ده‌ما شه‌يتان دھاتا بیرێ

ده‌ما شه‌يتان دھاتا بیرێ

وَكانَ مِنْ دُعائِهِ عَلَيْهِ السَّلامُ إِذْا ذُكِرَ الشَّيْطانُ فَاسْتَعاذَ مِنْهُ وَمِنْ عَداوَتِهِ وَكَيْدِهِ

ژ دوعايێن ویيه‌ سه‌لام لێ بن. ده‌ما به‌حسا شه‌يتان دھاتا، ژ به‌ر وی و دوژمنی و حیلێن وی ھانا خوه‌ ژ خودێ را دبرا

يا خودێ! ئه‌م ژ به‌ر پیژک و خرابيێن شه‌تانێ له‌عنه‌تی و حیله‌ پیلانێن وی و پێباوه‌ريا ب ھێڤیدان و سووز و خاپاندن و ته‌لک و داڤێن وی ھان و ھاوارا خوه‌ ژ ته‌ را تێنین. دا به‌رھێڤی نه‌بێ کو مه‌ ژ رێ ده‌رینێ و نه‌گوھدارێ ته‌ بکێ و پێ بێ ئه‌مرییا ته‌ مه‌ زه‌لیل و بێ قیمه‌ت بکێ؛ دا نه‌کو تشتا ئه‌و ژ مه‌ را بخه‌ملێنێ ئه‌م سپه‌حی ببینن و نه‌ وه‌ بێ کو يا ئه‌و ژ مه‌ را کرێت و نه‌باش نیشان بدێ ل مه‌ گران بێ.

يا خودا، ئه‌وی پێ عباده‌تێ خوه‌ ژ مه‌ دوور بکه‌ و پێ ده‌واما حه‌زکرنا ژ خوه‌ ئه‌وی ل عه‌ردێ بده‌ و ڕزیل بکه‌ و د ناڤبه‌ينا مه‌ و وی دا په‌رده‌يه‌کی ده‌ينه‌ کو نه‌کارێ بدرێنێ و دژ و سه‌دده‌ک مسمد و ھه‌ڤگرتی ده‌ينه‌ کو نه‌کارێ بکه‌لێشێ.

يا خودا، صه‌له‌واتێ ل موحه‌ممه‌د و ئالێ وی ببارینه‌ و شه‌يتان ب دوژمنێن خوه‌ ڤه‌ مژوول بکه‌ و ژ مه‌ ڤه‌که‌، پێ ھايژێمانه‌ک باش ژ ئاليێ خوه‌ ڤه‌ مه‌ ژێ بپارێزه‌، حیلێن وی ژ مه‌ دور بکه‌، پشتا وی بده‌ مه‌ و ده‌وسا وی ژ مه‌ را بێ شوون بکه‌.

يا خودا، صه‌له‌واتێ ل موحه‌ممه‌د و ئالێ وی ببارینه‌ و قاسی شه‌يتان ل رێ وندا ئه‌وقاس ھدايه‌تێ بکه‌ به‌ھرا مه‌ و ڤاژيێ پووچه‌ رێکا وی تو سه‌ر ته‌قواتیيا مه‌ ڤه‌ زێده‌ بکه‌ و ڤاژيێ پیسه‌رێکا وی تو مه‌ ل سه‌ر رێکا خوه‌پارێزیيێ بمه‌شینه‌.