ئایه‌تا ته‌طھیرێ و فاتیمه (س)

ئه‌ڤ روایه‌‌ت روناھى دكت كو ئه‌‌ڤ مال ژ پێغه‌‌مبه‌ر را صلى الله عليه وآله چقاس موھم بویه‌‌ و ل سه‌‌ر ڤێ يێكى شدانديه‌ كو ھه‌‌ر ئه‌‌ون ئه‌‌ھلێ به‌يتا وى يا كو خودێ پيساتى ژ وان برى و ئه‌‌و پاكێ پاك كرين.. پشتى كو خودێ به‌رێ خه‌به‌ردانێ دايى وى و گوتى: وَأمُرْ أھلكَ بِالصَّلاةِ وَاصْطَبِرْ عَلَيھا.

ل ئایه‌‌تا ته‌طه‌يرێ دا ـ انما يريدالله ليذھب عنكم الرجس اھل البيت و يطھركم تطھيراً - كه‌‌ليما ـ موزه‌‌ككه‌‌ر ھاتيه نه ـ موئه‌‌ننه‌‌س ـ يانى: ـ عنكم و يطھركم - و ئه‌ڤ ده‌ليله‌ لسه‌‌ر ڤێ چه‌ندێ كو مه‌خسه‌د ئه‌‌و پێنج كه‌سن كو ناڤێ وان ده‌رباز بى ـ نه‌ ژنێن پێغه‌‌مبه‌‌ر صلى الله عليه وآله. د‌ كتێبێن ته‌‌فسیرا قورئانێ دا ھاتیه‌ نڤيسين كو ئه‌گه‌ر مه‌خسه‌دا ئایه‌‌تێ ژنێن پێغه‌‌مبه‌‌ر بونا گه‌ره‌كه‌ شونا ـ عنكم - يطھركم - ێ دا كو ـ موزه‌ككه‌ره‌، كه‌ليما موئه‌ننه‌س يانى: عنكن و يطھركن- بھاتا كو به‌رێ خه‌به‌ردانێ بكه‌تا ژنان.

ئه‌ڤ ئایه‌‌ت رێكه‌كى فره‌‌ھ ددت به‌ر مه‌ و فكرا مه‌ دكێشت بال حه‌قيقه‌تێن بنياتى ل ژيانا ئسلامى دا، دا كو فكر و ھزرێن مه‌ شێلوو و موشه‌ووه‌ش نه‌بن و مه‌خسه‌دێن حه‌ق يێن كتێبا خودێ ل به‌ر مه‌ وندا نه‌بن، ئه‌‌و كتێبا كو ڤيايى ئوممه‌‌ت لسه‌‌ر ئه‌ساسێ پاكى و دووريا ژ پيساتى و رزيليان بێت ئاڤاكرن، و ئه‌‌ھلێ به‌يت كریه‌‌ بنیات و ئه‌ساس و روناھیكه‌ر بو وى ئاڤاھيى، و ل ناڤ موسلمانا دا ژ غه‌يرى ئه‌‌ھلێ به‌يتێ نايێن ديتن كو قورئانێ ئه‌ڤ صفه‌ت بو وان قرار دابت، و ل ناڤ وان دا نينن كه‌سێن كو پێغه‌‌مبه‌‌ر صلى الله عليه وآله ئه‌ڤ صفه‌ت دابت وان و پێ ڤى صفه‌تى دگه‌ل وا خه‌به‌ر دابت - يانى: صفه‌تێ پاكيا ته‌مام و دويراتيا ژ گونه‌‌ھ و بێ ئه‌مرییا خودێ.