خاته‌مییه‌ت



داگرێ:

پێشه‌كی

ده‌لیلا قورئانێ ل سه‌ر خاته‌میه‌تێ

سررا خه‌تما پێغه‌مبه‌ریێ

جه‌وابا شوبھه‌یه‌كی

پێشه‌كی

پێ ل به‌ر چاڤ گرتنا دائمی بوونا ئسلامێ، ئحتمالا ھاتنا پێغه‌مبه‌ره‌كی كو شه‌ریعه‌تا ئسلامێ نه‌سه‌خ بكێ ژ حالێ رادبێ، لێ جھێ ڤێ گومانێ دمینێ كو پێغه‌مبه‌ره‌ك دی بوو كو راگه‌ھێن و موره‌ووجێ ئسلامێ بێ، چه‌وا كو گه‌له‌ك ژ پێغه‌مبه‌رێن پێشدا ئه‌ڤ مه‌سئوولیه‌ت ھه‌بوونه‌، چ پێغه‌مبه‌رێن كو ھه‌ڤچاخێ پێغه‌مبه‌رێ خوه‌ یێ شه‌ریعه‌تێ، وه‌ك حه‌زره‌تێ لووط (س) كو د زه‌مانێ حه‌زره‌تێ ئبراھیم دا بوویه‌ و ل په‌ی شه‌ریعه‌تا وی چوویه‌. چ ژی پێغه‌مبه‌رێن كو پشتی پێغه‌مبه‌رێن خوه‌یێ شه‌ریعه‌تێ رابوویی و ژ وی په‌یره‌وی كرین، وه‌ك پترێ پێغه‌مبه‌رێن به‌نی ئسرائیل. ژ به‌ر ڤێ یێكێ گه‌ره‌كه‌ به‌حسا خاته‌مییه‌تا پێغه‌مبه‌رێ ئسلامێ سه‌ر بخوه‌ و موسته‌قل ژێ بێ خه‌به‌ر دان، دا كو جیێ ڤێ گومانێ ژی نه‌مینێ.

ده‌لیلا قورئانێ ل سه‌ر خاته‌میه‌تێ

یێك ژ لازمیێن دینێ ئسلامێ ئه‌ڤه‌ كو پێغه‌مبه‌ری پێ پێغه‌مبه‌رێ ئسلامێ (ص) خه‌تم بوویه‌ و گھایه‌ خلاسه‌كێ و پشتی وی حه‌زره‌تی قه‌ چ پێغه‌مبه‌ر نه‌ھاتنه‌ و نایێن. حه‌تا نه‌ موسلمان ژی زانن ئه‌ڤاھه‌ یێك ژ باوه‌ریێن ئسلامی یه‌ كو گه‌ره‌كه‌ ھه‌ر موسلمانه‌ك ئه‌وێ باوه‌ر بكێ و ژ به‌ر ڤێ یه‌ كو وه‌ك لازمیێن دی یێن دینی نه‌ موحتاجێ ده‌لیلێ یه‌، لێ د ھه‌ر حال و كاری دا ئه‌ڤ مه‌سه‌له‌ ژ قورئانێ و روایه‌تێن موته‌واتر ئستفاده‌ دبێ.

ئه‌حزاب 40: « مَّا كَانَ مُحَمَّدٌ أَبَا أَحَدٍ مِّن رِّجَالِكُمْ وَلَكِن رَّسُولَ اللَّهِ وَخَاتَمَ النَّبِيِّينَ وَكَانَ اللَّهُ بِكُلِّ شَيْءٍ عَلِيمًا – كو بێ چه‌پ و چوور ئه‌وی حه‌زره‌تی خلاسه‌كا پێغه‌مبه‌ران ددێ نیشان دان.



1 2 3 next