ئه‏هلێ به‏يت ل حه‏ديسا پێغه‏مبه‏ر دا صلى الله عليه وآله

هه‏روها دنڤيست: ئبن حه‏جه‏ر ل ـ صه‏واعق ێ دا نڤيسيه پێغه‏مبه‏ر صلى الله عليه وآله ناڤێ قورئان و عتره‏تێ كر ـ ثقلين چكو ـ ثقل ئه‏و تشتا گران بهايه كو بێت هه‏ديه‏كرن بو كه‏سه‏كى و ئه‏ڤ هه‏ر دو ژى وه‏ره‏نگن، و هه‏ر يێك ژ ڤان مه‏عده‏نێ علمێن دينى و سرێن عه‏قلى و شه‏رعى ‏نه له‏ومانێ پێغه‏مبه‏ر صلى الله عليه وآله هشيارى دايه بو پێچونا ژ وان. و هاتيه گوتن، ژ به‏ر ڤێ چه‏ندێ ناڤێ وان كريه ـ ثقلين چكو ھای ژێ مانا حه‏قێ وان فه‏رٍز و واجبه، ڤێجا ئه‏وا هشيارى لسه‏رهاتى دايين ئه‏ڤه‏يه كو ئه‏ون يێن كتێبا خودێ زانن و ژ رێكا پێغه‏مبه‏ر صلى الله عليه وآله ڤه نابن چكو وه‏ك چه‏وان ل حه‏ديسێ داهاتى: هه‏ر ئه‏ون يێن ژ قورئانێ جدا نه‏بن حه‏تا دگه‏ل هه‏ڤ بچن سه‏ر حه‏وزێ كه‏وسه‏رێ.[4]

عه‏لامه، شێخ محه‏مه‏د جه‏وادێ به‏لاغى ل ته‏فسيرا خوه ـ آلاءالرحمن فى تفسير القرآن دا وها دنڤيست:

حه‏ديسا سه‏قه‏له‏ين حه‏ديسه‏ك موته‏واتره‏و شك تێدا نينن كو برايێن ئه‏هلێ سونه‏ت ژى ئه‏و ل كتێبێن خوه‏دا نڤيسينه و ژ صه‏حابێن پێغه‏مبه‏ر صلى الله عليه وآله كو ئه‏وا ژ ده‏ڤێ وى سه‏ح كريه وها نه‏قل كرنه: إِنّى تاركٌ فيكُمُ الثقليْن أَوْالْخَليفَتَين كِتابَ اللّهِ وَ عِتْرَتي أَهْلَ بَيْتي ما إِنْ تَمَسَّكْتُمْ بِهِما لَنْ تَضلّوا أبداً فإنهما لن يفترقا حَتّى يَردا عَلىّ الْحَوض مه‏عنا ڤێ حه‏ديسێ پێشدا ده‏ربازبى.

ناڤێ صه‏حابيێن ئه‏ڤ حه‏ديس روايه‏ت كرين:

 1 - اميرالمؤمنين عه‏لى. 2 - عه‏بدولا ئبن عه‏باس. 3 - ئه‏بوذه‏رێ غه‏فارى. 4 - جابرێ ئه‏نصارى. 5 - عه‏بدولا ئبن عومه‏ر. 6 - حوذه‏يفه كورێ ئوسه‏يد. 7 - زه‏يد كورێ ئه‏رقه‏م. 8 - عه‏بدره‏حمان كورێ عه‏وف. 9 - ضه‏ميره‏يێ ئه‏سله‏مى. 10 - عامر كورێ له‏يلا. 11 - ئه‏بورافع. 12 - ئه‏بوهوره‏يره. 13- عه‏بدولا بن حنطه‏ب. 14 - زه‏يد بن ڤابت. 15 - ام سه‏له‏مه. 16 - ئوم هانى، خويشكا ئمام عه‏لى. 17 - خوزه‏يمه بن ڤابت. 18 - سه‏هل بن سه‏عد. 19- عه‏دى بن حاته‏م. 20 - عه‏قه‏به‏بن عامر. 21 - ئه‏بو ئه‏يوبى ئه‏نصارى. 22- ئه‏بو سه‏عيدێ خودرى. 23 - ئه‏بو شوره‏يحێ خه‏زاعى. 24 - ئه‏بو قودامه‏يێ ئه‏نصارى. 25 - ئه‏بو له‏يلا.

 26 - ئه‏بو هه‏يثه‏م بن تيهان.

ئه‏ڤێن هه‏نێ كو مه ناڤ برن پاش ئوم هانى هه‏ر يێكى تنێكى حه‏ديسا ثه‌قه‌له‏ين وه‏ك وايێن پێش وێ دا نه‏قل كرنه و گێرانه، و ئه‏ڤێن هه دگه‏ل حه‏فت كه‏س ژ قوره‏يشيان ل عه‏رده‏ك به‏رفره‌ھ يێ كوفێ کووم بين و شاهدى دان كو ئه‏ڤ حه‏ديس ژ ده‏ڤێ پێغه‏مبه‏ر صلى الله عليه وآله سه‏ح كرنه، نخوه ب ڤێ ئانه گورێ سه و سێ صه‏حابيا ئه‏ڤ حه‏ديس روايه‏ت كرنه.

ئه‏بونه‏عيمێ ئصفهانى ل كتێبا ـ منقبة المطهرين دا ب سه‏نه‏دا خوه ژ سه‏عيدبن جه‏بير بن موطعه‏م و ژ ئه‏نه‏س بن مالك و به‏راء بن عازب روايه‏تكريه، و مووه‏فه‏ق بن ئه‏حمه‏د ئه‏خطه‏ب خه‏وارزم ژ عه‏مر بن عاص روايه‏ت كريه، و كتێبێن حه‏ديس و فه‏ضائل و سيه‏رێن كو عالمێن ئه‏هلێ سونه‏ت نڤيسيين گه‏له‏ك كێم هه‏نه كو ئه‏ڤ حه‏ديسا ـ ثه‌قه‌له‏ين تێدا نه‏هاتبت، ژ روژا ئه‏و لڤه كو نڤيسينا حه‏ديسا ده‏سپێ بى ئه‏ڤ حه‏ديس ژ ده‏ڤێ يێك ئان کوومه‏ك ژ صه‏حابيا هات نه‏قل كرن و نڤيسين و جار هه‏يه ل كتێبه‏كى دا ژ ده‏ڤێ 20 صه‏حابيا ئه‏ڤ حه‏ديس هاتبت روايه‏ت كرن و نڤيسين، ڤێجا ئان كورت و بێ سه‏نه‏د وه‏ك چه‏وا ل ـ صواعق المحرقه يێ دا هاتى و ئان ب درێژى و ب سه‏ند ڤه وه‏ك چه‏وا ل كتێبێن ـ سه‏خاوى و ـ سيوطى و ـ سه‏مهودى و يێن ديدا هاتى.

عه‏لامێ به‏لاغى ب ڤى ئاوايى ده‏وامێ ددت گوتنا خوه:

عالمێن ئمامى يا پێ گه‏له‏ك سه‏نه‏دا ژ ئمامێ باقر (ع) و ژ ئمامێ رضا (ع) و ژ ئمامێ كاظم (ع) و ئمامێ صادق (ع) ژ باب و باپێرێن خوه ژ پێغه‏مبه‏رێ خودێ‏ صلى الله عليه وآله و پێ هنه‏ك سه‏نه‏دێن دى ژ ئمام عه‏لى و عومه‏ر، و ئوبه‏ى و ئه‏بى سه‏عد و زه‏يد بن ئه‏رقه‏م وزه‏يد بن سابت و حوذه‏يفه بن ئوسيد و ئه‏بوهوره‏يره ‏و غه‏يرێ وان ئه‌‏ڤ حه‏ديس ژ پێغه‏مبه‏ر صلى الله عليه وآله نه‏قل كرنه‏ه.[5]