ئه‌خلاقێ ئمام حوسه‌ین س

ئمام گه‌ل فه‌قیر و ژاران روود‌نشتا و جڤات د‌گرتا و قه‌نجی ل وان د‌كرا، د‌ا كو فقیره‌تیا فه‌قیران ژ وان را نه‌بێ ئێش و ژان و د‌ه‌وله‌مه‌ند‌ پێ ھه‌یی یا خوه‌ حێچ نه‌بێ.

3- ناڤبه‌ینا وی و برایێ وی موحه‌ممه‌د‌ێ حه‌نه‌فییه‌ د‌ا خره‌جره‌ك چێبیبی، ڤێجا موحه‌ممه‌د‌ نامه‌یه‌ك ژێرا نڤیسی كو تێد‌ا وھا گووتبی:

ته‌ھێژان و سه‌راتییه‌ك ھه‌یه‌ كو ئه‌ز ناگھێمێ؛ بابێ مه‌ عه‌لی یه‌ و ئه‌وی ژی تو سه‌راتر زانیی، د‌ایكا من ژی ژنه‌كه‌ ژ به‌نی حونه‌یفه‌، لێ د‌ایكا ته‌ فاتیما كه‌چا ره‌سوولێ خود‌ا یه‌ صلی الله‌ علیه‌ و آله‌ و ته‌ژی د‌ونیایێ وه‌ك د‌ایكا من به‌رابه‌ریێ گه‌ل د‌ایكا ته‌ ناكن، ن خوه‌ د‌ه‌ما ئه‌ڤ كاغه‌زا من گھا د‌ه‌ستێ ته‌، جل و لباسێ خوه‌ به‌ركه‌ و وه‌ره‌ من رازی بكه‌، بلا نه‌وه‌بێ كو د‌ ڤێ قه‌نجی یێ د‌ا ئه‌ز پێش ته‌ بكه‌ڤم حالحاله‌ تو سه‌ر من را یی. د‌ه‌ما ئه‌وی حه‌زره‌تی ناما برایێ خوه‌ خوه‌ند‌ ھه‌ما ژ جی رابی و ژ رازیكرنا وی را چو بالێ. [v] و ئه‌ڤا ھه‌ ژ ئه‌خلاقێن وی یێن بلند‌ و بژاره‌ بی.

5- جوود‌ و كه‌ره‌ما وی

ئه‌و حه‌زره‌ت پر د‌ه‌ستڤه‌كری بی و پێ د‌انێ د‌ل خوه‌ش د‌كران.

كه‌مالود‌د‌ینێ كورێ ته‌لحه‌ د‌بێژێ: قه‌د‌ر و قیمه‌ت د‌د‌ا مێھڤانا؛ یێ بھاتا جه‌م وی، رحه‌تی و فره‌ھی ژێرا چێد‌كرا؛ یێ د‌خوه‌ستا دد‌ایێ و یێ رویس جلك د‌كرا و یێ برسی تێر د‌كرا و د‌ان گه‌ل نه‌د‌ارا د‌كرا و یێ زه‌عێف خورت د‌كرا و مه‌رحه‌متا وی ھه‌بی ژ یه‌تیمان را و ئحتیاجا نیازمه‌ند‌ راد‌كرا و چقا ماله‌ك ژێرا بھاتا ئه‌و بلاڤ د‌كرا ... [vi]

ئه‌وی حه‌زره‌تی ھه‌ر وھا باشی و قه‌نجی یا خوه‌ ڤه‌د‌شارتا و خه‌ف د‌كرا؛ ھه‌جا د‌ تاریتیا شه‌ڤێ د‌ا ته‌لیسێن خارن و پاران د‌د‌ا پشتا خوه‌ و د‌برا لناڤ موحتاج و یه‌تێم و سێوی و ژار و به‌له‌نگازان بلاڤ د‌كرا حه‌تا كو پشتا وی ژ به‌ر ھلگرتنا ته‌لیسان كول د‌بیا [vii] . گه‌له‌ك جاران ماله‌ك زه‌حفی ژێرا د‌ھاتا، ڤێجا ئه‌و نه‌د‌سه‌كنیا حه‌تا ێپكڤه‌ بد‌ا.[viii]

یا ‌گه‌ل ئوسامه‌ یێ زه‌ید‌ كری

ئوسامه‌ نه‌خوه‌ش بی كه‌ت به‌ر مرنێ، ئمام چوو سه‌راد‌انا وی، پشتی پرسینا حال ، ئوسامه‌ ئاخ و ئاھه‌ك كێشا و گووت: ئای خه‌مێ، ئای خه‌مێ!

ئمام گووتێ: كول و خه‌ما ته‌ چییه‌؟ ئه‌وی گووت: من شێست ھه‌زار د‌ه‌ینێ من ھه‌یه‌ و ئه‌ز د‌ترسم ئه‌ز بمرم و ئه‌د‌ا نه‌كم! ئمام گووتێ: خه‌ما نه‌كه‌، تو نامری حه‌تا ئه‌ز ئه‌د‌ا بكم. ڤێجا ئمام رابی چوو د‌ه‌ینێ وی ئه‌د‌اكر ھێجا نه‌ مری.[ix] ئوسامه‌ ژ وان كه‌سا بی كو گه‌ل بابێ وی به‌یعه‌ت نه‌كر بی، لێ ئمام حوسه‌ین سه‌لام لێ بن ب قه‌نجیێ جه‌واب د‌د‌ێ.