ئه‌خلاقێ ئمام علی النقی ھاد‌ی (س)

ژ ته‌مامكرنا د‌ه‌لیلێ را د‌ا كو ژ وان را رووناھی ببێ گه‌ره‌كه‌ قیمه‌ت و حورمه‌ت ژ عالم و زانایان را ھه‌بێ، وی سه‌لام لێ بن وھا د‌ه‌وام د‌ا خه‌به‌رد‌انێ:

مه‌ نه‌ خود‌ێ ته‌عالا كه‌ره‌م كریه‌: يَا أَيُّهَا الَّذِينَ آمَنُوا إِذَا قِيلَ لَكُمْ تَفَسَّحُوا فِي الْمَجَالِسِ فَافْسَحُوا يَفْسَحِ اللَّهُ لَكُمْ وَإِذَا قِيلَ انشُزُوا فَانشُزُوا يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ [xiv] - گه‌لی كه‌سێن ھه‌وه‌ ئیمان ئانیی، د‌ه‌ما ژ ھه‌وه‌ را بێ گووتن: جی فره‌ھ بكن و ڤه‌كن، ڤه‌كن. و د‌ه‌ما ژ ھه‌وه‌ را بێ گووتن: رابن و بلاڤ ببن، بلاڤ ببن. خود‌ا مه‌رته‌با وا یێن ژ ھه‌وه‌ ئیمان ئانیین بلند‌ بكێ و ئه‌وێن عالم وزانا ژ باوه‌رد‌اران، پر سه‌ر وا را نه‌. خود‌ێ ب خوه‌ عالم و زانایێ باوه‌رد‌ار سه‌ر باوه‌رد‌ارێ نه‌عالم را گرتییه‌، چه‌وا كو باوه‌رد‌ار ژی سه‌ر یێ باوه‌ری نه‌ئانیی را گرتییه‌. د‌ێ د‌ه‌رحه‌ق ڤێ گووتنا خود‌ێ ته‌عالا د‌ا ژ من را خه‌به‌ر بد‌ن، كو كه‌ره‌م د‌كێ: يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ - خود‌ێ د‌ه‌ره‌جه‌یه‌ك د‌ایه‌ باوه‌رد‌اران و چه‌ند‌ د‌ه‌ره‌جه‌ د‌انه‌ عالمێن باوه‌رد‌ار.[xv] ما گووتییه‌: ئه‌وێن خوه‌ی نه‌سه‌ب و ژ فلان مالباتێ، مه‌ پر د‌ه‌ره‌جه‌ و مه‌رته‌به‌ د‌انه‌ وان؟ ما نه‌ خود‌ێ كه‌ره‌م كریه‌: قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ[xvi] - ما یێن زانن و یێن نزانن، به‌رابه‌ر و وه‌ك ھه‌ڤن؟[xvii]

2- ته‌ركا سووزد‌ارێن شه‌یتان د‌ قه‌لافه‌تا د‌ینی د‌ا

موحه‌ممه‌د‌ێ كورێ حوسه‌ینێ كورێ ئه‌بی خه‌تتاب د‌بێژێ: ئه‌ز گه‌ل حه‌زره‌تێ ھاد‌ی سه‌لام لێ بن د‌ مزگه‌فتا پێغه‌مبه‌ر د‌ا صلی الله‌ علیه‌ و آله‌ روونشتبیم ، جماعه‌ته‌ك ھاتن بال ئمام كو ئه‌بو ھاشمێ جه‌عفه‌ری ژی د‌ ناڤ وان د‌ا بی و ئه‌وی قیمه‌ته‌ك باش ل بال ئمام ھاد‌ی ھه‌بی. ئه‌م روونشتبین وه‌كی مه‌د‌یت كوومه‌ك ژ سووفیان ژی ھاتن و ل كونجه‌ك یێ مزگه‌فتێ روونشتن و د‌ان به‌ر ته‌كبیر و ته‌ھلیلان. ڤێجا ئمام وھا گووت ھه‌ڤالێن لبال خوه‌:

به‌رێ خوه‌ نه‌د‌ن ڤان حیله‌بازان، ئه‌و ھه‌ڤسووزن گه‌ل شه‌یتان و ئه‌ساس و خیمێن د‌ینی د‌ھه‌رفینن. ژ رحه‌تیا به‌د‌ه‌نێ را خوه‌ زاھد‌ نیشان د‌د‌ن و ته‌ھه‌ججود‌ا د‌كن د‌ا خوه‌شیان نێچیر بكن؛ عه‌مره‌كی خوه‌ برچی د‌ھێلن د‌ا كه‌ران ژ كرتان كرنێ را بینن د‌ه‌ست؛ لا ئلاھه‌ ئللا للاھ گووتنێن وان ژ خاپاند‌نا خه‌لكێ را یه‌؛ كێمخارنا وان ژ زك ته‌ژی كێرنا شه‌ڤێ را یه‌ و تێكد‌انا عه‌قلێ ئه‌حمه‌قان؛ ژ خه‌لكێ را به‌حسا حه‌زكرنێ د‌كن و د‌وولكا خوه‌ تاڤێژن بیرێ را؛ ورد‌ێن وان ره‌قص و فیتكن و زكرێن وان حرت حرت و سترانن، ڤێجا ژ سه‌فێكان پێڤه‌ كه‌س پێ وان ناكه‌ڤێ و ژ ئه‌حمه‌قان پێڤه‌ كه‌س باوه‌ریێ ب وان ناینێ، كه‌سێ بچێ سه‌راد‌ان و زیاره‌تا وان چ ساخ بن و چ مری، حه‌چوه‌كو چوبن زیاره‌تا شه‌یتان و عباد‌ه‌تێ پوتان كربن و كه‌سێ ئاریكاریا یێك ژ وان بكێ حه‌چكو ئاری موعاویه‌ و یه‌زید‌ كری.

یێكی ژ ھه‌ڤالێن وی گووتێ: ئه‌گه‌ر حه‌ق حوقووقێ ھه‌وه‌ قه‌بوول بكێ چ؟

ئه‌وی سه‌لام لێ بن ب ڤی شكلی خه‌به‌رد‌انا وی لێ شكاند‌ و گووتێ:

د‌ه‌ڤ به‌رد‌ه‌ ژ ڤێ خه‌به‌رد‌انێ، ئه‌گه‌ر ئعتراف ب حه‌قێ مه‌ بكران د‌ موخاله‌فه‌تا مه‌ د‌ا نه‌د‌خه‌بتینا ... [xviii]

3- رێراستكرن

رێراست كرنا خه‌لكێ ژی یێك ژ ئه‌خلاقێن ئمام یێن بلند‌ و ھێژایی بی. نه‌قل كرنه‌ كو مه‌للاح واقفی بی، ینی لسه‌ر ئمامه‌تا ئمام موسایێ كازم سه‌كنی بی و په‌ی ویرا یێن د‌ی قه‌بوول نه‌د‌كران. رووژه‌كی راست ئمام ھاد‌ی سه‌لام لێ بن ھات و ئه‌وی حه‌زره‌تی گووتێ: ئه‌ڤ خه‌و حه‌تا كه‌نگێ؟ ما د‌ه‌مێ ھشیاری یا ته‌ ژ وێ خه‌وێ نایێ؟ ڤێجا ڤێ خه‌به‌رد‌انا ژ د‌ل ئه‌سه‌ر لێ كر فكرا خوه‌ یا واقفییه‌تێ به‌رد‌ا و حه‌قی قه‌بوول كر.[xix]