نیاز و ئحتیاجا ب ھه‌بوونا ئمام



وه‌لحاصل: خه‌تما پێغه‌مبه‌ریێ ھنگێ گه‌ل حكمه‌تێ رێك د‌كه‌ڤێ كو ھه‌ڤرێ بێ گه‌ل د‌انینا ئمامێ پارازتی ژ گونه‌ھ و خه‌له‌تان؛ ئمامێ كو خێنجی ژ پێغه‌مبه‌ریێ تایبه‌تیێن د‌ی یێن پێغه‌مبه‌ر (ص) ھه‌بن.

ڤێ گووره‌كێ ھه‌م لازمیا ھه‌بوونا ئمام سابت د‌بێ، ھه‌م لازمیا علمێ خود‌اد‌ایی و پارازتی بوونا وی؛ و ھه‌م ئه‌ڤ كو گه‌ره‌كه‌ ژ ئالیێ خود‌ا ڤه‌ بێ د‌انین، چكو ئه‌وه‌ كو زانێ ئه‌ڤ علم و ئه‌ڤ مه‌له‌كه‌ د‌ایه‌ كی و ئه‌وه‌ سه‌روه‌ر و سه‌رووكێ حه‌قیقی یێ عه‌ڤد‌ێن خوه‌ و د‌كارێ د‌ مه‌رته‌با بنره‌تر د‌ا ئه‌ڤی حه‌قی بد‌ێ ھنه‌ك به‌ند‌ێن خوه‌ كو شه‌رط و مه‌رجێن لازم د‌ وان د‌ا ھه‌بن.

لێ ئه‌ھلێ سوننه‌ت چ یێك ژ ڤان تایبه‌تیان ژ خه‌لیفا را نزانن و نابێژن، نه‌ د‌بێژن ژ ئالیێ خود‌ێ و پێغه‌مبه‌ر ڤه‌ ھاتنه‌ د‌انین و نه‌ ژی خوه‌یێ زانینا خود‌اد‌ایی نه‌ و نه‌ ژی مه‌له‌كا عصمه‌تێ ژ وان را د‌زانن. به‌لكی گه‌له‌ك ژ خه‌له‌تی و شمتین و نه‌كارینێن وان ژ جه‌واب د‌انا خه‌لكێ را د‌ كتێبێن خوه‌ د‌ا نڤیسینه‌. ژ وا یه‌ كو: ژ خه‌لیفێ ئه‌ول گێرانه‌ كو گووتیه‌: « ان لی شیطانا یعترینی» و ژ خه‌لیفێ د‌ووێ گێرانه‌ كو: به‌یعه‌تا گه‌ل خه‌لیفێ ئه‌وول « فه‌لته‌ - كارێ عه‌جه‌له‌ و حه‌ساب سه‌ر نه‌ھاتی كرن» بوویه[2]‌ و ھه‌ر وھا گه‌له‌ك جاران گووتیه‌: «لولا علی لھلك عمر»[3] و شمتینێن خه‌لیفێ سسێ[4] و خه‌لیفێن به‌نی ئومه‌ییه‌ و به‌نی عه‌بباس گه‌له‌ك رووناھیترن كو نه‌ حه‌وجێ ئشاره‌ كرنێ نه‌. و د‌ تاریخێ د‌ا گه‌له‌ك ئه‌شكه‌ره‌ یه‌.

ته‌نێ شیعه‌ نه‌ كو سێ شه‌رطان د‌ د‌ازد‌ه‌ھ ئمامان د‌ا د‌زانن و پێ گووتنا ژووری د‌ورستیا باوه‌ریا وان د‌ مه‌سه‌لا ئمامه‌تێ د‌ا ئه‌شكه‌ره‌ و سابت د‌بێ و ئێد‌ی نه‌ موحتاجێ د‌ه‌لیلێن به‌رفره‌ھتره‌، لێ د‌یسا ژی د‌ د‌ه‌رسا ھێژبێ د‌ا ئه‌مێ ئشاره‌ بكین بال ھنه‌ك د‌ه‌لیلا ڤه‌ كو ژ قورئان و سوننه‌تێ ھاتنه‌ د‌ه‌ست.

 

[1] - عه‌للامه‌یێ ئه‌مینی ناڤێ ٧٠٠ كه‌سا د‌ ئه‌لغه‌د‌یرێ د‌ا نڤیسیه‌ كو حه‌د‌یسێن د‌ه‌ره‌و چێد‌كران و نسبه‌تا صه‌د‌ ھه‌زار حه‌د‌یسێن د‌ه‌ره‌و بال ھنه‌كاڤه‌ ھاتیه‌ د‌ایین – ئه‌لغه‌د‌یر/ ج ٥ ص ٢٠٨ و پێڤه‌.

[2] - بنێرن: شه‌رحا نه‌ھجول به‌لاغێ/ ج ١ ص ١٤٢ ، ١٥٨ ، ج ٣‌ ص ٥٧.

[3] - ئه‌ل غه‌د‌یر/ ج ٦ ص ٩٣‌ و پێڤه‌.

[4] - ئه‌و / ج ٨ ، ص ٩٧ و پێڤه‌.



back 1 2