دعایا عرفه

رووژا عه‌ره‌فێ

يا خودێ! ئه‌ڤ رووژا فه‌ره‌فێ يه‌، رووژه‌که‌ کو ته‌ ھێژان و مه‌زناھی و قیمه‌ت دايیيێ و ره‌حمه‌تا خوه‌ تێدا بلاڤ کريه‌ و پێ عه‌فووکرنا خوه‌ قه‌نجی کريه‌ و که‌ره‌م ل به‌ندێن خوه‌ کريه‌.

يا خودێ! ئه‌ڤه‌ ئه‌ز ئه‌و به‌ندێ ته‌ مه‌ کو پێشيا خولقاندنێ و پشتی ئافراندنێ ته‌ نعمه‌ت و قه‌نجی لێ کريه‌، ته‌ ئه‌و ھدايه‌ت کريه‌ و خستیيه‌ سه‌ر رێکا دینێ خوه‌ و ته‌ ژ حه‌قێ خوه‌ را ته‌وفیق دايیيێ و پێ وه‌ریسێ خوه‌ پارازتیيه‌ و ئه‌و کريه‌ ناڤ گورووبا خوه‌ دا و ژ دووستیيا دووستێن خوه‌ و دژاتیيا دوژمنێن خوه‌ را رێدورست کريه‌.

پاشێ ژی ته‌ فه‌رمان دايێ و ئه‌وی فه‌رمان نه‌بر، ته‌ پاشدا دا ئه‌و پاش نه‌که‌ت، ته‌ نه‌ھيا وی کر ژ بێئه‌مریيا خوه‌ و ئه‌وی ژ ئه‌مرێ ته‌ خالافت و ب ئاليێ نه‌ھيا ته‌ ڤه‌ چوو، لێ ئه‌ڤ نه‌ ژ به‌ر دژاتی و خوه‌ مه‌زنکرنا د به‌رابه‌رێ ته‌ دا بی به‌لکی بايێ دل ئه‌و ب وی ئاليی ڤه‌ گازی کر کو ته‌ نه‌ھی ژێ کربی و ئه‌و ژێ ترساندبی، دوژمنێ ته‌ و يێ وی ژی ژ ڤێ گازیيێ را بی ئاریکار، ڤێجا ھه‌رچه‌ند ئاگاھ و زانا بی ده‌رحه‌ق ترساندن و سووزا ته‌ يا عه‌زاب دا و دگه‌ل قه‌نجیيا ته‌ حه‌ق ئه‌و بی ڤێ يێکێ نه‌کێ، لێ ھێڤیدارێ عه‌فوا ته‌ بی و باوه‌ر کربی کو تێ لێ ببووری.ڤێجا چه‌وا کو تو وی يێ گونه‌ھ کری دنخومێنی وه‌ره‌نگ به‌رێ خوه‌ بده‌ من و عه‌فووکرن و لێبوورینا خوه‌ وه‌ره‌نگ بده‌ من چه‌وا کو تو ددی وی يێ ل به‌رابه‌رێ ته‌ دا ته‌سلیم بويی، پێ غوفران و لێبوورینا خوه‌ قه‌نجیيێ ل من بکه‌ وه‌ک چه‌وا تو قه‌نجیيێ دکی ل که‌سێ ژ ته‌ ھێڤیدار و ئه‌و ل ته‌ گران نايێ.

نه‌صیبێ من د ڤێ رووژێ دا بکه‌ ئه‌و کو ئه‌ز بگھێم به‌ھره‌کی ژ رازیبوونا ته‌، من ده‌ست ڤاله‌ نه‌زڤرینه‌ ژ وی عباده‌تێ عباده‌تکار ژ ته‌ را دکن.

ھه‌ر چه‌ند وه‌ک چه‌وا ئه‌وا کار و عه‌مه‌لێن قه‌نج و باش پێش خوه‌ دا رێکرین من رێنه‌کرنه‌، لێ من ته‌وحید و يێکینيا ته‌ و ئاڤێتنا دژ و ھمبه‌ر ھه‌ڤالان ژ ته‌ پێش خوه‌ دا رێکريه‌.و ئه‌ز ب وان ده‌رگه‌ھان را ب ئاليێ ته‌ ڤه‌ ھاتمه‌ کو ته‌ ده‌ستوور پێ دايی، من پێ وان تشتان خوه‌ نێزیکێ ته‌ کر کو ژ وان پێڤه‌ که‌س نێزیکێ ته‌ نابێ.

په‌ي را ڤێجا ئه‌ز ل ته‌ زڤریم و من خوه‌ ژ ته‌ را شکاند و زاری کر، ئه‌ز ژ ته‌ را خوه‌شگومان بووم و من باوه‌ری ئانی ب وێ يا ل بال ته‌ و من ھێڤیداریيا ژ ته‌ ژی د کێله‌کا وێ دا دانی کو کێم تێ پێشھێڤیدارێ ژ ته‌ ژ ھێڤيا خوه‌ بێ ھێڤی ببێ.

و من ژ ته‌ خوه‌ست وه‌ک خوه‌ستنا مرووڤێ ژارێ زه‌لیلێ به‌له‌نگازێ فه‌قیرێ د حالێ ترسێ دا و موحتاجێ حه‌واندنێ، من د وی حالی دا ب ترس و ژاری و ھاواری و په‌ناھخازی ژ ته‌ خوه‌ست، نه‌کو خوه‌ستنا ب زڕه‌کی وه‌ک يا خوه‌ مه‌زنکه‌ران و نه‌ وه‌ک خوه‌ستنا فه‌رمانبه‌رێن زڕه‌ک و نه‌ وه‌ک خوه‌ستنا زڕه‌کی يا مرووڤێ به‌رھێڤیيێ ناڤجیتیيا ناڤجیيان.

و ئه‌ڤ د حاله‌کی دا يه‌ کو ئه‌ز کێمێ کێما و ژارێ ژارا مه‌، ئه‌ز وه‌ک مێرويا زه‌رکووکا ھویرکم و ژ وێ ژی کێمترم، ڤێجا ئه‌ي ئه‌وێ ل جه‌زادانا خرابان له‌ز ناکه‌ڤی و سه‌رخوه‌چوويیيان ژ ده‌رگه‌ھێ خوه‌ ناره‌ڤینی، ئه‌ي قه‌نجکا‌رێ لێبوورێ وا يێن دشمتن و که‌ره‌مکارێ موھله‌تێ ددی خه‌تاکاران.ئه‌زێ به‌نده‌

ئه‌زم خرابێ ئه‌ھلێ ئعترافێ، يێ خه‌تاکار و دشمتێ.