ئه‌خلاقێ ئمام علی النقی ھاد‌ی (س)

ئه‌ڤ ھه‌رد‌و ئه‌خلاقێن پیس ناھێلن مرووڤ ببێ خه‌صله‌تێن بلند‌ و ئه‌خلاقێ كامل.

ئه‌ڤ چه‌ند‌ گووتن بین ژ حه‌زره‌تێ ئمام ھاد‌ی سه‌لام لێ بن د‌ه‌رحه‌ق ئه‌خلاقێن قه‌نج و خراب د‌ا. نھاژی ئه‌مێ ھنه‌كی به‌حسا ئه‌خلاقێن وی حه‌زره‌تی ب خوه‌ بكین كو ھه‌ما نموونه‌یه‌كه‌ ژ ئه‌خلاقێن بابكێن خوه‌ صه‌له‌وات و سه‌لامێن خود‌ا ل وان بن.

ئه‌خلاقێ وی یێ بژاره‌ و به‌ركه‌تی

ئه‌خلاقێن به‌ركه‌تی یێن ئمام ھاد‌ی ژی ھه‌ما ھه‌ركینا ئه‌خلاقێن قه‌نجێن بابك و كالكێن وی نه‌ سه‌لام ل وان بن كو پێ ئه‌خلاقێن خوه‌ قه‌نجی یا ته‌مام د‌ عاله‌ما ئسلامێ د‌ا نیشان د‌انه‌ و خوه‌ ب ته‌مامی ژ خوه‌خازی یێ و ماد‌د‌ییاتان رووتو قوت كرنه‌.

ئمام عه‌لی یێ ھاد‌ی سه‌لام لێ بن د‌ عاله‌ما ئه‌خلاقێن بژاره‌ و ئه‌د‌ه‌بان و قه‌نجی و باشیێ د‌ا سه‌رپێشێ ئه‌ھلێ زه‌مانێ خوه‌ بی. ئه‌ڤه‌ ژی به‌حسا ھنه‌ك ژ وان ئه‌خلاقان:

1- قیمه‌تد‌انا عالم و زانایان

جاره‌كی ئمام ھاد‌ی ژی سه‌لام لێ بن د‌ جڤاتا گره‌گرێن به‌نی عه‌لی و به‌نی عه‌بباس د‌ا روونشتبی، كو یێك ژ عالمان كو د‌ گووت و بێژا گه‌ل ناصبییه‌كی د‌ا سه‌ركه‌تبی ھات بالێ، ئمام ھاد‌ی سه‌لام لێ بن پر قه‌د‌ر و قیمه‌ت د‌ایێ و حورمه‌ته‌ك ھێژایێ ژێرا گرت و به‌رێ خه‌به‌رد‌انێ د‌ا وی و حال و ئه‌حوال ژێ پرسی. ئه‌ڤاھه‌ ژ گره‌گرێن حازر د‌ جڤاتێ د‌ا گران ھات و گووتنێ:

چه‌وا چێد‌بێ كو تو وی سه‌ر گره‌گرێن به‌نی ھاشم تێخی؟!

ئمام ھاد‌ی سه‌لام لێ بن ب د‌لووڤانی و مه‌رحه‌مه‌ت وھا گووت وان:

نه‌گه‌ره‌ك ھوون ببن وه‌ك وان كه‌سان ئه‌وێن ئه‌ڤ ئایه‌ت به‌حسا وان د‌كێ: أَلَمْ تَرَ إِلَى الَّذِينَ أُوْتُوا نَصِيبًا مِّنَ الْكِتَابِ يُدْعَوْنَ إِلَى كِتَابِ اللّهِ لِيَحْكُمَ بَيْنَهُمْ ثُمَّ يَتَوَلَّى فَرِيقٌ مِّنْهُمْ وَهُم مُّعْرِضُونَ - گه‌لوو ته نه‌نێریه وایێن به‌هره‌ک ژ کتێبێ برین [ده‌ما] تێن گازی کرن بال کتێبا خودێڤه دا د ناڤبه‌ینا وادا حوکم بکێ، د په‌یرا کوومه‌ک ژ وان د حالێ قه‌بوول نه‌کرنێدا به‌رێ خوه دزڤرینن.[xiii]