ئه‌خلاقێ ئمام علی النقی ھاد‌ی (س)

3- مروڤێ ب علمێ خوه‌ د‌عه‌ملێ: ئه‌و سه‌ر علمێ ب خوه‌ را یه‌، چكو زانین ژ پقژكرنا د‌ل را یه‌، ڤێجا د‌ه‌ما مرووڤ ب زانینا خوه‌ عه‌مه‌ل كر ھنگێ ئه‌وی زانین پاراستییه‌ و په‌رپرسیاریا خوه‌ ب جی ئانیه‌ و پێ وێ یێكێ سه‌ر علمێ را یه‌.

3- شیره‌تا وی ژ موته‌وه‌ككل را

ئه‌ڤ شیره‌تا گرانبھا ئمام ھاد‌ی سه‌لام لێ بن ل موته‌وه‌ككلێ عه‌بباسی كریه‌. د‌بێژێ:

كه‌سێ ته‌ ئاڤا وی شێلووكر نه‌ به‌رھێڤیێ زه‌لالیێ به‌ ژ وی؛ كه‌سێ ته‌ غه‌د‌رو حیله‌ لێ كرن ژ وی نه‌ به‌رھێڤیێ وه‌فایێ به‌ ؛ و كه‌سێ ته‌ گومانا خراب ژێ بر، ژ وی نه‌ به‌رھێڤی به‌ كو خێرخازێ ته‌ بێ. چكو خه‌لك د‌ د‌لێ ته‌ د‌ا چه‌وا بن تو ژی د‌ د‌لێ وان د‌ا وه‌ره‌نگی.[iii]

ئمام د‌ ڤێ گووتنا زێرین و پر قیمه‌ت د‌ا ھشیاریێ د‌د‌ێ موته‌وه‌ككل كو بلا نه‌ به‌رھێڤیێ زه‌لالی یا د‌ل بێ ژ وی یێ نه‌حه‌قی لێ كری و نه‌ ه‌رھێڤی یێ قه‌نجی یێ بێ ژ وی یێ ئه‌و ئێشاند‌ی و نه‌ به‌رھێڤی یێ خێرخازیا وی كه‌سی بێ یێ كو ئه‌وی ب خوه‌ د‌ه‌رحه‌ق وی د‌ا گوانا خراب ھه‌یه‌.

4- د‌ونیا بازاره‌

كه‌ره‌م كریه‌: د‌ونیا، بازار و سووكه‌، ھنه‌ك تێد‌ا فه‌ید‌ه‌ د‌كن و ھنه‌ك ژی زه‌ره‌ر د‌كن.[iv]

د‌ونیا بازاره‌، ھه‌م ژ ئه‌ھلێ ته‌قوایێ و قه‌نجان را كو د‌ د‌ونیایێ د‌ا خێران و نێزیكیا خود‌ا بد‌ه‌ستڤه‌ تینن. ژ خرابا را ژی بازاره‌ چكو ئه‌و ژی گونه‌ھ و خرابیان و حه‌رامان د‌ه‌ستڤه‌ تینن. ڤێ گوورێ ژ ھه‌رد‌وكا را بازاره‌ لێ ئه‌و فه‌ید‌ێ ژێ د‌بن و ئه‌ڤ تێد‌ا زه‌ره‌ر د‌كن.

ئه‌خلاقێن پیس و خراب