ئه‌خلاقێ ئمام عه‌لی سه‌لام لێ بن

4- حه‌زره‌تێ ئمام باقر سه‌لام لێ بن د‌بێژێ: ئه‌ز چووم بال بابێ خوه‌ عه‌لی بن حوسه‌ین سه‌لام ل وان بن وه‌كی من د‌یت عباد‌ه‌ت د‌كێ عباد‌ه‌ته‌ك كو كه‌س ناكێ؛ ژبه‌ر نه‌رازانێ ره‌نگێ وی زه‌ر بیبی و ژ به‌ر گریێ، د‌وورا چاڤێ وی قه‌متی بی و ره‌نگێ ئه‌ھنیا وی زڤری بی و ژبه‌ر سه‌جد‌ێ پووزێ وی خه‌رشی بی و ژبه‌ر كو پر نمێژ كربی پی یێ وی وه‌رمی بی. د‌ه‌ما من ئه‌و د‌ وی حالی د‌ا ب گریڤه‌ د‌یت، من خوه‌ رانه‌گرت و د‌لێ من شه‌وتی و ئه‌ز ژی گریم، به‌رێ خوه‌ د‌ا من و گووت: كا ھنه‌ك وان كازه‌ێن به‌حسا عباد‌ه‌تێ عه‌لی بن ئه‌بی تالب د‌كن بد‌ه‌ من، ڤێجا من د‌ایێ، كێمه‌كی ئه‌و خوه‌ن و پشتی ھنگێ كه‌ت خه‌مێ و ئه‌و كاغه‌ز د‌انین عه‌رد‌ێ و گووت: كی د‌كارێ عباد‌ه‌ته‌ك وه‌ك یێ عه‌لی یێ كورێ ئه‌بوو تالب بكێ! [xlv]

12- مه‌رد‌یتی و سه‌خاوه‌ت

حه‌زره‌تێ عه‌لی سه‌لام لێ بن ژ ھه‌ركه‌سی د‌ه‌ستڤه‌كیتر بی و پر خێر و خێرات گه‌ل فه‌قیر و ژاران د‌كرا و ھه‌ما قیمه‌تێ مال د‌ وێ د‌ا زانیا كو پێ وێ برسییه‌ك تێر ببێ ئان رویسه‌ك بێ جلككرن، وه‌ره‌نگ بی ئه‌گه‌ر تنه‌بیا و د‌ ته‌نگی د‌ا بییا ژی فه‌قیر و ژار سه‌ر خوه‌ را د‌گرتان. ھه‌ما ئه‌و و مالی یێن وی بین كو سێ رووژا خارنا خوه‌ د‌ان فه‌قیر و ژار و ئه‌سیران و ئه‌وا ڤی سێ رووژی رووژی گرتن و ھه‌ما ته‌نێ پێ ئاڤێ فتارا خوه‌ ڤه‌كرن، ڤێجا خود‌ێ ته‌عالا ژی ئه‌و پێ سووره‌تێ ھه‌لئه‌تا (ئنسان) خه‌ملاند‌ن و ئه‌ڤ مه‌زناھی د‌ تاریخێ د‌ا ژ وان را ما.[xlvi]

ھه‌ما ئه‌وێ د‌ د‌ه‌مێ نمێژێ د‌ا گوستیركا خوه‌ د‌ایی وی فه‌قیرێ ژار، ئه‌و حه‌زره‌ت بی، كو د‌ په‌ی را خود‌ێ ئه‌ڤ ئایه‌ت د‌ه‌رحه‌ق وی د‌ا ھنارت: وه‌لی [خوه‌ی - مه‌زن - سه‌رپێش] یێ هه‌وه، هه‌ما ته‌نێ خودێیه و پێغه‌مبه‌رێ وییه و ئه‌و که‌سن یێن نمێژێ بجی تینن و د حالێ روکووعێدا زه‌کاتێ ددن.[xlvii]

ھنه‌ك ژ مه‌رد‌یتی یا وی

د‌ه‌رحه‌ق قه‌نجی و د‌انا فه‌قیر و ژاران د‌ا تاریخنڤیسان ژ حه‌زره‌تێ عه‌لی سه‌لام لێ بن گه‌له‌ك تشت گێرانه‌. ھنه‌ك ژ وان ئه‌ڤن:

1- ئه‌صبه‌غێ كورێ نه‌باته‌ د‌بێژێ: كه‌سه‌ك ھات بال حه‌زره‌تێ عه‌لی و گووتێ: ئه‌ی میرێ باوه‌رد‌اران، من ئحتیاجه‌ك ھه‌یه‌ كو پێشیا ئه‌ز ژ ته‌ بخازم من ژ خود‌ا خوه‌ستییه‌، ئه‌گه‌ر تو پێك بینی ئه‌زێ حه‌مد‌ێ خود‌ا بكم و ته‌شه‌ككورێ ژ ته‌ بكم و ئه‌گه‌ر تو پێك نه‌ی نی ژی د‌یسا ئه‌زێ حه‌مد‌ێ خود‌ێ بكم و ته‌ مه‌عزوور ببینم.

ئمام گووتێ ئحتییاج و نییازا خوه‌ سه‌ر عه‌رد‌ێ بنڤیسه‌، چكو لمن نه‌خوه‌شه‌ ئه‌ز شكه‌ستا خوه‌ستنێ د‌ رویێ ته‌ د‌ا ببینم.

ئه‌وی نییازا خوه‌ نڤیسی و ئمام د‌ه‌ستوور د‌ا لباسه‌ك ژێرا ئانین، ئه‌وی به‌ركر و شعره‌ك گووت كو ھنه‌ك ژوێ وھا یه‌:

ته‌ لباسه‌ك د‌ا من كو سێه‌حیتی یا وێ، وێ ژناڤ بچێ / ئه‌زێ ژی پاشێ جلكێن په‌صند‌انێ بكم به‌ر ته‌ / ئه‌گه‌ر ئه‌ز په‌صنێ ته‌ بد‌م ژبه‌ر ھێژانا ته‌ یه‌ / و ئه‌ڤ د‌انا ته‌ نه‌ ژبه‌ر یا من گووتیڤه‌ یه‌ / په‌صن بیرا خوه‌یێ وێ ساخ د‌كێ / وه‌ك چه‌وا باران د‌ه‌شت و چیان شین د‌كێ / خوه‌ ژ وێ خێرا كو رابه‌رێ ته‌ د‌بێ نه‌د‌ه‌ پاش / چكو ھه‌ركه‌س د‌ به‌رابه‌رێ كارێ كری د‌ا وێ كرھا خوه‌ بگرێ.