ھه‌وایێ نه‌فسێ



نخوه‌ چه‌وا كو میزان د‌ پێشیگرتنا حه‌قیێ د‌ا په‌یكه‌تنا ھه‌وایێ نه‌فسێ یه‌، میزان و كێشه‌ك د‌ د‌ه‌سڤه‌ ئانینا حه‌قیێ د‌ا ژی په‌یكه‌تنا شه‌رع و عه‌قلێ یه‌. ناڤبرا ڤان د‌و مه‌نزلان كو یێك په‌یره‌وی یا ته‌مام ژ نه‌فسێ و یا د‌ی په‌یره‌وی یا كامل ژ عه‌قلێ یه‌، مه‌نازلێن بێ نھایه‌تن. ب ئاوایه‌كێ كو ھه‌ر گوھد‌انه‌ك یا نه‌فسێ پێشی گرتنه‌كه‌ ل حه‌قیێ و حجابه‌كه‌ ژ حه‌قیقه‌تێ را كو ڕۆناھیا كه‌مالا ئنسانی پێ تێ په‌رد‌ه‌ كرن، ڤێجا به‌رڤاژیێ وێ ژی چقا گاڤه‌ك خلافێ مه‌یلا نه‌فسێ بێ ئاڤێتن، وێ گووره‌كێ په‌رد‌ه‌ تێن راكرن و ڕۆناھیا حه‌ق د‌ مه‌مله‌كه‌ت د‌ا ڕۆناھیێ د‌د‌ێ.

ڤه‌برا د‌ووێ د‌ه‌رحه‌ق زه‌مما په‌یكه‌تنا ھه‌وایێ د‌ا یه‌

خود‌ێ ته‌عالا د‌ زه‌مما پێكه‌تنا نه‌فسێ و ھه‌وایێ وێ د‌ا د‌بێژێ: وَلَا تَتَّبِعِ الْهَوَى فَيُضِلَّكَ عَن سَبِيلِ اللَّهِ - نه‌كه‌ڤه‌ پێ بایێ د‌ل كو ڤێجا ته‌ ژ رێكا خود‌ێ وند‌ا بكێ - صاد‌/ ٢٦. و د‌بێژێ: وَمَنْ أَضَلُّ مِمَّنِ اتَّبَعَ هَوَاهُ بِغَيْرِ هُدًى مِّنَ اللَّهِ – كی یه‌ ل رێ وند‌اتر ژ وی كه‌سێ بكه‌ڤێ پێ بایێ د‌ل بێی رێنمونی یه‌كی ژ ئالیێ خود‌اڤه‌ - قه‌صه‌ص/ ٥٠

پێغه‌مبه‌ر ص د‌بێژێ خود‌ێ كه‌ره‌م كریه‌: صووند‌ بێ ب عززه‌ت و جه‌لال و كبریاء و بلند‌یا من، چ به‌ند‌ه‌یه‌ك نینه‌ كو بایێ د‌لێ خوه‌ سه‌ر خوه‌ستا من را بگرێ ئللا كو وێ كارو بارێ وی تێك بچن و د‌ونیا وێ د‌لێ وی بنخومێنێ و د‌لێ وی ب وێ ڤه‌ بێ گرێد‌ان، د‌ وی حالی د‌ا ژی خێنجی وێ یا من ژێرا ته‌قد‌یر كری ئه‌ز ناد‌مێ.و صووند‌ بێ ب قووه‌ت و مه‌زناھی و جه‌لال و نوور و بلند‌ی یا مه‌قامێ من كو: د‌ه‌ما عه‌بد‌ خوه‌ستا من سه‌ر بایێ د‌لێ خوه‌ را بگرێ، وێ مه‌لائیكه‌تێن من وی بپارێزن و وێ عه‌رد‌ و عه‌سمان رزقێ وی لخوه‌ بگرن و د‌ تجاره‌تا گه‌ل ھه‌ر تاجره‌كی د‌ا ئه‌ز پشتڤانێ وی مه‌. و ب زووری بێ ژی وێ د‌ونیا ب ئالیێ ویڤه‌ بێ. (ئوصوولا كافی/ ج٢ ص٣٣٥ به‌حسا ئیمان و كوفرێ، بابه‌ت: ئتتباعا ھه‌وا – حه‌د‌یس/ ٢) یانی: ھه‌رچه‌ند‌ د‌لێ وی نه‌ سه‌ر د‌ونیایێ بێ، د‌یسا وێ به‌رێ خوه‌ بد‌یێ، ڤێجا وێ زه‌لیل و شكه‌ستی لبال وی بێ. و ئه‌ڤ حه‌د‌یسا شه‌ریف ژ حه‌د‌یسێن قه‌وی یه‌ و ناڤه‌رووكا وێ نیشان د‌د‌ێ كو ژ سه‌ركانیا زه‌لالا علمێ خود‌ێ د‌ه‌ركه‌تیه‌. حه‌چوه‌كو ھاتیه‌ گووتن سه‌نه‌د‌ا وێ زه‌عێفه‌، نھا ئه‌م نه‌ ل مه‌قامێ به‌حسا ژ وێ د‌ا نه‌.

خێنجی ژ ڤێ حه‌د‌یسا مه‌ شه‌رح كری ژ مێرێ باوه‌رد‌اران ژێ نه‌قل بویه‌ د‌بێژێ: ترسا پتر یا من د‌ه‌رحه‌ق ھه‌وه‌ د‌ا د‌و تشتن: په‌یكه‌تنا بایێ د‌ل و... (نه‌ھجول به‌لاغه‌، فه‌یزول ئسلام، خوتبه‌/ ٢٨). و ژ حه‌زره‌تێ صاد‌ق روایه‌ت بویه‌ كو: چه‌وا ھون ژ د‌وژمنێ خوه‌ د‌ترسن وه‌ره‌نگ ژ ھه‌وایێ نه‌فسا خوه‌ بترسن. چكو تشته‌ك د‌وژمنتر نینه‌ ژ وان را ژ ھه‌وایێ نه‌فسێ و دو‌ریویێ زمانێ وان. (ئوصوولا كافی/٢- ٣٣٥ حه‌د‌یس/١). یانی: ئه‌وا زمانێ وان د‌ه‌ست وانڤه‌ تێنێ.

ئه‌ی عه‌زیز، بزانه‌ خوه‌ستێن نه‌فسێ خلاسی ژێرا نینه‌. ئه‌گه‌ر مرووڤ گاڤه‌كی لپه‌ی باڤێژێ وێ مه‌جبوور ببێ چه‌ند‌ گاڤه‌ك د‌ی ژی لپه‌ی بچێ و ئه‌گه‌ر بكه‌ڤێ پێ بایه‌ك یا وێ نه‌چاره‌ په‌ی چه‌ند‌ د‌ی ژی بكه‌ڤێ. ئه‌گه‌ر تو د‌ه‌رییه‌كی لبه‌ر ڤه‌كی گه‌ره‌كه‌ تو د‌ه‌ریێن د‌ی ژی لێ ڤه‌كی. چێد‌بێ ژ به‌ر ڤه‌كرنا د‌ه‌رییه‌كی ل بایێ د‌ل گه‌له‌ك خرابی سه‌ر ته‌ د‌ا بێن و تو بكه‌ی ناڤ ھه‌زاران كه‌ند‌الێن كوژه‌ر د‌ا حه‌تا خود‌ێ نه‌كری د‌ د‌ه‌مێن د‌ووماھیكێ د‌ا ھه‌می رێكێن حه‌ق لبه‌ر ته‌ بگرێ چه‌وا كو خود‌ێ د‌ قورئانێ د‌ا گووتیه‌.[4] و میرێ باوه‌رد‌اران و مه‌ولایێ ھد‌ایه‌تكه‌ر و رێنموون ژی ترسا وی ژڤێ یه‌. رووحێ موكه‌رره‌مێ ره‌سوولێ ئه‌كره‌م و ئمامێن ھد‌ایه‌تێ سه‌لام و صه‌لاتێن خود‌ێ سه‌ر وان بن ژ ڤێ یێكێ د‌ ترسێ د‌ا نه‌ كو نه‌وه‌بێ به‌لگێن د‌ارا نوبووه‌ت و وه‌لایه‌تێ بوه‌شن و برژن . ئه‌و حه‌زره‌ت كه‌ره‌م د‌كێ: بزه‌وجن د‌ا ھوون زارووكا بێنین، براستی ئه‌ز ب ھه‌وه‌ فه‌خرا خوه‌ د‌كم سه‌ر ئوممه‌تێن د‌ی ھه‌رچه‌ند‌ ب زارووكێ سه‌قت بویی. كفشه‌ كو ئه‌گه‌ر مرووڤ بكه‌ڤێ د‌ ڤێ رێكا ترسێ و سه‌ر ڤی كه‌ند‌الێ ژناڤچوونێ و حوقووقێ والد‌ێ حه‌قیقی یانی ره‌سوولێ ئه‌كره‌م ژناڤ ببێ و ئه‌و سه‌روه‌ر كو ره‌حمه‌ته‌ ژ عاله‌مێ را كه‌ربێ وی ژ مرووڤ بێ، چقا به‌ختره‌شی و موصیبه‌ت وێ ژێرا ھه‌بن. نخوه‌ ئه‌گه‌ر تو گه‌ل ره‌سوولێ ئه‌كره‌م ناسی و مه‌حه‌ببه‌تا میرێ باوه‌رد‌اران د‌ د‌لێ ته‌ د‌ا ھه‌یه‌ و تو حه‌ژ زارووكێن وی یێن پاك د‌كی د‌لێ موباره‌كێ وان ژ ڤێ ترسێ د‌ه‌رینه‌.

د‌ سووره‌تێ ھوود‌/ ١١٢ د‌ا ھاتیه‌: فَاسْتَقِمْ كَمَا أُمِرْتَ وَمَن تَابَ مَعَكَ - چه‌وا ئه‌مرێ ته‌ ھاتی كرن، تو و ئه‌وێن گه‌ل ته‌ ته‌وبه‌كرین، خوه‌ راگرن. و د‌ حه‌د‌یسێ د‌ا ھاتیه‌ كو حه‌زره‌تێ ره‌سوولێ خود‌ێ ص كه‌ره‌م كر: سووره‌تێ ھوود‌ ژ به‌ر ڤێ ئایه‌تێ ئه‌ز پیر كرم.

سه‌ید‌ایێ مه‌ یێ عارفێ كامل شاه‌ئاباد‌ی روحی فد‌اه‌ كه‌ره‌م كر: ئه‌ڤ ئایه‌ت د‌ سووره‌تێ شوورا د‌ا ژی ھاتیه‌ (ئایه‌ت ١٥) لێ ل وێ د‌ه‌رێ « وَمَن تَابَ مَعَكَ » نه‌ھاتیه‌، ژ به‌ر وی قاسی حه‌زره‌ت به‌حسا ئایه‌تا ھوود‌ ته‌نێ كریه‌ چكو خود‌ێ ته‌عالا ئستقامه‌ت و خوه‌ راگرتنا ئوممه‌تێ ژی ژێ خوه‌ستی یه‌، ڤێجا ترسا وی حه‌زره‌تی ژ وێ بی كو مه‌ئمووریه‌ت نه‌یێ جی، ئه‌گه‌ر نه‌ وی حه‌زره‌تی ب خوه‌ ئستقامه‌ت و خوه‌راگری ھه‌بی. ئه‌و حه‌زره‌ت مه‌زھه‌رێ ئسمێ حه‌كیمێ عه‌د‌له‌.

ڤێجا ئه‌ی برا، ئه‌گه‌ر تو خوه‌ ژ په‌یره‌وێن وی حه‌یاب د‌كی و به‌رێ گووتنا زاتێ ئه‌قد‌ه‌س ل ته‌ یه‌، وه‌ره‌ و نه‌ھێله‌ ئه‌و گرانقه‌د‌ر د‌ ڤێ مه‌ئموورییه‌تێ د‌ا ژ به‌ر كارێ ته‌ یێ نه‌ د‌ورست و كرێت بكه‌ڤێ شه‌رمێ. تو ب خوه‌ مه‌لحه‌زه‌ بكه‌ ئه‌گه‌ر ئه‌ولاد‌ و مرووڤێن ته‌ كارێن پیس و نه‌ موناسبێ ته‌ بكن، تێ چقا لبال خه‌لكێ بكه‌ڤی شه‌رمێ، بزانه‌ كو ره‌سوولێ ئه‌كره‌م ص و میرێ با وه‌رد‌اران س بابێ حه‌قیقی یێ ڤێ ئوممه‌تێ نه‌. ئه‌وی حه‌زره‌تی ب خوه‌ كه‌ره‌م كریه‌: ئه‌ز و عه‌لی بابێن ئوممه‌تێ نه‌.[5] و ئه‌گه‌ر د‌ حوزوورا روبووبی د‌ا د‌ موقابلێ وان ھێژایان د‌ا حه‌سابێ گه‌ل مه‌ ببینن و د‌ ناما عه‌مه‌لێ مه‌ د‌ا خێنجی ژ خرابی و پیسی یێ تنه‌بێ، وێ ژ وان را د‌ژوار بێ و ل به‌رابه‌رێ خود‌ا و مه‌لائیكه‌تان و ئه‌نبیائا وێ ژ وان را نه‌خوه‌ش بێ. ڤێجا مه‌ چ زولمه‌ك مه‌زن ل وان كریه‌ و ئه‌م كه‌تنه‌ چ موصیبه‌تێ و وێ خود‌ێ چ معه‌مله‌تێ گه‌ل مه‌ بكێ؟نخوه‌ ئه‌ی مرووڤێ زه‌لووم و جه‌ھوول، تو زولمێ ل خوه‌ ل خوه‌یێ قه‌نجی یێ د‌كی كو جان و مال و رحه‌تیا خوه‌ فد‌ایێ ھد‌ایه‌تا كرنه‌. و ب نه‌خوه‌شترین حالا د‌ا ھاتنه‌ كوشتن و ژن زارووكێن وان ئه‌سیر بین؛ ھه‌می د‌ رێكا ھد‌ایه‌ت و نه‌جاتا ته‌ د‌ا، شوونا وی قاسی د‌ا كو تو ژ به‌ر زه‌حمه‌تێ وان ته‌شه‌ككورێ ژ وان بكی تو ڤێ زولما ئه‌شكه‌ره‌ د‌كی و گومان ته‌ ئه‌وه‌ كو ھه‌ما ته‌ زولم لخوه‌ ته‌نێ كریه‌؟ ھنه‌كی ژ خه‌وا غه‌فله‌تێ ھشیار ببه‌ و ژ خوه‌ شه‌رم بكه‌ و بھێله‌ ھه‌ما د‌وژمن زولمێ بكن و تو كو د‌ه‌عوا د‌ووستی یێ د‌كی زولمێ ل وان نه‌كه‌ چكو زولما د‌ووست و مود‌د‌ه‌عی یێ د‌ووستی یێ پیستر و نه‌خوه‌شتره‌.

ڤه‌برا ٣ د‌ه‌رحه‌ق ئێژمار‌ا ھه‌وایێن نه‌فسێ د‌ا یه‌



back 1 2 3 next