دعایا عرفه

خوه‌ ل من بکه‌ خوه‌ي وه‌ک چه‌وا تو خوه‌يتیيێ دکی ل نێزیک و گوھدارێن خوه‌ و ئه‌وێن ل بال ته‌ خوه‌ي قیمه‌ت و خودان مه‌رته‌به‌.

بده‌ من وێ يا تو ددی وا يێن سووزا خوه‌ گه‌ل ته‌ پێک ئانيین و ژ ته‌ را خوه‌ ئێخستین زه‌حمه‌تێ و ژ رازیکرنا ته‌ را خه‌بات کرین.

ژ به‌ر کێماسیيا من د حه‌قێ خوه‌ دا و ده‌ربازبوونا ژ حودودێن خوه‌ و زێده‌گاڤیيا د حوکم و ئه‌حکامێن خوه‌ دا ل من نه‌گره‌.

وێ موھله‌تێ نه‌ده‌ من و وه‌ره‌نگ من تووشی عه‌زاب نه‌که ‌چه‌وا کو‌ ئه‌وێ باشيا ل بال خوه‌ ژ من ڤه‌گرتی و تو شریکێ قه‌نجیيا دگه‌ل من ھاتی کرن ژی نه‌زانيی ته‌ ئه‌و کێم کێم تووشی عه‌زاب کری.

من ژ خه‌وا بێ خه‌مان و پوونژینا زێده‌گاڤ و ژ حه‌دده‌ران و چاڤکه‌تنھه‌ڤا ته‌نێ مايیيان ھشيار بکه‌.

دلێ من بگره‌ و د وێ دا بێخه‌ کار کو ته‌ فه‌رمانبه‌ر و دلنزم و عباده‌تکار تێدا خستین کار و ئه‌ھلێ سڤکيێ پێ وێ رزگار کرین.

من بپارێزه‌ ژ وێ يا من ژ ته‌ دوور دکێ و دبێ ناڤبر د ناڤبه‌ينا من و به‌ھرا من يا ل بال ته‌ دا و من ژ خه‌باتا من يا ژ ته‌ را پاش تێخێ.ببه‌ ناڤبر د ناڤبه‌ينا من و دوژمنێ شاشکه‌ر و بايێ دلێ ژناڤبه‌ر و وێ عه‌يبا کو ب مرووڤ ڤه‌ دمینێ.

وه‌ک وی يێ ده‌ما تو به‌رێ خوه‌ ژێ دزڤرینی ئێدی تو ژێ رازی نابی به‌رێ خوه‌ ژ من نه‌زڤرینه‌.

من ژ ھێڤيا من نائومید نه‌که‌ کو بێھێڤیبوونا ژ ره‌حمه‌تا ته‌ ل سه‌ر من خۆڕت ببێ.

زێده‌يێ ژ تاقه‌تا من نه‌ده‌ من کو ئه‌ز نه‌کارم بارێ که‌ره‌م و مه‌حه‌ببه‌تا ته‌ راگرم. ژن و مێرێن ژ به‌نده‌يێن ته‌ که‌تینێ، من بگھینه‌ جھێ وی که‌سێ تو ھاي ژێ مايی و ته‌ قه‌نجی لێ کری و تو ژێ رازی بويی ڤێجا ته‌ ژيانه‌ک خوه‌ش دايیيێ و د ده‌مێ مرنێ دا ژی ته‌ ئه‌و به‌خته‌وه‌ر کری.