زه‌مینێن زاهر بوونێ و نیشانێن وێ

ئمام باقر (س) ڤێ ده‌رحه‌قێ دا كه‌ره‌م كریه: خه‌به‌ر دگهێ له‌شكه‌رێ سوفیانی كو مه‌هدی (س) بو ئالیێ مه‌كه‌هێ كه‌تیه ‌رێ, ئه‌و له‌شكه‌ره‌كی په‌ی تێخێ لێبه‌لێ ئه‌وی په‌یدا ناكێ ... ڤێجا ده‌ما له‌شكه‌رێ سوفیانی دگهێ به‌یداء یێ گازیكه‌ره‌ك ژ عه‌سمانا گازی دكێ: ئه‌ی عه‌ردێ به‌یدائێ, ئه‌وا ژ ناڤ ببه, ڤێجا ئه‌و عه‌رد ئه‌وی له‌شكه‌ری د خوه‌دا دبێ خارێ.[xxvi]

ج‌ـ رابونا یه‌‌مانی

رابینا سه‌رداره‌كی ژ عه‌ردێ یه‌مه‌نێ نیشانه‌ك دیتره ‌كو كێمه‌كی پێشیا زوهوورێ دا دقه‌ومێ. ئه‌و كو كه‌سه‌ك صالح و موئمنه ‌ل دژی خرابی و خوه‌هری یا دا رادبێ و ب هه‌می هێز و قووه‌تا خوه ‌ل به‌رابه‌رێ نه‌باشی و خرابی یا دا دكه‌ڤێ شه‌ر. ئه‌لبه‌ت چق و به‌رگ و هویر هویرێ بزاڤا وی ژ مه‌را نه‌كفشه ‌و رووناهی نینه.

ئمام باقر (س) ڤێ ده‌رحه‌قێ دا كه‌ره‌م كریه: ... د ناڤ ئالایا دا كو پێشیا قیاما ئمام مه‌هدی (س) دا بلند دبن ئالایه‌ك رێ راستكه‌ر تر ژ ئالایا یه‌مانی تنه‌هن, ئه‌و ئالا هدایه‌ته ‌چكو ب ئالیێ خوه‌یێ هه‌وه‌ ‌ئمام مه‌هدی ڤه ‌ده‌عوه‌ت دكێ.[xxvii]

دـ ده‌نگێ ئاسمانی

نیشانه‌ك دیتر كو پێشیا زووهوورێ دا دقه‌ومێ ده‌نگێ صه‌یحه‌یا عه‌سمانی یه‌ ئه‌ڤ ده‌نگێ عه‌سمانی كو گوره‌كی گووتنا هنه‌ك روایه‌تا ده‌نگێ جبرائیله (س) د مه‌ها ره‌مه‌زانێ دا تێ سه‌ح كرن[xxviii] و چكو قیاما موصلحێ مه‌زن شوورشه‌ك جهانی یه ‌و هه‌می كه‌س هێڤیا وێ نه, یێك ژ رێكێن ئاگاه ‌كرنا خه‌لكێ جهانی ژڤێ قه‌ومینێ ئه‌ڤ ده‌نگێ ئاسمانی یه.

ئمام باقر (س) كه‌ره‌م كریه: قیاما قائم (س) پێك نایێ نه‌حه‌تا گازیكه‌ره‌ك ژ عه‌سمانا گازی بكێ كو ئه‌هلێ شه‌رق و غه‌ربێ ئه‌وێ گوهلێ ببن.[xxix]

ئه‌ڤ ده‌نگێ هه ‌چه‌وا كو سه‌به‌بێ كه‌یفخوه‌ش كرنا موئمنایه ‌هشیار كرنه‌كه ‌ژ بونا خرابكاران دا كو ژ كریارێن خوه ‌یێن پیس ڤه‌بن و بكه‌ڤن د ناڤ زنجیرا هه‌ڤالێن موصلحێ جهانی د‌ا.

ده‌رحه‌قێ ناڤه‌رووكا ئه‌ڤی ده‌نگێ عه‌سمانی دا گه‌له‌ك روایه‌ت هه‌نه . یێك ژوان ئه‌ڤ روایه‌ته ‌كو ژ ئمام صادق (س) هاتیه ‌نه‌قل كرن: گازیكه‌ره‌ك ژ عه‌سمانا بناڤێ قائم (س) و ب ناڤێ بابێ وی گازی دكێ.[xxx]

هـ ـ كوشتنا نه‌فسا زه‌كییه