هۆو ئامانجی به‌ربه‌ره‌كانێی قورِه‌یش

4 ـ رِكایه‌تی كردنی یه‌كتر و ئێره‌یی و هۆزایه‌تی :

یه‌كێ له‌بناغه‌كانی هه‌یكه‌لی هۆزایه‌تی رِكایه‌تی وشانازی توند له‌ سه‌ر بابه‌ته‌كانی شته‌ به‌نرخه‌كان بوو، كه‌ له‌ ناو هۆزه‌كانی ئه‌و كۆمه‌ڵگایه‌دا باو بوه‌، له‌ به‌ر ئه‌وه‌ی پێغه‌مبه‌ری ئیسلام صلی الله علیه و اله له‌ تیره‌ی هۆزی هاشمه‌ سه‌رۆكانی تیره‌كانی تر به‌ ئامانجی رِكایه‌تی و تیره‌یی و هۆزایه‌تی ئاماده‌ نه‌بوون كه‌ پێغه‌مبه‌رایه‌تیه‌كه‌ی قه‌بوڵا بكه‌ن كه‌ له‌ دواییدا ببێته‌ شه‌ره‌ف و شانازی بۆ هۆزی هاشم، ئه‌بو جه‌هل كه‌ له‌ تیره‌ی به‌نی مه‌خزوم بوو، و یه‌كێ له‌ده‌وڵه‌مه‌ندو ده‌سه‌ڵاتدارانی تیره‌كانی قورِه‌یش بوو، ئه‌و بابه‌ته‌ی به‌بێ په‌رده‌ رِوون كرده‌ووه‌:

ئێمه‌ له‌گه‌ڵا كورِه‌كانی عه‌بدول مه‌ناف بۆ شه‌ره‌ف به‌ ده‌ست هێنان رِكایه‌تیمان ئه‌ كرد، ئه‌وان خواردنیان ئه‌دا به‌ خه‌ڵك ئێمه‌ش ئه‌مان ئه‌دا، ئه‌وان ئه‌سپی سواریان ئه‌دا ئێمه‌ش ئه‌مان ئه‌دا، ئه‌وان پاره‌یان دا ئێمه‌ش دامان، تا وه‌كوو یه‌كمان لێهات، وه‌كودوو ئه‌سپ كێ برِكێمان كرد، ئێستا ئه‌وان ئه‌ڵێن یه‌كێ له‌ ئێمه‌ بووه‌ به‌ پێغه‌مبه‌رو له‌ ئاسمانه‌وه‌، وه‌حی بۆ دێ ئێمه‌ چۆن بگه‌ین به‌م پله‌یه‌؟ سوێند به‌ خوا، ئێمه‌ هیچ كات باوه‌رِی پێ ناهێنین و به‌رِاستی نازانین [17]".

ئومه‌یه‌ی كورِی ئه‌بی سه‌ڵت كه‌ یه‌كێ له‌ ئه‌شرِاف وه‌ شاعیرێكی گه‌وره‌ی تایف بوو، وه‌ له‌ پێشدا حه‌نیف[18]بوو، له‌ به‌ر هه‌مان هۆ ئایینی ئیسلامی قه‌بوڵا نه‌بوو، وه‌ ساڵها چاوه‌رِێی پێغه‌مبه‌ری دیاری كراو بوو، هه‌ڵبه‌ته‌ وای ئه‌زانی خۆی ئه‌بێته‌ پێغه‌مبه‌ر، پاش ئه‌وه‌ كه‌ هه‌واڵی پێغه‌مبه‌ر بونی پێغه‌مبه‌ری ئیسلامی پێگه‌یی، ملی كه‌چ نه‌كرد بۆ په‌یرِه‌وی كردن، وه‌ هۆكه‌شی شه‌رم كردن له‌ ژنانی هۆزی سه‌قیف بوو، وتی : من ماوه‌یه‌كه‌ پێیانم وتوه‌ ئه‌و پێغه‌مبه‌ره‌ دیاری كراوه‌، منم؛ ئێستا چۆن ئه‌توانم له‌ به‌ر چاوی ئه‌وانه‌ سه‌ر هه‌ڵبرِم له‌كاتێكدا ئه‌گه‌ر په‌یرِه‌وی له‌گه‌نجێكی ماڵی عه‌بدول مه‌ناف[19] بكه‌م .