ئمامه‌ت



خه‌ملا كه‌مالاتێن ئه‌خلاقی

ئمام كو پێشكێشێ كوومه‌لێ یه ‌گه‌ره‌كه‌ ژ هه‌می خرابی و ره‌زاله‌تێن ئه‌خلاقی دوور بێ و خوه‌یێ هه‌می ئه‌خلاقێن كه‌مالێ بن د بلندترین مه‌رته‌بێن وێ د‌ا، چكو ئه‌و ب ناڤێ ئنسانێ كامل ژ په‌یره‌وێن خوه‌ را باشترین نمونه‌ تێ حه‌سابێ.

ئمام رضا (س) كه‌ره‌م كریه: ئمام هنه‌ك نیشان هه‌نه: ئه‌و زاناترین ... ب ته‌قواترین، حه‌لیمترین، جه‌سوورترین، مه‌رده‌مێرترین و عابدترینێ خه‌لكێ یه.[v]

ھه‌ر وھا ئه‌و د مه‌رته‌با جیگری یا پێغه‌مبه‌ر (ص) دا ل په‌ی هین كرن و ته‌ربیه‌ت كرنا خه‌لكێ یه، نخوه ‌لازمه‌ ئه‌و ژ به‌ری هه‌ركه‌سی و ژ هه‌می كه‌سی پتر خه‌ملاندی بێ ب ئه‌خلاقێن ئلاهی.

ئمام عه‌لی (س) كه‌ره‌م كریه: كه‌سێ كو خوه‌ ژ پێشكێشی یا خه‌لكێ را ڤه‌دا بێ، لازمه ‌پێشیا هین كرنا خه‌لكێ ده‌س باڤێژێ هین كرنا خوه‌ و لازمه‌ پێ مه‌عه‌مله‌تا خوه، یێن دی ته‌ربیه‌ بكێ پێشیا وێ چه‌ند‌ێ كو پێ گووتنا خوه‌ ئه‌وا ته‌ربیه‌ بكێ.[vi]

د‌انینا ئمام ژ ئالیێ خودا ڤه

د نه‌زه‌را شیعان دا ئمام كو جیگرێ پێغه‌مبه‌ره (ص) تنێ ب فه‌رمانا خودا و ب بژارتنا وی تێ دانین و پشتی وێ پێغه‌مبه‌ر (ص) ئمام ددێ ناساندن، ڤێ گووره‌كێ چ ‌كه‌س ئان كوومه‌كی حه‌ق نینن كو خوه‌ تێكه‌ل ڤی كاری بكن.

لازمی یا دانینا ئمام ژ ئالیێ خودێڤه‌ هنه‌ك ‌ده‌لیل هه‌نه، ژ وان ده‌لیلان ئه‌ڤن:

ئه‌لف– سه‌ر گووتنا قورئانا پیرووز، حاكم و مه‌زنێ بێ قه‌ید‌ و شه‌رط ل سه‌ر هه‌ر تشتی خود‌ا یه‌ ‌و هه‌می لازمه‌ ژ وی تنێ ئطاعه‌تێ بكن و گوهدارێ وی بن، مه‌علوومه‌ كو ئه‌ڤ حاكمیه‌ت چێدبێ كو ژ ئالیێ خودێڤه ‌ژ هه‌ر كه‌سی را – گووره‌كی لایقی و مه‌صله‌حه‌تێ - بێ دایین. ڤێ گووره‌كێ وه‌ك چه‌وا پێغه‌مبه‌ر ب رێكا خودێڤه ‌تێ بژارتن، ئمام ژی پێ كفش كرنا ئلاهی مه‌زناهیێ (وه‌لایه‌تێ) ل سه‌ر خه‌لكێ په‌یدا دكێ.

ب – پێشدا مه‌ ژ ئمام را هنه‌ك تایبه‌تی یێن وه‌ك عصمه‌ت و علمێ و ... گووتن. ئه‌شكه‌ره‌ یه‌ كو په‌یدا كرن و ناس كرنا كه‌سه‌كی كو ئه‌ڤ صفه‌ت تێدا هه‌بن – ئه‌و ژی د بلندترین ده‌ره‌جێ دا – تنێ ب رێكا خودێڤه ‌كو خه‌ف و ئه‌شكه‌ره‌یێ مرووڤ زانێ، مومكنه‌ و چێدبێ، چه‌وا كو خودێ ته‌عالا د قورئانا پیرووز دا گووتیه‌ حه‌زره‌تێ ئبراهیم (س): «من تو ژ خه‌لكێ را كری ئمام و پێشكار».[vii]



back 1 2 3 4 5 6 next