ئه‌خلاقێ حه‌زره‌تێ فاتیما زه‌ھرا س

1- ئمام عه‌لی یێكه‌مین باوه‌رد‌ار و موسلمان بی كو ھای ژ قیمه‌ت و ھه‌د‌ه‌فێن د‌ین ھه‌بی و یێكه‌مین كه‌س بی كو د‌ گه‌ل ره‌سوولێ خود‌ا صلی الله‌ علیه‌ و آله‌ د‌ به‌یتوللاھێ د‌ا نمێژ كری.

2- د‌ زه‌مانێ نه‌خوه‌شی و غه‌ریبیا ئسلامێ د‌ا به‌ره‌ڤانێ پێشی ژ وێ ئه‌و بی؛ شویرێ وی بی كو سه‌ریێ موشركێن قوره‌یشی و گوریێن عه‌ره‌بان و نه‌گوھد‌ارێن ئه‌ھلێ كتاب، د‌فراند‌ان، نخوه‌ ئه‌و یێكه‌مین موجاھد‌ێ ئسلامێ یه‌ و ئه‌شكه‌ره‌ترینێ په‌ھله‌وانێن ھێزا چه‌كد‌اره‌ كو په‌یاما ئسلامێ ھلگرتیه‌ و كه‌لیما خود‌ا د‌ عه‌رد‌ێ د‌ا بلند‌ كریه‌.

ئمام خوه‌یێ كارێن به‌ركه‌تی یه‌ د‌ گه‌له‌ك جییان د‌ا، وه‌ك به‌د‌ر و ئوحود‌ و ئه‌حزاب و.. ئسلام ب شویرێ وی بلند‌ بویه‌ و ب جھاد‌ا وی ئاڤا بویه‌، چقا ژ ئالیێ موشركا ڤه‌ نه‌خوه‌شییه‌ك سه‌ر ئسلامێ د‌ا بھاتا ھه‌ما ئه‌و بی كو پێشی لێ د‌گرتا. د‌ ھه‌می شه‌ران د‌ا ئه‌و ژ ئالیێ ره‌سوولێ خود‌ێ ڤه‌ د‌بویا سه‌رعه‌سكه‌ر و چ شه‌رێ ئه‌و بچووایێ د‌ائم سه‌ركه‌تن ژ وی را بی؛ و ھه‌ما ئه‌وه‌ یێ جھوی بن ئێخستین و زه‌لیل كرین و كه‌لھ و قه‌لعێن وان ڤه‌گرتین و مه‌زناھیا وان خلاس كری.

3- د‌ كار و بارێ د‌ینی و شه‌ریعه‌تێ د‌ا ئمام زاناترینێ صه‌حابان بی نه‌خاصما د‌ كارێ مه‌حكه‌مه‌ و قه‌زاوه‌تێ د‌ا. ره‌سوولێ خود‌ێ صلی الله‌ علیه‌ و آله‌ د‌ه‌رحه‌ق وی د‌ا گووتیه‌: حوكمزانترینێ ھه‌وه‌ عه‌لی یه‌. گووتنا عومه‌ر بن خه‌تتاب ژی د‌ه‌رحه‌ق وی د‌ا مه‌شھووره‌ كو گووتیه‌: ئه‌گه‌ر نه‌ عه‌لی بویا وێ عومه‌ر ژناڤ بچووا. د‌ ڤێ د‌انا خود‌ایی د‌ا كه‌س گه‌ل وی نه‌ به‌رابه‌ر بی.

خێنجی د‌ كارێ د‌ینی د‌ا د‌ كارێ سیاسه‌ت و رێڤه‌برنێ د‌ا ژی زلناترین بی، ناما وی یا حوكمد‌اریێ كو ژ مالكێ ئه‌شته‌ر را نڤیسیی شاھد‌ێ ڤێ گووتنێ یه‌.[viii] ھه‌ر وھا نامێن وی یێن د‌ی كو ژ ئاریكارێن خوه‌ را رێكرین[ix] ھه‌ر وھا د‌ علمێن د‌ی د‌ا ژی وه‌ك كه‌لام و فه‌لسه‌فه‌ و فقھ و حه‌ساب و نه‌حوێ د‌ا ژی زاناتر بی

عه‌ققاد‌ د‌بێژێ: ئمام د‌ه‌رگه‌ھ ل زێد‌ه‌ترێ ژ ٣٠ علم و زانستان ڤه‌كری یه‌. ڤێجا ما د‌گه‌ل ڤێ زانینێ چه‌وا وێ ھنه‌ك د‌ی بكارن پێش وی بكه‌ڤن د‌ حاله‌كی د‌ا كو خود‌ێ ته‌عالا د‌ قورئانا پیرووز د‌ا، زومه‌ر / ٩ وھا كه‌ره‌م د‌كێ: ما ئه‌وێن زانن و یێن نزانن به‌رابه‌رن؟ - قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ.

4- صفه‌ته‌ك د‌ی یێ ئمام سه‌لام لێ بن نه‌حه‌زیا وی بی ژ خوه‌ مه‌زنكرنێ و ئه‌ڤ بی كو مه‌صله‌حه‌تا ئوممه‌تێ ل سه‌ر ھه‌ر تشتی را د‌گرتا و ھایژێمانه‌ك باش ھه‌بی د‌ه‌رحه‌ق مالێ موسلمانا د‌ا، ئه‌ڤ تشت د‌ د‌ه‌مێ حوكمد‌اریا وی د‌ا باش باش خوه‌یھان، ئه‌وی خوه‌ ژ خوه‌شیێن د‌ونیایێ پاشد‌ا گرت و گوورا نڤیسینا ئه‌ھلێ تاریخێ ئه‌وی قه‌ت تشته‌ك ژ مالێ د‌ه‌وله‌تێ نه‌ ژ خوه‌ را نه‌ ژی ژ مرووڤێن خوه‌ را رانه‌كر و ب ته‌نگی بووراند‌ و ب عه‌د‌اله‌ت ناڤ خه‌لكێ د‌ا سیاسه‌ت رێڤه‌ بر و د‌ ھه‌می حه‌ق حوقووقان د‌ا وه‌كھه‌ڤی ناڤ ھه‌ڤوه‌لاتی یا د‌ا چێكر؛ چ موسلمان و چ نه‌ موسلمان.

5- صفه‌ته‌ك د‌ی یێ ڤی ئمامێ عاد‌لێ مه‌زن د‌ عه‌رد‌ێ د‌ا، ته‌قواتیا خود‌ا بی، ئه‌و رێبه‌رێ یێكپه‌رێس و ئمامێ موتته‌قینا بی. ئه‌و د‌بێژێ: ئه‌گه‌ر حه‌فت ئقلیمێن عاله‌مێ و حه‌چی یا د‌ وان د‌ا بد‌ن من ب ڤی شه‌رتی كو ئه‌ز د‌ بێ ئه‌مری یا خود‌ا د‌ا زلكا د‌ د‌ه‌ڤێ كولیێ د‌ا ژێ بگرم، ئه‌ز ڤی كاری ناكم.

6- قه‌تا جانێ پێغه‌مبه‌ر صلی الله‌ علیه‌ و آله‌ د‌یت كو بابێ وێ زلامێ وێ وێ ژ جیگریا پاش خوه‌ را د‌انی و ئه‌و كفش كر د‌ا ئوممه‌تێ رێڤه‌ ببێ و د‌ غه‌د‌یرخومێ د‌ا سه‌ر ڤێ یێكێ به‌یعه‌ت ژ موسلمانا گرت و ئایه‌تا كه‌ریمه‌ ژێرا ھات كو: ئه‌ی پێغه‌مبه‌ر، ئه‌وا ژ ئالیێ، خودایێ ته‌ڤه‌ ژ ته‌را هاتی راگهینه، و ئه‌گه‌ر تو وێ نه‌کی، ته په‌یاما وی نه‌گهاندییه (قاسدیا وی بجی نه‌ئانیه). و خودێ وێ ته ژ [زه‌ره‌ر گهاندنا] خه‌لکێ بپارێزێ. راستی ئه‌ڤه‌ کو خودێ کووما کافرا ناینێ سه‌ر رێکێ - يَا أَيُّهَا الرَّسُولُ بَلِّغْ مَا أُنزِلَ إِلَيْكَ مِن رَّبِّكَ وَإِن لَّمْ تَفْعَلْ فَمَا بَلَّغْتَ رِسَالَتَهُ وَاللّهُ يَعْصِمُكَ مِنَ النَّاسِ إِنَّ اللّهَ لاَ يَهْدِي الْقَوْمَ الْكَافِرِينَ.[x] پشتی ڤێ ھشیاریا ئلاھی ره‌سوولێ خود‌ا صلی الله‌ علیه‌ و آله‌ حه‌جی یێن ژ مالا خود‌ێ زڤریین د‌ عه‌رد‌ێ خومێ د‌ا به‌رھه‌ڤ كرن و ئایه‌ت ژ وان را خوه‌ند‌ و د‌ه‌رحه‌ق جیگریا خوه‌ د‌ا د‌ه‌ستوورا خود‌ا ژ وان را رووناھی كر، ڤێجا موسلمانا ب ناڤێ مه‌زن و وه‌لی یێ خوه‌ به‌یعه‌ت د‌ گه‌ل وی كرن و ھه‌ر وھا د‌ایكێن باوه‌رد‌اران ژی به‌یعه‌ت كرن و عومه‌ر بن خه‌تتاب ژی كه‌یفخوه‌شی د‌ایێ و گووتێ: ئه‌ڤا ھه‌ ژ ته‌ را پیرووز بێ، ئیروو تو بویی مه‌زنێ من و مه‌زنێ ھه‌می مێر و ژنێن باوه‌رد‌ار ...

به‌یعه‌تا ژ میرێ باوه‌رد‌اران را د‌ رووژا غه‌د‌یرخومێ د‌ا ژ ئسلامێ جود‌ا نابێ و كه‌سێ ئنكارا وێ بكێ ئه‌وی ژ د‌ورستی یێ لا د‌ایه‌. خێنجی ژ به‌یعه‌تا غه‌د‌یر خومێ ژی ڤێجا گه‌له‌ك حه‌د‌یسێن ره‌سوولێ خود‌ێ صلی الله‌ علیه‌ و آله‌ د‌ه‌رحه‌ق میرێ باوه‌رد‌اران د‌ا ھه‌نه‌ كو بلند‌اھیا مه‌رته‌به‌ و د‌ه‌ره‌جا وی نیشان د‌د‌ن، یێك ژ وان حه‌د‌یسا مه‌نزله‌تێ یه‌ كو ره‌سوولێ خود‌ا د‌بێژێ ئمام عه‌لی: ھاروون ژ مووسا را چه‌وانه‌ تو ژی ژ من را وه‌ره‌نگی، لێ ھه‌ما ئه‌ڤ ھه‌یه‌ كو پشتی من پێغه‌مبه‌ر تنه‌ھن. د‌یسا كه‌ره‌م كریه‌: عه‌لی د‌گه‌ل حه‌قیێ یه‌ و حه‌قی د‌گه‌ل عه‌لی یه‌. و: عه‌لی د‌گه‌ل قورئانێ یه‌ و قورئان د‌گه‌ل عه‌لی یه‌. و: ئه‌ز باژارێ زانینێ مه‌ و عه‌لی د‌ه‌ریێ وێ یه‌. و گه‌له‌ك حه‌د‌یسێن د‌ی كو كتێبێن صه‌حیح و سونه‌نان د‌ا ھاتنه‌ نڤیسین و مه‌خسه‌د‌ ژ وان ھه‌ما ئه‌ڤه‌ جیگریا ئمام ژ ره‌سوولێ خود‌ا را صلی الله‌ علیه‌ و آله‌ نیشان بد‌ن.