ئه‌خلاقێ ئمام عه‌سكه‌ری (س)

نه‌رمی و بێھنفره‌ھی یێك ژ صفه‌تێن ئه‌شكه‌ره‌ یێ ڤی ئمامێ پاقژ بی، كه‌سێ خرابی ئان زولم لێ د‌كرا، لێ د‌بووریا و نه‌ ھه‌ما ئه‌و، به‌لكی قه‌نجی ژی لێ د‌كرا د‌ا كو روحێ وی ژ نه‌قه‌نجی یێ بشوو و پاقژ بكێ، ئه‌و ژ حه‌لیمترین و نه‌رمترینا بی و ژ وان كه‌سان بی كو كه‌ربا خوه‌ د‌اد‌خارا و د‌اد‌قورتاند‌ا. حوكمه‌تێن عه‌بباسی ئه‌وقا ئه‌و د‌ زێند‌انێن خو د‌ا ئێشاند‌ن، ئه‌و كار گه‌ل وی كرن كو پێش وی د‌ا گه‌ل بابێ وی ئمام ھاد‌ی سه‌لام لێ بن كرین، لێ د‌یسا ژی ئه‌وی سه‌لام لێ بن ژ خود‌ا پێڤه‌ شكایه‌تا خوه‌ نه‌بر بال كه‌س د‌ی.

2- بریارا بررا

یێك ژ سه‌راتی یێن ئمام عه‌سكه‌ری سه‌لام لێ بن بریارا وی و ئراد‌ا وی یا بررا و جیگرتی بی. د‌ ڤێ مه‌سه‌لێ د‌ا ھه‌ما گاڤا خوه‌ د‌انیبی شوونا گاڤا جه‌د‌د‌ و كالكێ خوه‌ ره‌سوولێ خود‌ێ صلی الله‌ علیه‌ و آله‌ ئه‌وێ كو د‌ به‌رابه‌رێ خوه‌ھری و شركێ د‌ا سه‌كنی و راوه‌ستا و خوه‌ ل به‌رابه‌رێ حێچ و خورتێن قوره‌یشی د‌ا راگرت و ھشك كر و ئه‌و خه‌به‌رد‌ان گووت یا كو ھه‌ر بمینێ. كه‌ره‌م كر:

وللاھی ئه‌گه‌ر رووژێ بێخن د‌ه‌ستێ من یێ راستێ د‌ا و ھه‌یڤێ ژی بكن د‌ د‌ه‌ستێ من یێ چه‌پێ د‌ا و ژ من بخازن كو ئه‌ز د‌ه‌ستا ژ كارێ خوه‌ بكێشم، ئه‌ز وه‌ ناكم حه‌تا ئان ئه‌ز بمرم و ئان خود‌ێ ته‌عالا سه‌ركه‌تنێ بد‌ێ.

نه‌ڤیێ وی ئمام عه‌سكه‌ری ژی سه‌لام لێ بن د‌ به‌رابه‌رێ جاھلی یا حوكمه‌تا عه‌بباسی یا د‌ا سه‌كنی و راوه‌ستا و سیاسه‌تا وان یا ره‌ش و تاری ل وان شكاند‌ و ره‌د‌د‌ كر، ئه‌و سیاسه‌تا كو د‌ژێ خود‌ا و پێغه‌مبه‌ر بی صلی الله‌ علیه‌ و آله‌ . عه‌بباسی پر خه‌بتین د‌ا كو ئه‌وی ب ئالیێ خوه‌ ڤه‌ بكێشن و د‌ ڤێ مه‌سه‌لێ د‌ا حازر بین پر مال و مه‌قام و مه‌نصه‌بان بد‌نێ، لێ ئه‌و ب بریاره‌ك بررا لسه‌ر جه‌بھێ خوه‌ ما و ر‌ێچكا وان یا خراب و پیس كو مالێ ئوممه‌تێ د‌ رێكا مه‌یل و ڤییانێن خوه‌ و ل خوه‌شبووراند‌نێن خوه‌ یێن شه‌ڤانه‌ د‌ا مه‌صره‌ف د‌كران، ره‌د‌د‌ كر و كرێت زانی. ئه‌و قاس ل سه‌ر فكر و بیر و ھزرا خوه‌ سه‌كنی و خوه‌ ھشك كر كو عه‌بباسییان ئه‌و د‌ به‌رابه‌رێ سیاسه‌تا ره‌ش و تاری یا خوه‌ یا لسه‌ر زولم و بێ عه‌د‌اله‌تیێ ئاڤابوویی د‌یتن كو ته‌ك و ته‌نێ راوه‌ستا یه‌ و لسه‌ر گووتنا خوه‌ یه‌.

3- سه‌خاوه‌ت و مه‌رد‌ینی

مه‌رد‌ی و د‌ان و سه‌خاوه‌ت ژ ئه‌خلاقێ ئه‌ھلێ به‌یتێ بی و ئه‌و سه‌ركانیا كه‌ره‌مێ و سه‌رچاڤكا سه‌خاوه‌تێ نه‌.

مه‌رد‌یتی و سه‌خاوه‌ت و د‌ه‌ست ڤه‌كریبوون، د‌ناڤ گووشت و خوینا ئه‌ھلێ به‌یتێ د‌ا ھه‌بیه‌ سه‌لام لوان بن تو سیره‌ت و رێچكا كی ژ وان بخوونی تێ بباشی ببینی كو پر د‌ه‌ستڤه‌كری بوونه‌ و قه‌نجی ل فه‌قیر و ژاران كرنه‌ و ھای ژ زه‌عێف و به‌لنگازان ھه‌بینه‌. ئمام حه‌سه‌نێ عه‌سكه‌ری ژی سه‌لام لێ بن ژی ژ وان بی كو د‌ د‌ونیایێ د‌ا مه‌حبووبترین تشت، باشی گه‌ل فه‌قیرا بی.

حه‌زره‌تێ ئمام ئه‌بوو موحه‌ممه‌د‌ حه‌سه‌نێ عه‌سكه‌ری سه‌لام لێ بن ژ مه‌رد‌ترین كه‌سا بی و گه‌له‌ك ئاری ژار و به‌له‌نگازان د‌كرا وپر كه‌سا قه‌نجیا وی د‌یتنه‌. تاریخان ڤێ د‌ه‌رحه‌قێ د‌ا گه‌له‌ك گووتن ھه‌نه و ھنه‌ك ژێ ئه‌ڤن:

1- ئه‌وی حه‌زره‌تی ل ھه‌ر جھێ كو په‌یره‌وێن وی ل وێد‌ه‌رێ ھه‌یین، وه‌كیل و به‌رپرسیار ھه‌بین و گووتبی وان كو حه‌چی مالێ ژ ووجووھاتێن شه‌رعی ھوون د‌گرن، ل فه‌قیر و ژاران و د‌ رێكا لھه‌ڤئانینا خه‌لكێ د‌ا و كارێن فه‌ید‌ا گشتی ژ مرووڤان را تێد‌ا ھه‌یی مه‌صره‌ف بكن.