژه‌.

ئه‌ڤێ ژی بزانه‌ کو ژ خوه‌رازی بوون دژێ دورستیێ یه‌ و ئافه‌تا عه‌قلا یه‌؛ پر بخه‌بته‌ لێ نه‌به‌ خه‌زنه‌دارێ خێنجی خوه‌ و، ده‌ما رێکا سه‌راست ژ ته‌ را هات نیشاندان، لبه‌رابه‌رێ خودایێ خوه‌ دا، پتر خوه‌ بشکینه‌.[i]

حه‌زره‌تێ ئمام میرێ باوه‌رد‌اران د‌ ڤێ خه‌به‌رد‌انێ د‌ا ئه‌ڤ نوكته‌ گووتنه‌ كو گه‌ره‌كه‌ مرووڤ خوه‌ پێ وان ئه‌خلاقان بخه‌ملینن:

1- گه‌ره‌كه‌ مرووڤخوه‌ ‌بكێ‌ میزان و کێشه‌ک ناڤبه‌ینا خوه‌ و خه‌لكێ د‌ا، ڤێجا وێ یا ژ خوه‌ را بخازێ ژ خه‌لكێ را ژی بخازێ و ژ وان را نه‌خازێ‌ یا ژ خوه‌ را ناڤێ. ڤێجا ئه‌گه‌ر ئه‌ڤ ئه‌خلاق د‌ كۆمێ د‌ا جی بگرێ وێ كوومه‌ل بگھێ بلند‌ترین د‌ه‌ره‌جه‌ و مه‌رته‌با خوه‌ یا كامل و باش.

2- ھشیاری د‌ایه‌ كو: مرووڤ زولمێ نه‌کێ وه‌ک چه‌وا حه‌زناکی زولم لێ بێ کرن.

3- Ùˆ گه‌ره‌ك مرووڤ  Ù‚ه‌نجی یێ بکێ‌ وه‌ک چه‌وا حه‌ز دکی قه‌نجی Ù„ÛŽ بێ کرن.

4- ئه‌وێ یا ژ خه‌لکێ را نه‌باش زانێ، ژ خوه‌ را ژی پیس و کرێت بزانێ‌؛ ئه‌وێ یا خه‌لک ده‌رحه‌ق ته‌ دا دکن و تو پێ رازی دبی، حه‌ق ئه‌وه‌ تو ژی ئه‌وێ دگه‌ل خه‌لکێ بکی.

5- ئه‌وێ یا تو نه‌زانی ئه‌وێ نه‌بێژه‌، هه‌ر چه‌ند تشتا تو بزانی کێم بێ؛ تشتا تو حه‌ز نه‌کی ژ ته‌را بێ گووتن تو ژی ئه‌وێ نه‌بێژه‌.

6- ژ خوه‌ رازی بوون ژ صفه‌تێن رزیله‌ و مرووڤ پێ پیس د‌بێ.