ده‌ما شه‌يتان دھاتا بیرێ



ئلاھی تو رێکا وی ل دلێ مه‌ دا ڤه‌نه‌که‌ و ل بال مه‌ جھ و واره‌کی ژێرا چێنه‌که‌.

يا خودا، پووچه‌ک و باتلا ئه‌و ژ مه‌ را دخه‌ملێنێ ب مه‌ بده‌ ناسین ڤێجا ده‌ما مه‌ ناس کر تو مه‌ ژێ بپارێزه‌ و، مه‌ بینا بکه‌ ب وێ يا کو پێ وێ ئه‌م ئه‌وی بخاپێنین و، وێ يا ئه‌م د به‌رابه‌رێ وی دا بکار بێنین بێخه‌ دلێ مه‌ و، ده‌رحه‌ق پوونژینێن بێخه‌به‌ريێ دا کو پالا خوه‌ ددن وی ھشياریيێ ژ مه‌ را چێکه‌ و د دژێ وی دا ژ مه‌ را باش ئاریکار به‌.

ئلاھی ده‌رحه‌ق کار و عه‌مه‌لێ وی دا دلێ مه‌ ته‌ژی ئنکار بکه‌ و پێ پووچ کرنا حیلێن وی مه‌ دلخوه‌ش بکه‌.

يا خودا، صه‌له‌واتێ ل موحه‌ممه‌د و ئالێ وی ببارینه‌ و خۆڕتیيا وی ژ مه‌ بگوھێزه‌ و ھێڤیيا وی ژ مه‌ ببره‌ و مه‌يل و حرصا وی ژ مه‌ پاشدا بده‌.

ئلاھی صه‌له‌واتێ ل موحه‌ممه‌د و ئالێ وی ببارینه‌ و ژن و مێرێن باوه‌ردار ژ باب و دايکێن مه‌ و زارووک و مالیيێن مه‌ و مرووڤ و نێزیکێن مه‌ و جیرانێن مه‌ باش باش ژ شه‌يتان بپارێزه‌ و ئه‌وا بێخه‌ د بن موحافه‌زه‌تا خوه‌ دا و وه‌ره‌نگ بپارێزه‌ کو پێشیگر بێ ژ گھانا شه‌يتان؛ زرھێن پارێزه‌ر بکه‌ به‌ر وان دا و چه‌ک و سلا‌حێن بڕا بده‌ وان.

 

يا خودا، ئه‌ڤێ پارازتن و ئاریکاريێ به‌رفره‌ھ بکه‌ و ھه‌میيێ وان که‌سان به‌ر بێخه‌ کو: شه‌ھده‌يیيێ ددن تو ره‌بب و خوه‌يکه‌رێ وايی و د يێکانی و وه‌حدانیييه‌تا ته‌ دا موخلصن و پێ دورستیيا گوھدان و عباده‌ت ژ ته‌را دوژمنيا شه‌يتان دکن و دخازن پێ ده‌ستڤه‌ ئانینا زانینێن خودايی د دژێ وی دا تو ژ وان را پشته‌ڤان بی.

يا خودا، گرێدانێن وی ڤه‌که‌ و ب ھه‌ڤه‌دانینێن وی بکه‌لێشه‌ و ته‌يبیرێن وی پووچ بکه‌ و بڕيارا وی بێ ده‌ستھات بھێله‌ و شداندن و قاھیمکرنێن وی سست بکه‌‌.

يا خودا، له‌شکه‌رێ وی بشکینه‌ و حیله‌ پیلانێن وی پووچ بکه‌ و شکه‌فتا وی کاڤل بکه‌ و بھه‌رفینه‌ و پووزێ وی بھه‌رشینه‌.

 

ئلاھی، مه‌ ده‌ينه‌ ناڤ کۆم وبڕا دوژمنێن وی، مه‌ نه‌ئێخه‌ ناڤ ئێژمارا ھه‌ڤالێن وی، دا ده‌ما بخازێ مه‌ بێخێ په‌ي بايێ دل ئه‌م ژێرا گوھدار نه‌بین و ده‌ما گازی مه‌ کر ئه‌م جه‌وابا وی نه‌دین و ئه‌م ده‌ستوورێ بدین فه‌رمانبه‌رێن خوه‌ کو دوژمنیيا وی بکن و ئه‌م بێژین گوھدارێن خوه‌ کو نه‌که‌ڤن په‌ي وی.

 

ئلاھی، صه‌له‌واتێ ببارینه‌ سه‌ر خاته‌مێ پێغه‌مبه‌ران ومه‌زنێ وان موحه‌ممه‌د و سه‌ر بنه‌مالا وی يا پاک و پاقژ، ئه‌م د به‌رابه‌رێ شه‌يتان دا حه‌واندنێ ژ ته‌ دخازین ڤێجا مه‌ و مالی و برايێن مه‌ و ھه‌می ژن و مێرێن باوه‌ردار بحه‌وێنه‌؛ ئه‌م ئێمناھیيا ژ ترسا وی دخازین، ئێمناھیيێ بده‌ مه و، گازی و دوعا مه‌ قه‌بوول بکه‌ و وێ يا ئه‌م ژێ غافل بويین بده‌ مه‌ و يا مه‌ ژبیر کری ژ مه‌را بپارێزه‌ و پێ وێ مه‌ بێخه‌ د ده‌ره‌جه‌ و مه‌رته‌با قه‌نج و باوه‌رداران دا، ئه‌ي خوه‌يکه‌رێ عاله‌مان ئه‌ڤێ داخازا مه‌ ژ مه‌ را ب جی بینه‌.‌



back 1 2