دعایا عرفه

زنجیرا دووریيا ژ وا کارێن قه‌نجیيان ژ ناڤ دبێ و باشی و خوه‌شیيان ژ حالێ رادکێ بێخه‌ ستووێ من دا.

دلێ من په‌رده‌ بکه‌ ژ به‌ر کرنا خرابيێن پیس و گونه‌ھێن کو مرووڤ شه‌رمه‌زار دکن.

ئه‌و کارێ نه‌ ب رێکا ته‌ ڤه‌ ئه‌ز نه‌گھێمێ و رازیبوونا ته‌ ژ من را نه‌ينێ من پێڤه‌ مژوول نه‌که‌.نێزیکێ ترسا ژ ته‌ بکێ و من دوور بکێ ژ کرنا کارێن حه‌رام و من ئازا بکێ ژ قه‌يد و به‌ندێن گونه‌ھێن مه‌زن.

پاقژيا ژ قرێژا بێ ئه‌مریيێ بده‌ من، زه‌نگار و قرێژا خه‌تا و نه‌باشیيان ژ من بشوو، جلکێ عافيه‌تا خوه‌ بکه‌ به‌ر من دا و من پێ په‌ردا سه‌لامه‌تیيا خوه‌ بنخومێنه‌. خوه‌شيێن خوه‌ يێن خوه‌ش ل من بکه‌ و قه‌نجی و که‌ره‌ما خوه‌ ل په‌ي ھه‌ڤ ل من ببارینه‌.

پێ دورستکرن و ل ھه‌ڤئانینا خوه‌ من ھێزدار بکه‌، ژ نيه‌تا قه‌نج و خوه‌ش خه‌به‌ردان و کارێ باش را ئاریکار به‌ ژ من را، شوونا کارین و ھێز و قووه‌تا خوه‌ دا من نه‌ھێله‌ ب ھێڤيا ھێز و قووه‌تا من ڤه‌.

رووژا کو تو من رادکی، ل به‌رابه‌رێ خوه‌ دا من نه‌ده‌ شه‌رمێ و ل بال وه‌لیيێن خوه‌ من شه‌رمه‌زار نه‌که‌.و خوه‌شيێن ته‌ دا، بێخه‌ دلێ من کو ژ به‌ر دانا ته‌ ڤه‌ ئه‌ز په‌صنێ ته‌ بدم و ده‌رحه‌ق قه‌نجیيا ته‌ ل من کری دا ئعتراف بکم.

خوه‌ست و ڤيانا من ژ خوه‌ را سه‌ر خوه‌ستا خوه‌ستنکارا بێخه‌ و حه‌مدێ من ژ خوه‌ را د سه‌ر حه‌مدێ په‌صنده‌ران را ده‌ينه‌.

د ده‌مێ موحتاجیيا من دا من ته‌نێ نه‌ھێله‌، ژ به‌ر کار و عه‌مه‌لێ من ب ئاليێ ته‌ دا رێکری من ژ ناڤ نه‌به‌، وه‌ک چه‌وا تو رابه‌رێ دوژمنێن خوه‌ دبی وه‌ره‌نگ رابه‌رێ من نه‌به‌ چکو ئه‌ز ل به‌رابه‌رێ ته‌ دا ته‌سلیمم و ئه‌ز زانم کو ده‌لیل و به‌لگه‌ د ده‌ستێ ته‌ دا يه‌ و تو حه‌قتری ژ که‌ره‌مێ را، قه‌نجیکرنا ته‌ پتره‌، تو ئه‌ھلێ پارازتنێ يی، ئه‌ھلێ لێبوورینێ يی، ھه‌ما براستی حه‌قتر ئه‌وه‌ تو عه‌فو بکی نه‌ جه‌زا بدی، ده‌رحه‌ق ته‌ دا ئه‌ز وێ زانم کو ستراندن و نخوماندن پتر سه‌ر کارێ ته‌ ڤه‌ يه‌ نه‌ ئه‌شکه‌ره‌ کرن.

ڤێجا من ب ژيانه‌ک خوه‌ش و باش بژيێنه‌ کو وه‌ک خوه‌ستا من رێڤه‌ بچێ و بگھێ يا ئه‌ز ژێ حه‌ز دکم، ب ئاوايه‌ک وه‌ره‌نگ کو ئه‌ز نه‌کم وێ يا ته‌ ژێ نه‌خوه‌ش و نه‌ھی ژێ کری.