عه‌مر و ته‌مه‌نێ درێژ

ئه‌وا ئه‌ڤ ئایه‌تا پیرووز دبێژێ مودده‌تێ پێغه‌مبه‌ری یا وی حه‌زره‌تی یه، گووره‌كی گووتنا هنه‌ك روایه‌تا ته‌مه‌نێ ئه‌وی گرانقه‌دری 2450 سال بوویه.[viii]

یا خوه‌ش ئه‌وه‌ كو ژ ئمام سه‌ججاد (س) روایه‌ت بیه‌ كو كه‌ره‌م كر: د ئمام مه‌هدی دا (س) سوننه‌ت و ئاوایه‌ك ژ ژیانا حه‌زره‌تێ نووح (س) ھه‌یه ‌‌و ئه‌و ته‌مه‌ن درێژی یا وی یه.[ix]

3ـ قورئانا كه‌ریم ده‌رحه‌ه‌ق حه‌زره‌تێ عیسا دا (س) دبێژێ: قه‌ت ئه‌و نه‌كوشتن و لدارێ نه‌دانه ‌به‌لكێ كار ل به‌ر وان موشته‌به‌ھ ‌بی ... موحه‌قه‌ق ئه‌و نه‌كوشتنه‌ به‌لكی خودێ ئه‌و ب ئالیێ خوه‌ڤه ‌بلند كر، براستی خودا كارا و خودان حكمه‌ته.[x]

موسلمان هه‌می ب به‌لگا قورئانی و حه‌دیسێن زه‌حفی ل سه‌ر وێ باوه‌ریێ نه‌ كو حه‌زره‌تێ عیسا ساخه‌ و ل ئاسمانا یه ‌و د وه‌ختێ ئه‌شكه‌ره‌ بوونا حه‌زره‌تێ مه‌هدی دا (س) وێ بێ خارێ و ئاریكاریا وی بكێ.

ئمام باقر (س) كه‌ره‌م كریه: د خوه‌یێ ڤی كاری دا (ئمام مه‌هدی (س) چار سوننه‌ت ژ چار پێغه‌مبه‌را هه‌نه‌... و ژ عیسا (س) سوننه‌ته‌ك هه‌یه‌ و ئه‌و ئه‌ڤه ‌كو دبێژن: ژ دنیایێ چوویه‌ حالاله‌ ئه‌و ساخه.[xi]

خێنجی قورئانێ د ته‌ورات و ئنجیلێ دا ژی ژ عه‌مر و ته‌مه‌نێ درێژ هاتیه‌ ئاخفتن.

د ته‌وراتێ دا وها هاتیه: ... هه‌می ئه‌و زه‌مانێ ئاده‌م ژیایی 930 سال بی، كو ڤێجا مر... زه‌مانێ ژیانا ئه‌نووس 905 سال بی كو مر ... و ته‌مامی یێ وه‌ختێ ڤینا، 910 سال بی كو مر... ڤێجا جومله‌یێ ته‌مامێ موتو شالح 969 سال بی كو مر...[xii]

ڤێ گووره‌كێ ته‌ورات بێ چه‌پ و چویر به‌حسا هنه‌ك كه‌سا دكێ كو ته‌مه‌نێ درێژ (زێده‌ترێ ژ نه‌هصه‌د سالا) كریه.

د ئنجیلێ دا ژی هنه‌ك گووتن هه‌نه‌ كو نیشان ددن حه‌زره‌تێ عیسا (س) پشتی كو ل دارێ دایین ساخ بیه‌ و چوویه‌ ئاسمانا.[xiii] و رووژه‌كی وێ بێ خارێ، نخوه‌ بێ شك ته‌مه‌نێ وی گرانقه‌دری زێده‌ترێ ژ دو هه‌زار سالایه.

پێ ڤێ به‌یانێ كفشه‌ كو گه‌ره‌كه‌ په‌یره‌وێن دینێ یه‌هوود و مه‌سیح ژی كو باوه‌ری ب كتێبێن موقه‌دده‌س هه‌نه‌ ته‌مه‌نێ درێژ ژ نه‌زه‌ر علم و عه‌قل ڤه‌ هاتیه‌ قه‌بوول كرن و د تاریخێ دا ژی ژ وا گه‌له‌ك هه‌بینه، ئه‌ڤ مه‌سه‌له‌ پێ قودره‌تا بێ نهایه‌تا خود‌ێ 87 ژی تێ ئسبات كرن. گووره‌كی باوه‌ریا هه‌می په‌یره‌وێن دینێن ئاسمانی هه‌می زه‌رراتێن عاله‌مێ د ئختیارا خودا دا نه‌ و ته‌ئسیرا هه‌می سه‌به‌با ب ئرادا وی ڤه‌‌ گرێدایی یه‌ و ئه‌گه‌ر ئه‌و نه‌خازێ وێ سه‌به‌ب ژ كار بكه‌ڤن و هه‌ر وها ببێ‌ سه‌به‌بێ طه‌بیعی د خولقێنێ و چێدكێ.