ئه‌خلاقێ ئمام علی النقی ھاد‌ی (س)

1- ئلاھی! د‌ه‌رحه‌ق ناسكرنا مه‌زناھیا ته‌ و پێحه‌سانا بلند‌اھیا ته‌ د‌ا، وه‌ھم و گومانێن خه‌لكێ كه‌تنه‌ خه‌له‌تی یێ و كێماسی د‌ نێرینا ئه‌ھلێ نێرینێ د‌ا ھه‌یه‌ و كه‌س نكارێ وه‌صفێ ته‌ بد‌ێ و ھه‌می گووتن پووچن. تویێ ئه‌وێ جھێ ته‌ خلاسه‌ك و بنی ژێرا نه‌یی و كه‌س نكارێ پێ خه‌به‌رد‌ان و ئشارێ ب ته‌ بحه‌سێ. ھه‌یھات، ھه‌یھات، ئه‌ی د‌ه‌سپێك و ئه‌ی ئه‌وێ ته‌ك و ته‌نێ، تو د‌ بلند‌اھی یا بلند‌ی یێ د‌ا یی .. [xxvii]

2- ھنه‌ك ژ د‌وعایه‌ك د‌ی یا وی حه‌زره‌تی ئه‌ڤه‌:

... یا ئلاھی، تو عه‌زاب ژ سه‌ر باوه‌رد‌اران ھلینه‌؛ و ئه‌وێ پێكڤه‌ و ئه‌شكه‌ره‌ سه‌ر زالمان د‌ا رێكه‌. یا ره‌بب! تو عه‌زاب ژ وایێن په‌ناھ ژ ته‌ را ئانیین پاشد‌ا بد‌ه‌ و سه‌ر حیله‌بازان د‌ا رێكه‌. یا خود‌ا، ئاری بررا حه‌ق و د‌ورست بكه‌ و ئاریكارێن زولم و سته‌مێ ژناڤ ببه‌. یا خود‌ێ، شوكرێ بكه‌ نه‌صیبێ مه‌ و مه‌ پێ وێ به‌خته‌وه‌ر بكه‌ و ئاریكاریێ گه‌ل مه‌ بكه‌ و مه‌ ژ خرابیا د‌ه‌سپێك و د‌ووماھیكێ و ژ سستی یێ بپارێزه‌.

د‌وعا ژ په‌یره‌وێن خوه‌ را

3- ھنه‌ك ژ موناجات و د‌وعایه‌ك وی یا د‌ی وھایه‌:

ئلاھی! ئه‌ز پێ وی ناڤێ ته‌ گازی ته‌ د‌كم و ژ ته‌ د‌خازم ئه‌وێ: عه‌رد‌ و عه‌سمان لبه‌ر شكه‌ستی نه‌ و ھه‌ر تشت ته‌ پێ وێ ساخ كریه‌ و مراند‌ی یه‌ و ته‌ بوێ ھه‌می جود‌اھی و كوومی چێكرنه‌ و ته‌ ب وێ كه‌لیمه‌ ته‌مام كرنه‌ و نیشان خوه‌یھاند‌نه‌ و ته‌وبا ته‌وبه‌كاران قه‌بوول كریه‌ و خرابكار خوسراند‌نه‌ و عه‌مه‌لێ وان كریه‌ وه‌ك تووزا لبه‌ر بایێ كه‌تی و ته‌ ئه‌و پووچ كرنه‌ .. كو تو صه‌له‌واتان بد‌ی سه‌ر موحه‌ممه‌د‌ و ئالێ موحه‌ممه‌د‌ و تو ئه‌وا په‌یره‌وێن من یێن به‌رپرسی ھلگرتین و ڤێجا راست و د‌ورست بویین و سه‌ر سووزا خوه‌ مایین، ئه‌منییه‌تێ ژ وان را چێكه‌ و ئێمناھی یێ بد‌ه‌ وان.

یاخود‌ێ! تو د‌ورستیا راستبویان بد‌ه‌ وان و عه‌مه‌لێ ئه‌ھلێ یه‌قینێ بكه‌ نه‌صیبێ وان؛ و خێرخازیا ته‌وبه‌د‌اران و بریارا صه‌برد‌ار و خوه‌پارێزیا ئه‌ھلێ ته‌قوایێ و كتمانا صد‌د‌یقان بد‌ه‌ وان، حه‌تا كو ژ ته‌ بترسن ب ترسانه‌ك وه‌ره‌نگ كو ئه‌وا ژ گونه‌ھان پاشد‌ا بد‌ێ و گوھد‌ارێ ته‌ ببن د‌ا كو كه‌ره‌ما ته‌ بگھێ وان و د‌ا ژبوونا ته‌ و ترسا ژ ته‌ خێرخاز ببن و پێ خێرخازیێ و حه‌زكرنا ژ ته‌ ته‌وبه‌یه‌ك خالص ب جی بینن و ڤێجا ببن موسته‌حه‌قێ وێ حه‌زكرنا ته‌ یا سووزا وێ د‌ایی ته‌وبه‌كاران و د‌ا ژ به‌ر گوومانا باش یا د‌ه‌رحه‌ق ته‌ د‌ا په‌ید‌ا د‌كن د‌ ھه‌می كارێن خوه‌ د‌ا خوه‌ بسپێرن ته‌ و ژ به‌ر پشراستی یا كو د‌ه‌رحه‌ق ته‌ د‌ا په‌ید‌ا د‌كن ھه‌می كارێن خوه‌ ب ھێیا ته‌ ڤه‌ بھێلن.

ئه‌ی ئلاھی! ئه‌گه‌ر تو نه‌د‌ی، كه‌س ناگھێ عباد‌ه‌ت و گوھد‌اری یا ژ ته‌ را، خێنجی ب ته‌ كه‌س ناگھێ چ خێر و باشیان. ئه‌ی خود‌ایێ رووژا كرھ و جه‌زایێ، تو ئاگاھی ب وێ یا د‌ سنگ ود‌لان د‌ا خه‌ف بویی، ڤێجا ھه‌ما تو عه‌رد‌ێ ژ پیساتیا شركێ پاقژ بكه‌ و ئه‌وێن ب د‌ه‌ره‌و خه‌به‌رد‌انا سه‌ر پێغه‌مبه‌رێ ته‌ د‌گه‌رینن، ئه‌و لال و بێ د‌ه‌نگ بكه‌. یا خود‌ا، زوورگوو و زالمان بقه‌لینه‌ و و ببرھینه‌ و بنبر بكه‌، ڤركه‌رێن بوختانكه‌ر و د‌ه‌ره‌وكه‌ران ل چوولان بێخه‌ و بێ ناڤو نیشان و ژار و ره‌به‌ن و به‌له‌نگاز بكه‌، ئه‌وێن د‌ه‌ما كو ئایه‌ت و نیشانێن خود‌ا ژ وان را تێ خوه‌ند‌، د‌بێژن: ئه‌و چێرڤێرووكن. یا ره‌بب! سووزا خوه‌ ب جی بینه‌ و موحه‌قه‌ق تو ژ سووزا خوه‌ نازڤری و لێ ڤه‌نابی.[xxviii]

بێ د‌وعایی ل موته‌وه‌ككل

4- ئلاھی! ئه‌ز و ئه‌و ھه‌رد‌و عه‌بد‌ و به‌ند‌ه‌یێن ته‌نه‌؛ جه‌ینك و سه‌رنڤیسا مه‌ ھه‌رد‌ووكا د‌ د‌ه‌ستێ ته‌ د‌ا یه‌؛ تو ب سه‌كنگه‌ھ و جھێ چوونا مه‌ د‌زانی؛ تو ئاگاھی ژ كرنێن مه‌ و خه‌ف و ئه‌شكه‌ره‌یێ مه‌؛ تو نییه‌تێن مه‌ زانی و حه‌چی یا د‌د‌ل د‌ا ڤه‌شارتی تو وه‌ك یا ئه‌شكه‌ره‌ زانی؛ زانینا ته‌ ب یا ئه‌كه‌ره‌ وه‌ك زانینا ته‌ ب یا خه‌ف و ڤه‌شارتی یه‌؛ قه‌ تشته‌ك ژ كارو بارێ مه‌ لبه‌ر ته‌ نخوماند‌ی نینه‌ و چ وه‌زع و حاله‌ك ژ مه‌ لبه‌ر ته‌ نه‌په‌رد‌ه‌كریه‌؛ مه‌ چ جھ نین كو ئه‌م بكارن ل وێد‌ه‌رێ خوه‌ بپارێزن و خوه‌ خلاس بكن و قه‌ت پێ ره‌ڤ و بازد‌انێ ژی خلاسی ژ مه‌ را نینه‌؛ قه‌ت چ زالم ژی پێ خورتی یا خوه‌ نكارن خوه‌ خلاس بكن و له‌شكه‌رێن وی نكارن به‌ره‌ڤانیێ ژێ بكن و قه‌ت چ خورت و ژی نكارن ل به‌ر ته‌ خوه‌ خلاسكن و ھه‌بوون وخورتی یا كه‌سی نكارێ سه‌ر یا ته‌ بكه‌ڤێ، ئه‌و ب كووڤه‌ بچێ، تو د‌ێ وی بگری و په‌ناھا خوه‌ ژ كی را ببێ ژی تو د‌كاریێ. ڤێجا ئه‌ڤه‌ زولم د‌یتی یێ ژ مه‌ لبه‌ر د‌ه‌ریێ ته‌ یه‌ و ھان و ھاوارا خوه‌ ژ ته‌ را ئانیه‌ و د‌ د‌ه‌مێ نه‌مانا ئاریكاران د‌ا گازی ته‌ د‌كێ و ب ته‌ڤه‌ د‌گری و د‌ه‌ما ھه‌می د‌ه‌رگه‌ھ لبه‌ر گرتی نه‌ ل د‌ه‌ریێ ته‌ د‌د‌ێ ...[xxix]