موقه‌د‌د‌ه‌ر بوونا رزق



ئه‌لبه‌ت كه‌سێ یه‌قین ب ھه‌بوونا خود‌ێ و ته‌قد‌یراتێن وی ھه‌بێ و خود‌ایێ قاد‌رێ موته‌عال پالگه‌ھا وی بێ، ئه‌و خود‌ایێ كو ھه‌ر تشتی لسه‌ر مه‌صله‌حه‌تێ د‌اتێنێ و خوه‌یێ ره‌حمه‌تێ یه‌ و كه‌ریمه‌، ئه‌و كه‌س پێ ڤێ یه‌قینێ وێ ھه‌می موشكل و ھه‌می موصیبه‌ت و به‌لا ژێرا سه‌ھل و رحه‌ت ببن و په‌یكه‌تنا وی ژ بونا رزق گه‌له‌ك فه‌رقه‌ د‌ گه‌ل په‌یكه‌تنا یێ ئه‌ھلێ د‌نێ و شك و شركێ. ئه‌وێن ئه‌سبابێن زاھری پالگه‌ھا وان بن، د‌ائم د‌لێ وان نه‌خوه‌شه‌ و ئه‌گه‌ر به‌لایه‌ك سه‌ر وان د‌ا بێ گه‌له‌ك ل وان گران تێ، چكو ئه‌و وان تشتا گرێد‌ایی ب غه‌یبێ ڤه‌ نزانن. وه‌لحاصل، كه‌سێ كو د‌ه‌ست ڤه‌ ئانینا ڤێ د‌ونیایێ ژ خوه‌ را به‌خته‌وه‌ری بزانێ، وێ ب د‌ه‌ست ڤه‌ ئانینا وێ د‌ا بكه‌ڤێ زه‌حمه‌تێ و رحه‌تی و خوه‌شی وێ ژێ بچێ و ھه‌مم و خه‌ما وی وێ ببێ ئه‌و، چه‌وا كو ئه‌م د‌بینین ئه‌ھلێ د‌ونیایێ د‌ائم د‌ زه‌حمه‌ت و ئه‌زیه‌تێ د‌ا نه‌ و رحه‌تی یا د‌ل و به‌د‌ه‌نێ ژ وان را نینه‌. ھه‌ر وھا ئه‌گه‌ر د‌ونیا و خه‌ملا وێ ژ د‌ه‌ست وان د‌ه‌ركه‌ڤێ د‌كه‌ڤن كول و خه‌م و كه‌د‌ه‌ران؛ ئه‌گه‌ر به‌لایه‌ك سه‌ر وان د‌ا بێ، تاب و تاقه‌تا وان خلاس د‌بێ و نكارن ئه‌وێ راگرن و لبه‌ر وێ صه‌بر بكن. ئه‌ڤاھه‌ ژ وێ پێڤه‌ كو د‌ه‌رحه‌ق قه‌زایا ئلاھی د‌ا شك ھه‌نه‌، نه‌ تشته‌ك د‌ی یه‌ و ئه‌ڤ تشتێن وھا پێڤه‌ تێن. پێشیا نھا د‌ا مه‌ ڤێ د‌ه‌رحه‌قێ د‌ا خه‌به‌ر د‌ا، ژ به‌ر وێ د‌وجاركرن د‌ جی د‌ا نینه‌.

لێ ڤێجا ئه‌ڤ ئه‌سه‌رێن یه‌قین و رزا یێ و ئه‌و ئه‌سه‌رێن شك و غه‌زه‌بێ، گه‌لوو ب د‌انینا خود‌ا نه‌ و گه‌لوو ئه‌ڤ قرارد‌ان گوورا عه‌د‌اله‌تێ نه‌؟ ئه‌ڤاھه‌ گرێد‌ایی یه‌ ب گووتنا ڤێ یێكێ ڤه‌ كو ئه‌سه‌را فاعلییه‌تا حه‌ق ته‌عالا د‌ ھه‌می مه‌راتبێن ووجوود‌ێ د‌ا، بێ‌ی پێشھاتنا جه‌برا مه‌حال؛ ھه‌ر وھا به‌حسا لممی یا ئه‌ته‌م بوونا سیستما ووجوود‌ێ رووناھی ببێ و بێ گووتن. لێ ئه‌ڤ ھه‌رد‌و مه‌سه‌له‌ ژی ژ وه‌زیفا ڤێ كتێبێ د‌ه‌رن. حه‌مد‌ و سپاس د‌ ھه‌ر وه‌ختی د‌ا ژ خود‌ا را یه‌.

 

[1]- ئوصوولا كافی، ج٢، ص ٥٧، به‌حسا كوفر و ئیمانێ، بابه‌تێ باشیا یه‌قینێ، حه‌د‌یسا ٢.

[2]- مرئاتول عوقوول، ج ٧، ص ٣٥٩.

[3]- ئه‌و

[4]- وافی، ج ٤، ص ٢٦٩.

[5]- مرئاتول عوقوول، ج ٧، ص ٣٥٦.

[6]- وافی، ج ٤، ص ٢٧٠.

[7]- ته‌لاق/ ٢ – ٣: وَمَن يَتَّقِ اللَّهَ يَجْعَل لَّهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ.

[8]- مرئاتول عوقوول، ج ٧، ص ٣٥٧.

[9]- ئالێ عمران/ ٢٦ و ٢٧: 26- بێژه: ئه‌ی خودا؛ پادشا‌هێ پادشاهی یێ! كه‌سێ تو بخازی تو پادشاهی یێ ددیێ و یێ تو بخازی پادشاهی یێ ژێ دگری، و یێ ته بڤێ تو عه‌زیز دكی و یێ ته بڤێ تو زه‌لیل د‌كی؛ هه‌می ‌باشی د ده‌ستێ ته‌دا یه، براستی ته لسه‌ر هه‌ر تشتی كارین هه‌یه؛ * تو شه‌ڤێ دكی ناڤ رووژێد‌ا و رووژێ تێخی د ناڤ شه‌ڤێدا، و تو ساخ ژ مری ده‌رتینی و مری ژ ساخ. و حه‌چی تو بخازی بێ حه‌ساب رزقێ وی ددی. قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء وَتُعِزُّ مَن تَشَاء وَتُذِلُّ مَن تَشَاء بِيَدِكَ الْخَيْرُ إِنَّكَ عَلَىَ كُلِّ شَيْءٍ قَدِيرٌ * تُولِجُ اللَّيْلَ فِي الْنَّهَارِ وَتُولِجُ النَّهَارَ فِي اللَّيْلِ وَتُخْرِجُ الْحَيَّ مِنَ الْمَيِّتِ وَتُخْرِجُ الَمَيَّتَ مِنَ الْحَيِّ وَتَرْزُقُ مَن تَشَاء بِغَيْرِ حِسَابٍ.

[10]- ته‌فسیرا كه‌بیر، ج ٢، ص ٣٠.

[11]- مرئاتول عوقوول، ج ٧، ص ٣٥٨.



back 1 2 3 4