ئنسان د‌ پیڤه‌كا نه‌ھجول به‌لاغێ د‌ا



پشتی كو جانێ ئاده‌م گرت، خه‌لك بێ د‌ه‌لیل و به‌ره‌دایی و بێ رێنموون نه‌هشتن.. ھنارتی یێن وی په‌ی هه‌ڤ هاتن و به‌رپرسیاریا خوه‌ پێك ئانین، حه‌تا پێ هاتنا پێغه‌مبه‌رێ مه‌ موحه‌ممه‌د ص ده‌لیلێن وی ته‌مام بین و جهێ عوزر خوه‌ستنێ ژ كه‌سی را نه‌ما.

ڤێجا كیم و زێده‌ رزق ڤه‌قه‌تاند و ب عداله‌ت ل لێك ڤه‌كرنێ دا ته‌نگی و به‌رفره‌ھی چێكر دا كو ئه‌وێ ئه‌و بخازێ وی ل ته‌نگاڤی و رحه‌تی یێ دا بجه‌ربێنێ، و پێ وی قاسی شوكرداری و صه‌برداری یا ده‌وله‌مه‌ند و فه‌قیران هلسه‌نگێنێ، پاشی به‌رفره‌ھی وفه‌قیره‌تی و سلامه‌تی و نه‌خوه‌شی و ئافه‌ت وه‌ كه‌یف و خوه‌شی و كول و مه‌ره‌ق ل كێله‌كا هه‌ڤ دا دانین و ته‌ڤهه‌ڤ كرن.

ئه‌جه‌ل و زه‌مانێ مرنێ دانی ڤێجا هنه‌ك درێژ و هنه‌ك كورت كرن و هنه‌ك پێش ئێخستن و هنه‌ك پاش خستن..

خولقاند‌ن و عاقبه‌تا مرووڤ : خوتبه‌ 83 .. ژ ره‌حما دایكان و د‌ ناڤ په‌ردان د‌ا ده‌سپێ بی. جارا یێكێ د‌لووپه‌ك ئاڤا فشتكاندی بی، پێره‌ بچه‌ك خوونا هه‌ڤگرتی و بێ روومه‌ت، پاشێ ل زكێ دایكا خوه‌ دا شكل په‌یدا كر و پێره‌ بی شیرخوه‌ر و پێره‌ ژ شیرهات گرتن و پێره‌ ژی بی خوورت و لاوه‌ك ڤه‌شدهایی. خودێ دله‌ك كو پێ فیهم بكێ و زمانه‌ك كو پێ بئاخڤێ و چاڤه‌ك كو پێ ببینێ دایێ داكو پێ وان تێ بگهێ و عبره‌تێ وه‌رگرێ و خوه‌ ژ نه‌باشی و نه‌خوه‌شی یان پاشدا راگرێ، حه‌تا ڤێجا قامه‌تا وی هات قه‌یدێ و گها ته‌نگا خوه‌، ب كوباری سه‌ری هلدا و ل رێ وندا و نه‌ گوهدار بی و ساتلا ئارزو و ڤیانا ژ بیرا خه‌له‌تی یێ كشاند و هه‌می زه‌حمه‌ت و خه‌باتا وی بی ژ بوو دنیایێ و كه‌ت ناڤ كه‌یف و له‌ززه‌ت و ڤیانا دلێ خوه‌.

.. ژ خێران به‌هره‌ نه‌بر ؛ هێجا سه‌رگه‌رمێ سه‌ر هلدانێ و مژولێ له‌ززه‌ت و كه‌یفێ، به‌لا مرنێ هێرش ئانی سه‌ر..

برا و باب و زارووك و ھه‌ڤال و مرووڤێن وی یێن خه‌ما وید‌كران ، پاش بێ هێڤیبوونێ جه‌نده‌كێ وی لناڤ كه‌فه‌ن دا دپێچن و ئه‌وی كو ته‌سلیم بویه‌ ژ عه‌ردێ رادكن و داتینن سه‌ر ته‌ختكا.. رادكن دبن وارێ غوربه‌ت و بێ كه‌سی یێ، ئه‌و جهێ كو هێدی كه‌س سه‌ره‌دانێ لێ ناكێ. ڤێجا ده‌ما ئه‌وێن د‌ شینا وی دا، زڤرین، ئه‌وی ل قه‌برا وی دا رودنێنن و ئه‌و ژ طرسا پرسیارا و شمتینا ل ئمتحانێ دا بن لێهڤێ خوه‌ دا پچپچ دكێ. مه‌زنترین به‌لا وێده‌رێ رژاندنا ئاڤا كه‌له‌ لسه‌ر سه‌رێ وی و ئاڤیتنا ناڤ ئاگرێ جه‌هنه‌مێ یه..

عه‌زاب كێم نابێ حه‌تا كو بچه‌كی رحه‌تی ژێره‌ چێبێ و رحه‌تی تنه‌ حه‌تا بچه‌كی ئازارا وی كێم ببێ و تاقه‌تا وی نینه‌ كو پێشی یێ ل عه‌زاب بگرێ و مرن هێدی ژیره‌ نینه‌ كو ژ زه‌حمه‌تێ خلاس ببێ و بێهنه‌ك خه‌و ده‌س ناكه‌ڤێ كو پچه‌كی ئه‌وی رحه‌ت بكێ..

شیره‌ت : ئه‌ی خودانێن چاڤ و گوھ و سلامه‌تی یێ! ما گه‌لو .. زڤرینا ل دنیایێ ھه‌یه‌ ؟ .. چه‌وا هوون وها هاتنه‌ خاپاندن، حالحاله‌ به‌هرا هه‌ر یێك ژ هه‌وه‌ ژ عه‌ردێ هنگ قاسێ درێژی و په‌حنیا هه‌وه‌ و قامه‌تا هه‌وه ‌یه‌، ل وێد‌ه‌رێ وێ رویێ هه‌وه‌ ده‌ینن سه‌ر ئاخێ.

ئه‌ی به‌نده‌یێن خودا! نها كو هوون ساخن و كاپكێ مرنێ ل گه‌ریا هه‌وه‌ نه‌شدهایه‌ و رحێ هه‌وه‌ ڤێ بێهنێ ژ بوونا پێشكه‌تنێ ئازاده‌، و به‌ده‌ن رحه‌ته‌ و وه‌ختێ خزمه‌ت و خه‌باتێ ژ هه‌وه‌ره‌ هه‌یه .. رێكا ل خوه‌ زڤرینێ ژ هه‌وه‌ره‌ ڤه‌كریه‌ و هوون دكارن حه‌وجه‌هێ یێن خوه‌ پێك بینن، ڤێ فورسه‌تێ ژ ده‌ست نه‌دن، و پێشیا وێ دا كو دژواری سه‌رهه‌ودا بێ و هوون بكه‌ڤن ته‌نگی و طرسێ و ژناڤ بچن، و پێشیا هاتنا وی ئه‌جه‌لێ ڤه‌شارتی یێ هوون هێڤی یێ، و پێشیا وێدا كو خودایێ قاد‌ر هه‌وه‌ بگرێ و ببێ، های ژ خوه‌ هه‌بن و ده‌س باڤێژن كار و عه‌مه‌ل.

خوتبه‌ 163 : .. ئه‌ی مه‌خلووقێ د‌ تاریتی یا زارووکدانكا دایکان د‌ا په‌ید‌ا بوویی و ھاتی پارازتن .. پاشێ ژ وێد‌ه‌رێ د‌ه‌ركه‌تی و هاتی جیه‌کی کو ته‌ قه‌ت نه‌دیتبی و رێکێن گهانا فه‌ید‌ا وێ نه‌د‌زانیان! کی نیشا ته‌ دا کو تو خارنێ ژ چچکێ دیا خوه‌ بکێشی و تو هین کری کو ئحتیاج و خوه‌ستێن خوه‌ ژ کیده‌رێ بده‌ستڤه‌ بینی؟



back 1 2 3 4 5 next