زه‌مینێن زاهر بوونێ و نیشانێن وێ

3ـ فداكاری و شه‌هاده‌ت خازی

ئمام صادق كه‌ره‌م كریه‌: (یارانێن مه‌هدی (س)) د مه‌یدانا شه‌ر دا ل دوورا وی دزڤرن و پێ جانێ خوه ‌ئه‌وی دپارێزن.[xiii] و كه‌ره‌م كر‌: خوه‌زكا وان ئه‌وه‌ كو د رێكا خودێدا ‌شه‌ھید ببن.[xiv]

4ـ جه‌ساره‌ت و مێرباشی

هه‌ڤالێن ئمام مه‌هدی (س) وه‌ك مه‌ولایێ خوه ‌مرووڤێن جه‌سوور و زه‌لامێن پوولایی نه, ئمام عه‌لی (س) د وه‌صفێ واندا كه‌ره‌م كریه: هه‌می, ئه‌و شێرن كو ژ بیشی یا هاتین ده‌ر و ئه‌گه‌ر بخازن وێ چیا ژ جهێ وان هلكن.[xv]

5ـ صه‌بر و خوه‌ راگرتن

كفشه ‌كو به‌ربه‌ره‌كانی یا ل دژی زولما جهانی دا و چێكرنا حوكمه‌تا عه‌دلا جهانی هه‌ڤرێ یه ‌د‌ گه‌ل زه‌حمه‌ت و نه‌خوه‌شیێن زه‌حفی و ئاریكارێن ئمام مه‌هدی (س) ژ بونا گه‌هان و پێك ئانینا هه‌ده‌ف و ئارمانجێن جهانی یێن ئمام (س) موشكلات و زه‌حمه‌تییان پێ جانێ خوه‌دكرن, لێبه‌لێ ژ به‌ر ئخلاص و خوه ‌ژكێناندنێ ئه‌ڤی كار و عه‌مه‌لێ خوه ‌كێم حه‌ساب دكن.

ئمام عه‌لی (س) كه‌ره‌م دكێ: ئه‌و كوومه‌كن كو ژ به‌ر صه‌بر و خوه ‌راگری یا د رێكا خودا دا, منه‌تا خوه ‌ناكن و ژ به‌ر ڤێ یێكێ كو جانێ خوه ‌ته‌قدیمێ حه‌زره‌تێ حه‌ق دكن ژخوه ‌رازی نابن و ئه‌وێ مه‌زن حه‌ساب ناكن.[xvi]

6ـ هه‌ڤگرتن و هه‌ڤ دلی

ئمام عه‌لی (س) ده‌رحه‌ق هه‌ڤدلی و ئتتحاد‌ا یارانێن ئمام مه‌هدی (س) دا وها دبێژێ: ئه‌و ییك دلن و د‌ گه‌ل هه‌ڤ رێك كه‌تی ‌نه.[xvii]

ئه‌ڤ یێكدلی یا هه ‌ژ به‌ر وێیه‌ كو خوه ‌خازی و ڤیانێن شه‌خصی د واندا نینه, ئه‌و پێ باوه‌ریه‌ك دورست ل بن یێك ئالایێ دا و ژ بونا یێك هه‌ده‌فێ قیام دكن و ئه‌ڤاهه ‌بخوه ‌یێك ژ سه‌به‌بێن سه‌ركه‌تنا وایه ‌ل سه‌ر به‌ندا موقابلی وان.