شکلێ قیامه‌تێ د قورئانێ دا

ده‌ما بخازن عوزرێ خوه‌ ڤه‌خازن، خورینا بجه‌ھمن، دوور بكه‌ڤن؛ كر و بێ ده‌نگ ببن، دبھێزن و بێ ده‌نگ دبن (موئمنوون / 108، رووم / 57، غافر / 52، مورسه‌لات / 35، 36)؛ ڤێجا خوه‌ داڤێژن به‌ر به‌ختێ جه‌ھنه‌مڤانا كو ژ خودێ بخازن پچه‌كی ژ عه‌زابێ وان كێم بكێ، ئه‌ڤێ جه‌وابێ گوھلێ دبن كو: ما خودێ پێغه‌مبه‌رێن خوه‌ رێنه‌كرن ناڤ ھه‌وه‌ و ده‌لیل و حوججه‌ت سه‌ر ھه‌وه‌ ته‌مام نه‌كر؟ (غافر / 49، 50).

جاره‌ك دی داخازا مرنێ دكن ڤێجا ئه‌ڤێ جه‌وابێ سه‌ح دكن: ھوونێ ژ ھه‌ر و ھه‌ر را د جه‌ھنه‌مێ دا بمینن (زوخرووف 77)، ھه‌رچه‌ند مرن ژ ھه‌می ئالیان ڤه‌ سه‌ر وان دا دبارێ، لێ نامرن (ئبراھیم 17، طاھا 74، فاطر36) چقا چه‌رمێ به‌ده‌نا وان بشه‌وتێ چه‌رمه‌ك نوو چێدبێ و عه‌زابێ وان ده‌وام دكێ (نساء 56).

داخازا ھنه‌ك ئاڤ و خارنێ ژ بھشتیان دكن، ئه‌ڤێ جه‌وابێ گوھلێ دبن كو: خودا خوه‌شیێن بھشتێ ژ ھه‌وه‌ را حه‌رام كرنه‌ (ئه‌عراف / 50).

بھشتی ژ وان دپرسن: چ بوو سه‌به‌بێ به‌ختره‌شیا ھه‌وه‌ و ھوون كشاندن ناڤ جه‌ھنه‌مێ؟ دبێژن: ئه‌م نه‌ ئه‌ھلێ مێژ و عباده‌ت بوون و مه‌ ئاریكاریا ره‌به‌ن و ژاران نه‌دكرا و ئه‌م دگه‌ل پیسه‌كا بوون و مه‌ قیامه‌ت ئنكار دكرا و ب ده‌ره‌و زانیا (مودده‌سسر / 47-39).

ڤێجا ئه‌و بخوه‌ رادبن ھه‌ڤ و دكن خره‌جر (صاد / 64-59). ئه‌وێن ل رێ وندا بوویین دبێژن یێن ل رێ وندا كرین: ئه‌ڤ ھوون بوون كو ھه‌وه‌ ئه‌م خه‌لتاندن و ل رێ وندا كرن، ئه‌و جه‌واب ددن: ھه‌وه‌ ب كه‌یف و دلێ خوه‌ په‌یره‌وی ژ مه‌ كر و ھوون كه‌تن په‌ی مه‌ (ئه‌عراف / 38-39، صاففات / 27 – 33، قاف / 27-28).

بنده‌ست دبێژن سه‌رده‌ستان: ئه‌ڤ ھوون بوون ھه‌وه‌ ئه‌م به‌ختره‌ش كرین. ئه‌و دبێژن: قه‌ی مه‌ ھوون ب زووری ژ رێكا راست ده‌رانین؟ (ئبراھیم / 21، سه‌به‌ء / 31-33).

ڤێجا پاشی ره‌ دبێژن شه‌یطان: ئه‌ڤ تو بوو بوویی سه‌به‌ب حه‌تا ئه‌م ژ رێ ده‌ركه‌ڤن. ڤێجا شه‌یطان د جه‌وابا وان دا دبێژێ: خودێ سووزا راست دا ھه‌وه‌ و ھه‌وه‌ قه‌بوول نه‌كر و من سووزا ده‌ره‌و دا ھه‌وه‌ و ھه‌وه‌ قه‌بوول كر، ڤێجا نخوه‌ شوونا كو ھوون لوومان ل من بكن، ل خوه‌ بكن و ئیروو كه‌س ژ مه‌ نكارێ ئاریێ دی بكێ و ل ھانا وی بچێ (ئبراھیم / 22) و ب ڤی ئاوایی چ چاره‌ ژ وان را نامینێ خێنجی كو خوه‌ ل سه‌ر عه‌زابێ خوه‌ یێ دائمی مط بكن.[21]