زوهوور



هه‌ر كه‌س دخازێ بزانێ كو د جه‌ره‌یانا قیاما جهانی یا ئمام مه‌هدی (س) چ قه‌ومین دقه‌ومن . بزاڤ و حه‌ره‌كه‌تا ئمام ژكیده‌رێ و چه‌وا چێدبێ. ئاوایێ رووبرو بوونا ئمام د‌ گه‌ل موخالفان چه‌وانه ‌و وه‌لحاصل ئه‌و حه‌زره‌ت وێ چه‌وا سه‌ر هه‌می جهانێ بكه‌ڤێ و كاروبارێ عاله‌مێ بده‌ستخوه ‌بگرێ؟ ئه‌ڤ پرسیار و پرسیارێن وه‌ك ڤا ئله‌هـ هزرا مرووڤێ موشتاقێ زوهوورێ بخوه‌ڤه ‌مژوول دكن. لێبه‌لێ حه‌قیقه‌ت ئه‌ڤه‌ كو خه‌به‌ردان ده‌رحه‌قێ قیاما ئاخرین هێڤیداری یا به‌شه‌ر, كاره‌ك پر بزه‌حمه‌ته, چكو ئاخفتن ده‌رحه‌ق وا قه‌ومینا دا یه ‌كو هێجا نه‌قه‌ومی نه‌ و نوورماله ‌كو مرووڤ نه‌كار بێ ژوا تشتێن هێژ نه ‌قه‌ومیین هویر هویر بئاخڤێ.

ڤێ گووره‌كێ ئه‌وا ئه‌م د ڤێ پشكێ دا ژێ دئاخڤین , قه‌ومینێن زه‌مانێ ئمام مه‌هدی نه (س) كو گووره‌كی روایه‌تانه, ئه‌و روایه‌تێن د كتێبێن زه‌حفی دا هاتین نه‌قل كرن, ئه‌ڤ ژی تنێ كوللیه‌ته‌كه ‌ژ قه‌ومینێن زه‌مانێ زوهوورێ.

 

چه‌وانی یا قیامێ

ده‌ما زولم و خرابی یێ رویێ عاله‌مێ ره‌ش و طاری كر و هنگێ كو زالمان رویێ عه‌ردێ كرن جه‌وه‌لانگه‌ها خوه ‌ژ بونا خرابكرنێ و مه‌زلوومێن جهانێ ژی ده‌ستێ ئاریكاریێ ژ عه‌سمانا را بلند كرن, ژ نشكێڤه ‌وێ گازیه‌ك ئاسمانی طاریتی یا شه‌ڤێ بكه‌لێشێ و د مه‌ها خودێ؛ ره‌مه‌زانێ دا وێ مزگینی یا زوهوورا مه‌وعوودێ مه‌زن بدێ.[v] وێ دل بكه‌ڤن قه‌لقێ و چاڤ شاقز ببن! وێ شه‌ڤ په‌رێس بكه‌ڤن له‌رزینێ و مونته‌زرێن مه‌هدی (س) وێ ژ هه‌ر كه‌سی بپرسن كو خوه ‌بگهینن حزویرا وی و ل دوورا وی به‌رهه‌ڤ ببن.

د وی وه‌ختی دا كو سوفیانی ل سه‌ر عه‌رده‌ك به‌رفره‌هـ وه‌ك سوریێ و ئوردون و فلسطینێ زال بیه ‌وێ ژ به‌ربه‌ره‌كانی یا وی را له‌شكه‌ره‌كی حازر بكێ و د رێكا مه‌كه‌هێ دا وێ بكه‌ڤێ په‌ی په‌یدا كرنا ئمام و د جیه‌كی دا بناڤێ به‌یدا’ وێ د عه‌ردێ دا بچێ خارێ و ژ ناڤ بچێ.[vi]

د زه‌مانه‌ك كورت دا پشتی شه‌هاده‌تا نه‌فسا زه‌كییه, وێ ئمام مه‌هدی (س) ل سه‌ر شكلێ زه‌لامه‌ك جه‌وان ژ “مسجد الحرام” یێ ده‌ركه‌ڤێ, ئه‌و ژی دحاله‌كی دا كو كراسێ پیرووزێ پێغه‌مبه‌ررێ خودێ (ص) ل به‌ردایه‌ و ئالا یا پێغه‌مبه‌ر و ئالێ پێغه‌مبه‌ر د ده‌ستێ وی دا یه, وێ ئه‌و پالا خوه ‌بدێ دیوارێ كه‌عبێ و د ناڤبه‌ینا روكن و مه‌قام دا پشتی حه‌مد و سه‌نا یێن خودا و صه‌له‌واتا ل سه‌ر پێغه‌مبه‌ر و ئالێ پێغه‌مبه‌ر وێ بێژێ:

مرووڤنو! ئه‌م ژ خودایێ قادر و كارا ئاریكاریێ دخازین و حه‌چی كه‌سێ ژ جهانی یان كو جه‌وابا گازیا مه ‌بدێ ئه‌م ژ ئاریكاریێرا دخازین. ڤێجا هه‌ما هنگێ خوه ‌و بنه‌مالا خوه ‌ددێ ناساندن و گازی دكێ و دبێژێ: فالله‌الله‌فینا, لا تخذلونا و انصرونا ینصركم الله‌تعالی ـ یانی: ده‌رحه‌ق مه‌دا خودی, بینن بیرا خوه, مه ‌تنێ نه‌هێلن و ئاریكاریا مه ‌بكن كو خودێ ئاری هه‌وه‌بكێ.

پشتی خلاس بوونا خه‌به‌ردانا ئمام, ئاسمانی پێشی یێ ژ عه‌ردییان د سطینن و كووم كووم تێن عه‌ردێ و د‌ گه‌ل ئمام به‌یعه‌ت دكن د حاله‌كی دا كو ل پێشیا وان دا مه‌له‌كێ وه‌حیێ جبرائیل (س) ده‌ستێ هه‌ڤرێ یی یێ ددێ ئمام. ڤێجا هنگێ 313 ستێرێن عه‌ردی كو ژ جهێن موخته‌لفێن عاله‌می هاتنه ‌عه‌ردێ وه‌حیێ دوورا رووژا رووناهی یا ئمامه‌تێ دگرن و سووزا وه‌فاداری یێ گرێ ددن و ئه‌ڤ جه‌ره‌یان ده‌وام دكێ حه‌تا 10 هه‌زار عه‌سكه‌رێ جان فدا ل له‌شكه‌رگه‌ها ئمام د‌ا حازر دبن و د‌ گه‌ل وێ كووما یاران ئالایا قیامێ بلند كریه ‌و بله‌ز ده‌ستهه‌لاتێ ل سه‌ر مه‌كه‌هێ و دوور و به‌رێ وێ پدیدا دكن و عه‌ردێ پێغه‌مبه‌ر ژ وجوودا نه‌ئه‌هلان ته‌میز دكن. پشتی هنگێ به‌ره‌و مه‌دینێ دكه‌ڤێ رێ, حه‌تا كو سیبه‌را عه‌داله‌ت و دلووڤانی یێ ل وێ د‌ه‌رێ به‌رفره‌هـ بكێ و رایێخێ و سه‌ركێشێن باژارا د جیێ وان دا بدێ روونشتن. پێره ‌به‌رێ خوه ‌ددێ عراقێ و باژارێ كووفایێ دكێ مه‌ركه‌زا حوكمه‌تا خوه ‌یا جهانی و ژ وێ د‌ه‌رێ قیاما خوه ‌رێڤه ‌دبێ و ژ بونا ده‌عوه‌تا جهانی یان ژ ئسلامێ را و ژیانا ل به‌ر رووناهی یا قانونێن قورئانی و ژ هه‌ڤ بلاڤ كرنا ده‌زگاهێ زولم و سته‌مێ را ئاریكار و له‌شكه‌رێ خوه‌یێ نورێ رێدكێ جهێن موخته‌لفێن عاله‌مێ.

ئمام (س) یێك و یێك چه‌په‌رێن كلیدی و موهمێن جهانێ ڤه‌دگرێ چكو خێنجی ئاریكاریا یارێن وه‌فا د‌ار و موئمنا ئاریكاریا مه‌لائیكه‌تێن ئلاهی ژی ژێ را هه‌یه ‌و وه‌ك پێغه‌مبه‌ررێ ئسلامێ (ص) ژ له‌شكه‌رێ طرسێ ژی ئستفادێ دكێ و ئاریكاریێ دگرێ و خودایێ موته‌عال طرسه‌ك وه‌ره‌نگ ژ وی و هه‌ڤال و هووگرێن وی تێخێ دلێ دوژمنان كو چ قودره‌ت ئێدی نكارن د‌ گه‌ل وی حه‌زره‌تی به‌ربه‌ره‌كانی یێ بكن.



back 1 2 3 4 5 next