راكرنا چه‌ند شوبھان



راكرنا چه‌ند شوبھان

 

ده‌رحه‌ق شه‌فاعه‌تێ دا ھنه‌ك ئشكال و شوبھه‌ ھه‌نه‌، د ڤێ ده‌رسێ دا ئه‌مێ موھمترینێ وان بێنین و جه‌واب بدین:

شوبھه‌ 1: شوبھا ئه‌ول ئه‌ڤه‌ كو ھنه‌ك ئایه‌تێن قورئانێ ھه‌نه‌ ب ڤێ مه‌عنێ كو رووژا قیامه‌تێ شه‌فاعه‌ت ده‌رحه‌ق كه‌سی دا نایێ قه‌بوول كرن. یێك ژ وان ئایه‌تا ٤٨ یا سووره‌تێ به‌قه‌ره‌ یه‌، كه‌ره‌م دكێ: « وَ اتَّقُوا يَوْماً لاَّ تَجْزِي نَفْسٌ عَن نَّفْسٍ شَيْئاً وَلاَ يُقْبَلُ مِنْهَا شَفَاعَةٌ وَلاَ يُؤْخَذُ مِنْهَا عَدْلٌ وَلاَ هُمْ يُنصَرُونَ - بطرسن ژ رووژه‌كی كو كه‌س قه‌ت بكێر كه‌سه‌كی نایێ و ژ كه‌سی شه‌فاعه‌ت نایێ قه‌بوول كرن و به‌ده‌ل ژ كه‌سی نایێ گرتن و نه‌ ژی ئاریكاری گه‌ل وان تێ كرن».

جه‌واب: جه‌واب ئه‌ڤه‌ كو ئه‌ڤ ئایه‌تێن ھه‌، به‌حسا نه‌فیا شه‌فاعه‌تا ئستقلالی و سه‌ر بخوه‌ دكن، به‌حسا وێ شه‌فاعه‌تا بێ چارچووڤ و بێ قالب دكن، كو ھنه‌كا باوه‌ری ب وی ئاوایێ شه‌فاعه‌تێ ھه‌بوونه‌، خێنجی ژ ڤێ ژی ئه‌ڤ ئایه‌ت عام و گشتی نه‌ و ئایه‌تێن دی كو به‌حسا شه‌فاعه‌تا ب ئزنا خودێ و مه‌قبوول دكن ته‌خصیصێ ل ڤا ئایه‌تا ددن، وه‌ك چه‌وا د ده‌رسا بووریی ده‌ ئشاره‌ پێ ھات كرن.

شوبھا 2: لازما شه‌فاعه‌تێ ئه‌ڤه‌ كو خودێ بكه‌ڤێ بن ته‌ئسیرا شه‌فاعه‌تكه‌ران دا، یانی شه‌فاعه‌تا وان ببێ سه‌به‌بێ مه‌غفره‌تێ كو فعلا ئلاھی یه‌.

 

جه‌وابا ٢: قه‌بوول بوونا شه‌فاعه‌تێ نه‌ ب مه‌عنا ئه‌سه‌ر لێ بوونێ یه‌، چه‌وا كو قه‌بوول بوونا ته‌وبێ و ئستجابه‌تا دوعا ژی نه‌ ب وی ئاوایی یه‌. چكو د ڤا جھا ھه‌میا ده‌ كارێ عه‌ڤدان حازر دبێ قه‌بوولا ره‌حمه‌تا خودا را. و د ئسطلاحێ دا ژێره‌ تێ گووتن: شه‌رطێ قابلیه‌تێ قابل، نه‌ كو شه‌رطێ فاعلیه‌تێ فاعل».

شوبھا 3: لازما شه‌فاعه‌تێ ئه‌ڤه‌ كو شه‌فاعه‌تكه‌ر ژ خودا دلووڤانتر بن! چكو مه‌عنا وێ ئه‌ڤه‌ كو ئه‌گه‌ر نه‌ شه‌فاعه‌تا شه‌فاعه‌تكه‌ران بوویا وێ ئه‌و كه‌س بھاتا عه‌زاب دان ئان عه‌زابێ وی ده‌وام بكرا.

جه‌وابا ٣: دلپێڤه‌یی و دلووڤانیا شه‌فاعه‌تكه‌ران تیرووژه‌كه‌ ژ ره‌حمه‌تا بێ بنی یا ئلاھی. ب گووتنه‌ك دی: شه‌فاعه‌ت بخوه‌ وه‌سیله‌ و رێكه‌كه‌ كو خودا بخوه‌ ژ به‌خشین و عه‌فوو كرنا عه‌ڤدێن خوه‌ را دانیه‌ و د حه‌قیقه‌ت دا رووناھی كرن و ده‌ركه‌تنا ره‌حمه‌تا وی یا به‌رفره‌ھه‌ كو ب ڤێ رێكێ ڤه‌ درژێنێ سه‌ر عه‌ڤدێن خوه‌، چه‌وا كو ته‌وبه‌ و دوعا ژی دو رێكێ ژ بو پێك ھاتنا ئحتیاجیان و عه‌فوو بوونا گونه‌ھان.



1 2 next