حه‌مد‌ێ خود‌ێ ته‌عالا



حه‌مد ژ وی خودايی را کو ده‌رگه‌ھێ نياز و موحتاجيێ ل به‌ر مه‌ گرتن، ئه‌و ژێ ده‌ر، ڤێجا چه‌وا ئه‌مێ بکارن حه‌مدێ وی بدن و سپاسی يا وی بکن؟ که‌نگێ ئه‌م دکارن شوکرێ وی بکن؟

حه‌مد و سپا ژ وی خودايی را کو ڕه‌ھێن خوونگه‌رێن د مه‌دا دانین و چێکرن و روح و جانێ ژینده‌ر و ئه‌ندامێن کارا دان مه‌ و رزق و قووت و خارنا باش و پاقژ دا مه‌ و ب که‌ره‌ما خوه‌ ئه‌م بێ نياز کرین و پێ قه‌نجیيا خوه‌ ئه‌م شاھی کرین. په‌ي را فه‌رمان دا مه‌ و ئه‌مرێ مه‌ کر دا کو گوھداربوونا مه‌ بپیڤێ و نه‌ھيا مه‌ کر دا مه‌ د شوکرداريێ دا بجه‌ربێنێ، ڤێجا مه‌ ژ رێکا فه‌رمانا وی لا دا و نه‌ھيێن وی ژ خوه‌ را کر مه‌رکه‌ب و ئه‌م پێدا چوون، دگه‌ل ڤێ يێکێ ژی ئه‌و ژ جه‌زادانا مه‌ را ب له‌ز نه‌که‌ت و ووکا به‌لا خوه‌ ب سه‌ر مه‌ دا نه‌رژاند، ئه‌وی ب مه‌رحه‌مه‌ت و که‌ره‌ما خوه‌ موھله‌ت دا مه‌ و پێ دلووڤانی و بھنفره‌ھیێ ما ھێڤيێ دا کو ئه‌م ل خوه‌ بزڤرن.

حه‌مد و سپاس ژ وی خودايی را کو ب که‌ره‌ما خوه‌ رێکا ته‌وبێ نیشا مه‌ کر، ئه‌گه‌ر نه‌ ب که‌ره‌ما وی بويا ئه‌ڤاھه‌ ژ مه‌ را نه‌دھات ئێژمارێ، ھه‌ما براستی ئه‌ڤ خوه‌ش قه‌نجیيه‌ دگه‌ل مه‌ کری؛ باشیيه‌ک گرنگه‌ ل سه‌ر مه‌؛ که‌ره‌مه‌ک به‌رکه‌تيه‌ دگه‌ل مه‌ کری، رێچکا وی د ته‌وبێ دا ده‌رحه‌ق وايێن پێشيا مه‌ دا نه‌ ب ڤی ئاوايی بوو، ئه‌وی بارێ وێ يا ژ کارینا مه‌ ده‌ر ژ سه‌ر مه‌ ئاڤێتيه‌،

خێنجی ژ وێ يا ئه‌م دکارین ل مه‌ بار نه‌کريه‌، ژ يا رحه‌ت و ھێسان پێڤه‌ ته‌کلیفا وێ ژ مه‌ را نه‌ھاتيه‌ و که‌س ژ مه‌ بێ ده‌لیل و مه‌عزه‌ره‌ت نه‌ھشتیيه‌، نخوه‌ ژناڤچويی ئه‌وه‌ يێ نه‌حه‌زيا وی بگرێ و به‌خته‌وه‌ر ژی ئه‌وه‌ يێ مه‌يلا وی بکێ و ب ئاليێ وی ڤه‌ بچێ.

 

حه‌مد ژ خودا را، ئه‌و حه‌مدێ کو نێزیکترین مه‌له‌لائیکه‌تێن وی و ب قه‌درترین مه‌خلووقێن وی ژێرا ددن؛ حه‌مدێ وان که‌سان کو ئه‌و پێ رازیيه‌، حه‌مدێ کو سه‌ر ھه‌می حه‌مد و په‌صنا را يه‌ سه‌راتیيه‌ک وه‌ک سه‌راتیيا خودا ل سه‌ر مه‌خلووقان.

 

 

ھه‌ر وھا حه‌مد و په‌صن ژ وی را ژ به‌ر ھه‌می قه‌نجیيێن وی ڤه‌ کو دگه‌ل مه‌ و يێن بووريین و يێن دژین کرنه‌، قاسی ئێژمارا تشتێن د زانینا وی دا ھه‌يین و چه‌ند به‌رابه‌رێ ھه‌ريێکی ژ وان، حه‌مده‌ک دائمی و ئه‌به‌دی حه‌تا رووژا قيامه‌تێ.

وَ لَمْ يُكَلِّفْنا إِلاّ وُسْعاً، وَلَمْ يُجَشِّمْنا إِلاّ يُسْراً، وَلَمْ يَدَعْ لاَِحَد مِنّا حُجَّةً وَلاعُذْراً، فَالْهالِكُ مِنّا مَنْ هَلَكَ عَلَيْهِ، وَالسَّعيدُ مِنّا مَنْ رَغِبَ إِلَيْهِ.

 

وَالْحَمْدُ لِلّهِ بِكُلِّ ما حَمِدَهُ بِهِ أَدْنى مَلائِكَتِهِ إِلَيْهِ، وَأَكْرَمُ خَليقَتِهِ عَلَيْهِ، وَأَرْضى حامِديهِ لَدَيْهِ، حَمْداً يَفْضُلُ سائِرَ الْحَمْدِ، كَفَضْلِ رَبِّنا عَلى جَميعِ خَلْقِهِ.

ثُمَّ لَهُ الْحَمْدُ مَكانَ كُلِّ نِعْمَة لَهُ عَلَيْنا وَ عَلى جَميعِ عِبادِهِ الْماضينَ وَالْباقينَ، عَدَدَ ما أَحاطَ بِهِ عِلْمُهُ مِنْ جَميعِ الاَْشياءِ، وَمَكانَ كُلِّ واحِدَة مِنْها عَدَدُها أَضْعافاً مُضاعَفَةً، أَبَداً سَرْمَداً إِلى يَوْمِ الْقِيامَةِ.

سپاس و حه‌مده‌ک بێ سینوور و بێ ئێژمار کو خلاسه‌ک ژێرا نه‌يی و ده‌مێ وێ بێ دووماھیک، حه‌مد و سپاسه‌ک کو په‌يوه‌ندا گوھدان و عه‌فووکرنێ بێ و ببێ سه‌به‌بێ رازیبوونا وی و وه‌سیلا لێبوورینا وی و رێکا بھشتا وی و پاشڤه‌ده‌رێ جه‌زايێ وی و ئێمناھيا ژ خه‌زه‌با وی و پشتیڤان و ئاریکار ژ تاعه‌ت و گوھداريا وی را و پێشیگر ژ بێئه‌مریيا وی را و ھه‌ر وھا ببێ پشته‌ک ژ وێ يێکێ را کو حه‌ق و به‌رپرسياریيێن ژ ئاليێ وی ڤه‌ ھاتین دانین ب جی بێن.

حه‌مد و په‌صنه‌ک وه‌ره‌نگ کو پێ وێ ئه‌م بکه‌ڤن ناڤ وه‌لیيێن وی يێن به‌خته‌وه‌ر و ئه‌م پێ وێ بکه‌ڤن ناڤ کۆما که‌سێن کو پێ شویرێ دوژمنێن وی شه‌ھید بونه‌، ھه‌ما براستی ئه‌و ئاریکاره‌ک خوه‌ي مه‌دح و په‌صنه‌‌.



back 1 2 3