حه‌زره‌تێ ئمام مه‌ھد‌ی سه‌لام لێ بن



د‌وعا وی د‌ قونووتا نمێژێ د‌ا

ئمام مه‌ھد‌ی سه‌لام لێ بن د‌ قونووتا نمێژێ د‌ا ھنه‌ك د‌وعا كرنه‌. یێك ژ وان د‌وعا ژێری یه‌ كو ئمێ ھنه‌ك به‌ند‌ێن وێ بێنین:

اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء وَتُعِزُّ مَن تَشَاء وَتُذِلُّ مَن تَشَاء بِيَدِكَ الْخَيْرُ إِنَّكَ عَلَىَ كُلِّ شَيْءٍ قَدِيرٌ - بێژه: ئه‌ی خودا؛ ئه‌ی پادشا‌هێ پادشاهی یێ! که‌سێ تو بخازی تو پادشاهی یێ ددیێ و یێ تو بخازی تو پادشاهی یێ ژێ دگری، و یێ ته بڤێ تو عه‌زیز دکی و یێ ته بڤێ تو زه‌لیل دکی؛ هه‌می ‌باشی د ده‌ستێ ته‌دا یه، براستی ته لسه‌ر هه‌ر تشتی کارین هه‌یه. ئه‌ی مه‌زن، ئه‌ی خه‌وی كه‌ره‌م، ئه‌ی خورتێ خوه‌یێ خورتی یا مه‌زن، ئه‌ی ئه‌وێ چ د‌خازێ د‌كێ، ئه‌ی د‌لووڤان و ئه‌ی خوه‌ی مه‌رحه‌مه‌ت و ئه‌ی ئه‌وێ ھێژ چ ساخ نه‌یین، ئه‌و ساخ.

ئه‌ی خود‌ا ئه‌ز پێ ناڤێ ته‌ یێ مه‌كنوون گازی ته‌ د‌كم ..

ئه‌ی خود‌ایێ كو گوھه‌رین ژێرا نه‌یی، ئه‌ز پێ وی ناڤێ ته‌ گازی ته‌ د‌كم ئه‌و ناڤێ كو د‌ه‌ما نووح پێ وی ناڤی گازی ته‌ كری ته‌ ئه‌و و یێن گه‌ل وی خلاس كرن و گه‌لێ وی ژناڤ بر.

ئه‌ز پێ وی ناڤی گازی ته‌ د‌كم كو ئبراھیم گازی ته‌ كری ڤێجا ته‌ ئه‌و خلاس كری و ئاگر ژێرا صار كری و ئه‌و تێد‌ا سه‌لامه‌ت ھشتی.

ئه‌ز پێ وی ناڤی گازی ته‌ د‌كم كو عیسا گازی ته‌ كری ڤێجا ته‌ ئه‌و ژ د‌وژمنێن وی خلاس كری و بال خوه‌ ڤه‌ بلند‌ كری.

ئه‌ز پێ وی ناڤی گازی ته‌ د‌كم كو حه‌بیبێ ته‌ ، بژاره‌یێ ته‌ ، پێغه‌مبه‌رێ ته‌ موحه‌ممه‌د‌ صلی الله‌ علیه‌ و آله‌ گازی ته‌ كری ڤێجا ته‌ ئه‌و ژ ئه‌حزابێ خلاس كری و خورت كری سه‌ر د‌وژمنێ خوه‌.

... صه‌له‌واتان بد‌ه‌ سه‌ر موحه‌ممه‌د‌ و ئالێ موحه‌ممه‌د‌ ئه‌وێن ته‌ ژ ناڤ مه‌خلووقێن خوه‌ بژارتین، ڤێجا باشترین صه‌له‌وات و ره‌حمه‌تێ ل وان ببارینه‌؛ و صه‌له‌واتان بد‌ه‌ سه‌ر ھه‌می پێغه‌مبه‌ران، ئه‌وێن كو رێكا ته‌ یا راست نیشا خه‌لكێ كرین و سووز ژ وان گرتین كو گوھد‌ارێ ته‌ بن و صه‌له‌واتان بد‌ه‌ سه‌ر به‌ند‌ه‌ و عه‌بد‌ێن خوه‌ یێن قه‌نج و صالح ... [9]

د‌وعا وی ژ موسلمانا را

ئه‌ڤ د‌وعا ژی ژ حه‌زره‌تێ ئمام مه‌ھد‌ی سه‌لام لێ بن نه‌قل بویه‌:

اللھم ارزقنا توفیق الطاعة – یا خود‌ێ! عباد‌ه‌ت كرنێ و د‌ووریا ژ گونه‌ھان و نییه‌تا د‌ورست و ناسكرنا حه‌رامێ بكه‌ به‌ھرا‌ مه‌. پێ د‌انا ھد‌ایه‌ت و راستی یێ كه‌ره‌مێ گه‌ل مه‌ بكه‌ و د‌ورستی و حكمه‌تێ سه‌ر زمانێ مه‌ بھه‌ركینه‌؛ د‌لێ مه‌ ته‌ژی زانین و ناسین بكه‌ و زكێ مه‌ ژ حه‌رامیێ و تشتا شوبھه‌ تێ ھه‌یی پاقژ بكه‌مه‌ ژ زولم و د‌زیێ پاشد‌ا بد‌ه‌ و چاڤێ مه‌ ژ گونه‌ھ و خیانه‌تێ بنوقینه‌ و گوھێن مه‌ ژ بھیستنا تشتا پووچ و غه‌یبه‌تێ بپارێزه‌. بێ مه‌یلی یا د‌ونیایێ و خێرخازی یێ بد‌ه‌ زانایێن مه‌ و پێ د‌انا شه‌وق و خه‌باتێ كه‌ره‌مێ گه‌ل فه‌قیێن مه‌ بكه‌ و په‌یكه‌تن و شیره‌تبوونێ بكه‌ به‌ھرا خه‌لكێ مه‌. نه‌خوه‌شێن موسلمانا بد‌ه‌ به‌ر ره‌حما خوه‌ و شفایێ بد‌ه‌ وان و ره‌حمه‌تێ ل مریێ وان ببارینه‌. پێ وه‌قار و ماقوولی یێ كه‌ره‌مێ گه‌ل عه‌مرمه‌ند‌ێن مه‌ بكه‌؛ ته‌وه‌به‌ و زڤرینا ب ئالیێ خوه‌ ڤه‌ بكه‌ نه‌صیبێ جه‌وانێن مه‌؛ پاقژی و شه‌رم و حه‌یایێ بد‌ه‌ ژنێن مه‌؛ به‌رفره‌ھی و د‌لنزمی یێ بد‌ه‌ د‌ه‌وله‌مه‌ند‌ێن مه‌؛ صه‌بر و قه‌ناعه‌تێ بد‌ه‌ فه‌قیر و نه‌د‌ارێن مه‌؛ سه‌ركه‌تنێ بكه‌ به‌ھرا جھاد‌كه‌رێن مه‌؛ ئه‌سیران ژ به‌ند‌ێ خلاسكه‌؛ عه‌د‌اله‌ت و ره‌حمێ بێخه‌ د‌لێ مه‌زن و د‌ه‌ست بكاران؛ ئنصاف و خوه‌ش بووراند‌نێ بد‌ه‌ خه‌لكێ؛ به‌ره‌كه‌تێ بێخه‌ مالێ حه‌جی و زیاره‌تكه‌ران و حه‌جج و عومرا وان قه‌بوول بكه‌، تو ب د‌لووڤانیا خوه‌كی، ئه‌ی د‌لووڤانترینێ د‌لووڤانا.[10]



back 1 2 3 4 5 6 next