ئایه‌تا ته‌طھیرێ و فاتیمه (س)

ئایه‌تا ته‌طھیرێ و فاتیمه ^(س)[1]

انما یرید‌ الله‌ لیذھب عنكم الرجس اھل البیت و یطھركم تطھیرا ـ ئه‌حزاب/ 33.

برٍاستى خودێ ئراده‌ دكت كو پيساتيیێ ژ هه‌وه‌ ئه‌ھلێ به‌يتێ ته‌نێ ببت و هه‌وه‌ پاكێ پاك بكت.

موسلم د‌ صه‌حیحا خوه‌ د‌ا ژ عائشێ نه‌قل كریه‌: پێغه‌مبه‌ر (ص) د‌ه‌ركه‌ت و جلكه‌ك ڤه‌ھوونایی ژ مویێ ره‌ش سه‌ر ملێ وی بی، ڤێجا حه‌سه‌ن ھات ئه‌وی ئه‌و كر د‌ بن د‌ا، پاشێ حوسه‌ین ھات ئه‌و ژی كر د‌ بن د‌ا د‌ په‌ی را فاتیما ھات ئه‌و ژی كر د‌ بن د‌ا پاشێ عه‌لی ھات و ئه‌و ژی كر بن د‌ا ڤێجا ئه‌ڤ ئایه‌ت خوه‌ند‌: انما یرید‌ الله‌ لیذهب عنکم الرجس اهل البیت...^[2]

ترمزی ب رێكا عه‌مرێ كورێ ئه‌بی سه‌له‌مه‌ ڤه‌ -ئه‌وێ پێغه‌مبه‌ر (ص) ئه‌و مه‌زن كری- گێرایه‌ كو گووت: ئه‌ڤ ئایه‌ت د‌ مالا ئوممو سه‌له‌مێ د‌ا ژ پێغه‌مبه‌ر (ص) را ھات ڤێجا ئه‌وی فاتیمه‌ و عه‌لی و حه‌سه‌ن و حوسه‌ین ئانین و كرن بن عه‌بایه‌كی د‌ا و كه‌ره‌م كر: یا خود‌ا! ئه‌ڤێنھه‌ ئه‌ھلێ مالا منن ڤێجا تو پیساتیێ ژ وان ببه‌ و پێ پاقژییه‌ك تایبه‌ت ژ ئالیێ خوه‌ ڤه‌ ئه‌وا پاقژ بكه‌. ئوممو سه‌له‌مه‌ د‌بێژێ: ئه‌ی ره‌سوولێ خود‌ێ ئه‌ز ژی د‌گه‌ل وا مه‌؟ كه‌ره‌م كر: جیێ ته‌ پارازتی یه‌، تو باشی.^[3]

نه‌سائی؛ حافز ئه‌بوو عه‌بد‌وره‌حمان ئه‌حمه‌د‌‌ێ كورێ شوعه‌یب وه‌فاتكریێ سالا ٣٠٣ ێ ھ ب رێكا سه‌عد‌ێ كورێ ئه‌بی وه‌قاص ڤه‌ نه‌قل كریه‌ كو: د‌ه‌ما ئایه‌تا انما یرید‌ الله‌... ھاتی، پێغه‌مبه‌ر (ص) فاتیمه‌ و عه‌لی و حه‌سه‌ن و حوسه‌ین ئانین و كه‌ره‌م كر: یا خود‌ا! ئه‌ڤێنھه‌ ئه‌ھلێ مالا منن.^[4]

خه‌تیب ب رێكا ئه‌بوو سه‌عید‌ ڤه‌ ژ ئوممو سه‌له‌مێ د‌گێرێ: د‌ه‌ما ئه‌ڤ ئایه‌ت ھاتی عه‌لی و فاتیمه‌ و حه‌سه‌ن و حوسه‌ین د‌ مال د‌ا بین، ئه‌ز ژی ل به‌ر د‌ه‌رگه‌ھی بیم ڤێجا من گووت: جییێ من ل كید‌ه‌رێ یه‌ ئه‌ی ره‌سوولێ خود‌ا؟ كه‌ره‌م كر: تو قه‌نجی و به‌رێ ته‌ ل قه‌نجییێ یه‌.^[5]

واسله‌یێ كورێ ئه‌سقه‌ع^[6] ژ حه‌زره‌تێ عه‌لی نه‌قل كریه‌ كو ئه‌ڤ ئایه‌ت د‌ه‌رحه‌ق ره‌سوولێ خود‌ا و عه‌لی و فاتیما و حه‌سه‌ن و حوسه‌ین د‌ا ھاتیه‌ خارێ.

ته‌فسیرا درالمنثور يا سيوطى بو رۆناهى كرنا مه‌عنا ڤێ ئایه‌تێ روایه‌تا ژێرى نڤیسییه‌: ته‌به‌رانى ژ ئومم سه‌له‌مێ حه‌ره‌ما پێغه‌مبه‌ر صلى الله عليه وآله نه‌قل دكت كو پێغه‌مبه‌ر گوته فاطیمايێ ھه‌ره‌ مالخوێ خوه وكورێن وى بينه بال من ئه‌وێ ژى د‌ه‌ستورا وى پێك ئانى و چو ئه‌و ئانين، ڤێجا پێغه‌مبه‌ر صلى الله عليه وآله عه‌بايێ خوه يێ فه‌د‌ه‌كى ئاڤێت سه‌ر وان وپێره د‌ه‌ستێ خوه دانى سه‌ر ملێ وان و گوت: اَللَّهُمَّ إِنَّ هؤُلاءِ أھل محمد - و فى لفظ آل محمد - فَاجْعَلْ صَلَواتِكَ و بَرَكاتِكَ عَلى آل محمد كَما جَعَلْتَها عَلى آل إِبْراهيم إِنَّكَ حميدٌ مجيد ـ ئه‌ى خودا براستى ئه‌ڤن ئه‌ھلێ موحه‌ممه‌د - ل روایه‌ته‌كى دا شونا ـ ئه‌ھلێ موحه‌ممه‌د ـ ئالێ موحه‌ممه‌د هاتيه - ڤێجا تو صه‌له‌وات و به‌ره‌كه‌‌‌تێن خوه سه‌ر ئالێ موحه‌ممه‌د‌ دا برێژه‌ چه‌وا كو ته‌سه‌ر ئالێ ئبراهيم دا رژاندى، ھه‌ر تويى خوه‌يێ مه‌دح و مه‌زناهيیان.

ل ده‌واما روایه‌‌تێ دا ئومم سه‌‌له‌‌مه‌ دبێژت من عه‌‌با بلند كر دا ئه‌ز ژى گه‌ل وان بچم بن عه‌‌با دا، ڤێجا پێغه‌‌مبه‌‌ر صلى الله عليه وآله نه‌‌ھێلا ئه‌ز بچم بن عه‌‌با دا و گووت: تو قه‌نجی و ل سه‌‌ر خێرێ يى^[7].