شکلێ قیامه‌تێ د قورئانێ دا

ده‌ما باوه‌ردار نێزیکێ بهشتێ دبن ده‌ریێن وێ ڤه‌دبن و مه‌لائیکه‌تێن ره‌حمه‌تێ به‌ر وان ڤه‌ تێن و پێ سه‌لام و قه‌در و قیمه‌تێ مزگینیا به‌خته‌وه‌ریا دائمی ددن وان (زومه‌ر 73، ره‌عد 22 – 24).

ژ ئالیێ دی ڤه‌ ڤێجا ده‌ما کافر و مونافق دگهێن جه‌هنه‌مێ ده‌ریێن وێ ڤه‌دبن و مه‌لائیکه‌تێن عه‌زابێ ل وان دخورن و له‌مێ ل وان دکن و وه‌عدا عه‌زابێ دائمی ددن وان (زومه‌ر 71 – 72، ته‌حریم 6، ئه‌نبیاء 103).

بھشت [14]

بھشتێ ده‌ باغ و بوستانێن به‌رفره‌ھ، ب فره‌ھیا عه‌سمانا و عه‌رد كو ب ئه‌نواع و ئه‌قسامێ داران ھاتی نخوماندن ھه‌نه‌، ھه‌ر وھا ھه‌می ئاوایێن فێكیێ به‌رده‌ست و قه‌سرێن خوه‌ش و چه‌م و روبارێن ئاڤا زه‌لال و شیر و ھنگڤی و شه‌رابا پاك و ژ ھه‌ر تشته‌كی ل سه‌ر مه‌یل و ڤیانا بھشتیان و سه‌ر ڤیان و خوه‌ستا وان ره‌ ژ وان را ھه‌یه‌.

بھشتی پێ لباسێ ھه‌ڤریشم و ئه‌قسامێن خه‌مل و زینه‌تان و ل به‌رابه‌رێ ھه‌ڤ دا ل سه‌ر ته‌ختێن زینه‌تكری و جھكێن نه‌رم پال ددن و مژوولێ حه‌مد و سپاسیا خودا نه‌ و گووتنێن بێھووده‌ و پووچ نابێژن و نابھیزن؛ نه‌ سه‌رما ئه‌وا دئێشێنێ و نه‌ گه‌رما؛ نه‌ زه‌حمه‌ت و وه‌سطان و مه‌لال ھه‌نه‌ و نه‌ ترس و خه‌م؛ ھه‌ر وھا دلێ وان ژ كه‌رب و كینێ ڤاله‌ یه‌.

خزمه‌تكارێن سپه‌حی ره‌خ وان ڤه‌ ل بزاڤ و حه‌ره‌كتێ دا نه‌ و پێ فراخێن بھشتی شه‌رابا جه‌ننه‌تێ ل به‌ر وان دگرن كو ڤه‌خارنا وێ له‌ززه‌ته‌ك پر زێده‌ تێدا ھه‌یه‌ و چ نه‌خوه‌شی و ئافه‌ت ژێ چێنابێ و ژ ئه‌نواع و ئه‌قسامێ فێكی و گووشتێ فرندان و طه‌یران دخون و د كێله‌كا ھه‌ڤژینێن جوان و دلووڤان و پاك و پاقژ دا نه‌ و خوه‌شیێ ژ ھه‌ڤ دبینن و ژ سه‌راتر ژ ھه‌ر تشتی ژی ڤێجا ژ خوه‌شیا رووحی یا رازی بوونا خودێ به‌ھره‌مه‌ندن؛ ئه‌وقاس د ناڤ شاھی و كه‌یفێ دا نه‌ كو مرووڤ نكارێ وه‌صفێ وێ بدێ و ئه‌ڤ خوه‌شی و شاھی و به‌خته‌وریا پر خوه‌ش و له‌ززه‌ت دائمی یه‌ و ژ ھه‌ر و ھه‌ر را وێ د ناڤ دا بمینن و خلاسه‌ك ژێرا تنه‌ھن. (د‌وخان / 56، فوصصله‌ت / 8، ئنشقاق / 25، تین / 6).

جه‌ھنه‌م

جه‌ھنه‌م جھێ وان كافر و مونافقا یه‌ كو قه‌ت چ رووناھیه‌ك ژ ئیمانێ د دلێ وان دا نه‌یی (نساء / ١٤٠ و گه‌له‌ك ئایه‌تێن دی)، فره‌ھیا وێ (د‌ووژه‌ھێ) ئه‌وقاسه‌ كو ھه‌می خرابكار تێدا جھ دبن و ھێجا دبێژێ: ھل من مزید! (قاف / ٣٠). پێكڤه‌ ئاگره‌ و ئاگر؛ عه‌زابه‌ و عه‌زاب!

پێتا ئاگر ژ ھه‌می ئالیا ڤه‌‌ دفوورێ و ده‌نگێ وێ یێ زه‌حفی و فرفر و فیرفیرا وێ سه‌ر طرس و بزدھانێ ڤه‌ زێده‌ دكێ،[15] سه‌ر و چاڤان ره‌ش و كرێت و گه‌نی و مه‌عدگرتی نه‌،[16] حه‌تا د روویێ مه‌لائیكه‌تێن جه‌ھنه‌میان دا ژی قه‌ت چ دلووڤانی و مه‌رحه‌مه‌ت و نه‌رمی خویا ناكێ (ته‌حریم / 91).

جه‌ھنه‌می پێ قه‌ید و له‌له‌ و زنجیرێن ھێسنی ھاتنه‌ گرێدان،[17] و ئاگر ھه‌می به‌ده‌نا وان ل به‌ر خوه‌ گرتیه‌ (ئبراھیم / 50، فورقان / 13، ئه‌نبیاء / 98، جن / 15، ته‌حریم / 6) و ئه‌و بخوه‌ شه‌واتا ئاگرن،[18] د جه‌ھنه‌مێ دا خێنجی ئاھ و نالین و قیر و ھه‌وارا جه‌ھنه‌میا و خورین و ده‌نگ و قیرا جه‌ھنه‌مڤانان نایێ بھیستن (فورقان / 13، 14، ئنشقاق / 11). ئاڤا كه‌ل درێژن سه‌ر سه‌ر و روویێ خرابكاران كو ناڤده‌یێ وا ژی دحه‌لێنێ (حه‌ج / 19، 20، د‌وخان / 48) و ده‌ما ژ به‌ر تێھنیشكێ داخازا ئاڤێ دكن ئاڤه‌ك كه‌ل و گه‌رم و گه‌نی و بێھنوو ددن وان كو ھه‌ما له‌ز و به‌ز ڤه‌دخون و سه‌ر خوه‌ دا دكن؛[19] زققوم خارنا وا یه‌ كو د ناڤ ئاگرێ جه‌ھنه‌مێ دا چێدبێ و خارنا وێ ل سه‌ر شه‌واتا وان ڤه‌ زێده‌ دكێ؛[20] جلكێ وان ژ مادده‌یه‌كی ره‌شه‌ كو ب به‌ده‌نێ ڤه‌ دزه‌لقێ و سه‌ر عه‌زابێ وان ڤه‌ زێده‌ دكێ (ئبراھیم / 17، طاھا / 74، فاطر / 36)، ھه‌ڤجڤاتی یێن وان شه‌یطان و جننێن گونه‌ھكارن كو ھه‌ما داخازا وان دووریا ژ وانه‌ (زوخروف / 38، 39، شوعه‌راء / 94، 95، ص / 85) و ھه‌می له‌عنه‌تێ ل ھه‌ڤ دكن (ئه‌عراف / 38، 39، عه‌نكه‌بووت / 25، مورسه‌لات / 35، 36).